Read Bibliya Yera 1951 Yona 2 Bible Online

Yona 2 - Bibliya Yera 1951 bible

Yona 2

¹Maze Yona asengera Uhoraho Imana yiwe mu nda y’urufi,

²ati Natakambiye Uhoraho kubg’ ivyago nagize, aranyishura; Nambaje ndi mu nda y’i kuzimu, wumva ijwi ryanje.

³Kuko wantereye i bgina, muri nyina mu kiyaga; umwuzure wantaye hagati; Imipfunda yawe yose n’imikuba yawe yose vyarandengeye.

⁴Ndavuga, nti Nciwe mu nyonga zawe; Ariko nzokwongera gutumbera urusengero rwawe rwera.

⁵Amazi yanciye irya n’ino, ashika no ku bugingo bganje: I bgina harankikije; ibirandaranda vyo mu mazi vyanyizingiriye mu mutwe.

⁶Ndamanuka nja mu mizi y’imisozi; Isi n’ibihindizo vyayo vyanyugaranye ibihe bidashira: Arik’ Uhoraho Mana yanje, wakūye ubugingo bganje muri rwa rwobo.

⁷Ah’ umutima wanje wiheburira muri jewe, nibutse Uhoraho, Ugusenga kwanje kwagushitseko mu rusengero rwawe rwera.

⁸Aberekeza umutima ku bitagira ikimazi vy’ibinyoma Baba bataye guharirwa.

⁹Ariko jeho nzogushikanira ikimazi nsēsereza impundu, Kandi nzoshitsa ivyo nasezeranye. Agakiza kava k’Uhoraho.

¹⁰Maz’ Uhoraho abarira urwo rufi, rudahwa Yona i musozi.