Read Bibliya Yera 1951 EZEKIYELI 39 Bible Online

EZEKIYELI 39 - Bibliya Yera 1951 bible

EZEKIYELI 39

¹Nuko rero, mwana w’umuntu, ubūrire Gogi, ut’ Uku ni k’Umwami Uhoraho agize, at’ Ehe nzohigūra nawe, ewe Gogi, wa mwami w’i Roshi n’i Mesheki n’i Tubali:

²nzoguhindukiza ngushorere, nkudūgane uvuye ahahera i burārūko, ngushikane ku misozi y’i Bgisirayeli;

³kand’ umuheto wawe ufashe mu kubamfu nzowukubita ukoroke, n’ imyampi yawe ufashe mu kuryo ndayikororere hasi.

⁴Muzogwa ku misozi y’i Bgisirayeli, mwe n’ ingabo zawe zose, n’amahanga ari kumwe nawe: nzokugaburira ibisīga vy’amero vy’amoko yose, n’ ibikōko vyo mw ishamba ngo bikugabure.

⁵Uzogwa mu gahinga ka sabaderi, kukw ari jewe mbivuze, ni k’Umwami Uhoraho agize.

⁶Kandi nzokwanda umuriro Magogi, n’abibera ku kiyaga ata co binona; maze bazomenya yuko jewe nd’ Uhoraho.

⁷Izina ryanje ryera nzorimenyekanisha hagati mu bantu banje b’Abisirayeli; kandi sinzokunda kw izina ryanje ryongera guhumanywa ukundi: maz’ amahanga azomenya yuko jewe nd’ Uhoraho, Uwera wo mu Bisirayeli.

⁸Ehe biraje, kandi bigiye gushika: uwo ni wo wa musi navuze, ni k’Umwami Uhoraho agize.

⁹Ni ho ababa mu bisagara vy’i Bgisirayeli bazosokoroka, ivyo birwanishwa babigire inkwi z’umuriro, bacane inkinzo nto‐nto na nini‐nini, n’imiheto n’imyampi, n’amacumu y’inzunga n’amatabura, babigire inkwi z’ umuriro kumara imyaka ndwi:

¹⁰bitume batakirinda kuja gusenya ku misozi, canke kugira izo basatura mu kibira; kukw ivyo birwanishwa ari vyo bazogira inkwi z’umuriro: kandi bazosahura abābasahuye, banyage abābanyaze, ni k’Umwami Uhoraho agize.

¹¹Kur’ uwo musi nzoha Gogi aho guhambga mu Bgisirayeli, mu kiyaya co ku nzira y’abahita, ku ruhande rw’ikiyaga rw’i burasirazuba, bitume abahita babura aho baca; aho ni ho bazohamba Gogi n’isinzi ryiwe ryose: maze bazocita Ikiyaya c’isinzi rya Gogi.

¹²Ab’ inzu ya Isirayeli bazomara amezi ndwi babahamba, kugira ngo bahumanure igihugu.

¹³Mber’ abantu bose bo mu gihugu bazobahamba; bizobaha kuvugangwa ku musi nzoba nshizwe hejuru, ni k’Umwami Uhoraho agize.

¹⁴Kandi bazotora abantu bo kwama bakora ico gikorwa; bazogendagenda mu gihugu bahamba imivyimba yasigaye ku gasozi, bafashwa n’abahita, kugira ngo bagihumanure. Ayo mezi ndwi ni yashira, bazotangura gukubāza, barondera uwoba yar’ asigaye;

¹⁵kand’ abahita mu gihugu ni bahaca, hakagira ūbona igufa ry’ umuntu, az’ arishingekw ikimenyetso, gushitsa ah’abahamvyi bazorihamba mur’ ico kiyaya c’isinzi rya Gogi.

¹⁶Kandi hazobah’ igisagara kizokwitwa Hamona. Uko ni ko bazohumanura igihugu.

¹⁷Nuko rero, mwana w’umuntu, uku ni k’Umwami Uhoraho agize, ati Barira ibisīga vy’amoko yose, n’ibikōko vyose vyo mw ishamba, uti Ni mukoranire hamwe, muze; mwikoranirize hamwe muvuye impande zose, muze ku kimazi canje mbacumitiye, ikimazi gihambaye ku misozi y’i Bgisirayeli, kugira ngo murye inyama, munywe amaraso.

¹⁸Muzorya inyama z’abahambaye, munywe amaraso y’abaganwa bo mw isi, n’ay’ impfizi z’intama, n’ay’ imyagazi, n’ay’ impene, n’ay’ ibimasa, vyose ar’ ibivyibushe vy’i Bashani.

¹⁹Kandi muzorya ibinure muhāge, munywe amaraso muborerwe, vy’ibimazi mbacumitiye.

²⁰Muzohāgira ku meza yanje, muhāgijwe n’amafarasi aheka abantu n’ayakwega imikogote, n’abahizi, n’ingabo zose z’intambara, ni k’Umwami Uhoraho agize.

²¹Ubgiza bganje nzobushira hagati mu mahanga; kand’ amahanga yose azobona iteka nashikije, n’ukuboko kwanje nabashōreyeko.

²²Uko ni kw ab’ inzu ya Isirayeli bazomenya yuko nd’ Uhoraho Imana yabo, uhereye uwo musi no mu bihe bizokurikiraho.

²³Kand’ amahanga azomenya yukw ab’ inzu ya Isirayeli bājanywekw inyagano bahōwe ibigabitanyo vyabo; kuko bāncumuyeko, bigatuma mbahisha mu nyonga hanje; nuko rero nabagabuye mu maboko y’ abarwanizi babo, bose baririkwa n’inkota.

²⁴Nabashubirije mu nkōko ibihwanye n’ukwandura kwabo n’ibihwanye n’ibigabitanyo vyabo; mbahisha mu nyonga hanje.

²⁵Nuko rero, uku ni k’Umwami Uhoraho agize, ati Noneho, ngira ngarukane aba Yakobo, mbakūre mu ngoyi zabo, ngirire imbabazi ab’ inzu ya Isirayeli bose, kandi mfuhire izina ryanje ryera.

²⁶Bazokwibagira ibitētērwa vyabo, n’ ubuhemu bgabo bgose bāmpemukiye, ni bamara kwibera mu gihugu cabo, ata co binona, ata kibateye ubgoba,

²⁷mmaze kubagarukana mbakūye mu mahanga, mbakoranirije hamwe mbakūye mu bihugu vy’abansi babo, niyerekaniye kuri bo imbere y’amahanga menshi ko nd’ Uwera.

²⁸Maze bazomenyeshwa yuko nd’ Uhoraho Imana yabo, n’uko natumye bajanwa mu mahanga ar’ inyagano, ngatako nkabakoraniriza hamwe mu gihugu cabo bgite; kandi sinzosubira kugira n’umwe muri bo nsigayo,

²⁹canke ngo nongere kubahisha mu nyonga hanje; kuko nzoba nasutse Mpwemu wanje ku nzu ya Isirayeli, ni k’Umwami Uhoraho agize.