Read Bibliya Yera 1951 Guharūra 26 Bible Online

Guharūra 26 - Bibliya Yera 1951 bible

Guharūra 26

¹Hanyuma y’ico kīza, Uhoraho abarira Mose na Eleyazari mwene Aroni umuherezi,

²ati Harūra igitigiri c’ishengero ryose ry’Abisirayeli, uhereye ku bamaze imyaka mirongwibiri ukaja hejuru, nk’ukw amazu ya ba sekuruza ari, abo mu Bisirayeli bose bashobora kurwana mu ntambara.

³Nuko Mose na Eleyazari umuherezi barabibabarira bari mu kiyaya c’i Mowabu kuri Yorodani, aharābana n’i Yeriko,

⁴bati Muharūre abamaze imyaka mirongwibiri no kuja hejuru. Babigira nk’uk’ Uhoraho yabariye Mose. Abisirayeli bāvuye mu gihugu ca Egiputa bār’ aba:

⁵Bene Reyubeni, imfura ya Isirayeli, n’aba: Henoki, ni we gishitsi c’inzu y’Abahenoki; na Palu, ni we gishitsi c’inzu y’Abapalu;

⁶na Hesironi, ni we gishitsi c’inzu y’Abahesironi; na Karumi, ni we gishitsi c’inzu y’ Abakarumi.

⁷Ayo ni yo mazu y’ Abareyubeni. Abāharūwe bo muri bo bār’ ibihumbi mirongwine na bitatu, n’amajana ndwi na mirongwitatu.

⁸Aba Palu ni Eliyabu:

⁹aba Eliyabu ni Nemuweli na Datani na Abiramu. Uwo Datani na Abiramu ni bo ba bandi bāri bāratoranijwe mw ishengero, bagahava barwanya Mose na Aroni, bafatanije n’umuce wa Kora, igihe bāgarariza Uhoraho,

¹⁰isi ikāsama, ikabamirana na Kora, hamwe wa muce wifatanya na bo wapfa, umuriro ukayigiza abagabo amajana abiri na mirongwitanu, bakaba akābarore.

¹¹Arikw abana ba Kora ntibāpfuye.

¹²Bene Simeyoni, nk’ukw amazu yabo ari, n’aba: Nemuweli ni we gishitsi c’inzu y’Abanemuweli; na Yamini, ni we gishitsi c’inzu y’Abayamini; na Yakini, ni we gishitsi c’inzu y’Abayakini;

¹³na Zera, ni we gishitsi c’inzu y’Abazera; na Sauli, ni we gishitsi c’inzu y’Abasauli.

¹⁴Ayo ni yo mazu y’Abasimeyoni: bose bār’ ibihumbi mirongwibiri na bibiri n’amajana abiri.

¹⁵Bene Gadi, nk’ukw amazu yabo ari, n’aba: Sefoni, ni we gishitsi c’inzu y’Abasefoni; na Hagi, ni we gishitsi c’inzu y’Abahagi; na Shuni, ni we gishitsi c’ inzu y’Abashuni;

¹⁶na Ozini, ni we gishitsi c’inzu y’Abozini; na Eri, ni we gishitsi c’inzu y’Aberi;

¹⁷na Arodi, ni we gishitsi c’inzu y’Abarodi; na Areli, ni we gishitsi c’inzu y’Abareli.

¹⁸Ayo ni yo mazu y’Abagadi, nk’ukw abāharūwe bari, ukw ar’ ibihumbi mirongwine n’amajana atanu.

¹⁹Bene Yuda ni Eri na Onani; ariko Eri na Onani bāpfiriye mu gihugu c’i Kanani.

²⁰Bene Yuda bābaye ibishitsi vy’amazu n’aba: Shela, ni we gishitsi c’inzu y’Abashela; na Peresi, ni we gishitsi c’inzu y’Abaperesi; na Zera, ni we gishitsi c’inzu y’Abazera.

²¹Aba Peresi n’aba: Hesironi, ni we gishitsi c’inzu y’Abahesironi; na Hamuli, ni we gishitsi c’inzu y’ Abahamuli.

²²Ayo ni yo mazu y’aba Yuda, nk’ukw abāharūwe bari, ukw ar’ ibihumbi mirongwirindwi na bitandatu n’amajana atanu.

²³Bene Isakari, nk’ukw amazu yabo ari, n’aba: Tola, ni we gishitsi c’inzu y’Abatola; na Puva, ni we gishitsi c’inzu y’Abapuva;

²⁴na Yashubu, ni we gishitsi c’inzu y’Abayashubu; na Shimuroni, ni we gishitsi c’inzu y’Abashimuroni.

²⁵Ayo ni yo mazu y’aba Isakari, nk’ukw abāharūwe bari, ukw ar’ ibihumbi mirongwitandatu na bine n’amajana atatu.

²⁶Bene Zebuloni, nk’ukw amazu yabo ari, n’aba: Seredi, ni we gishitsi c’inzu y’Abaseredi; na Eloni, ni we gishitsi c’inzu y’Abeloni; na Yakileli, ni we gishitsi c’inzu y’Abayakileli.

²⁷Ayo ni yo mazu y’aba Zebuloni, nk’ukw abāharūwe bari, ukw ar’ ibihumbi mirongwitandatu n’amajana atanu.

²⁸Bene Yosefu, nk’ukw amazu yabo ari, ni Manase na Efurayimu.

²⁹Aba Manase n’aba: Makiri, ni we gishitsi c’inzu y’Abamakiri; Makiri yavyaye Gileyadi; Gileyadi ni we gishitsi c’inzu y’Abagileyadi.

³⁰Aba Gileyadi n’aba: Yezeri, ni we gishitsi c’inzu y’Abayezeri; na Heleki, ni we gishitsi c’inzu y’Abaheleki;

³¹na Asiriyeli, ni we gishitsi c’inzu y’ Abasiriyeli; na Shekemu, ni we gishitsi c’inzu y’Abashekemu;

³²na Shemida, ni we gishitsi c’inzu y’Abashemida; na Heferi, ni we gishitsi c’inzu y’Abaheferi.

³³Selofehadi mwene Heferi ntiyavyaye abahungu, ariko yavyaye abakobga; amazina y’abo bakobga ba Selofehadi ni Makila na Nowa na Hogila na Miluka na Tirusa.

³⁴Ayo ni yo mazu y’aba Manase: abāharūwe bo muri bo bār’ ibihumbi mirongwitanu na bibiri n’ amajana ndwi.

³⁵Aba ni bo ba Efurayimu, nk’ ukw amazu yabo ari: Shutela, ni we gishitsi c’inzu y’Abashutela; na Bekeri, ni we gishitsi c’inzu y’Ababekeri; na Tahani, ni we gishitsi c’inzu y’Abatahani.

³⁶Aba Shutela n’aba: Erani, ni we gishitsi c’inzu y’Aberani.

³⁷Ayo ni yo mazu y’aba Efurayimu, nk’ukw abāharūwe bari; bār’ ibihumbi mirongwitatu na bibiri n’amajana atanu. Abo ni bo ba Yosefu, nk’ukw amazu yabo ari.

³⁸Bene Benyamini, nk’ukw amazu yabo ari, n’aba: Bela, ni we gishitsi c’inzu y’Ababela; na Ashibeli, ni we gishitsi c’inzu y’Abashibeli; na Ahiramu, ni we gishitsi c’inzu y’Abahiramu;

³⁹na Shufamu, ni we gishitsi c’inzu y’Abashufamu; na Hufamu, ni we gishitsi c’inzu y’Abahufamu.

⁴⁰Aba Bela ni Arudi na Namani: Arudi ni we gishitsi c’inzu y’Abarudi, Namani ni we gishitsi c’inzu y’Abanamani.

⁴¹Abo ni bo ba Benyamini, nk’ukw amazu yabo ari: abāharūwe bo muri bo bār’ ibihumbi mirongwine na bitanu n’amajana atandatu.

⁴²Aba ni bo bene Dani, nk’ukw amazu yabo ari: Shuhamu, ni we gishitsi c’inzu y’Abashuhamu. Abo ni bo bābayemw’ amazu y’aba Dani, nk’ukw amazu yabo ari.

⁴³Ab’ amazu yose y’Abashuhamu, nk’ukw abāharūwe bari, bār’ ibihumbi mirongwitandatu na bine n’ amajana ane.

⁴⁴Bene Asheri, nk’ukw amazu yabo ari, n’aba: Imuna, ni we gishitsi c’inzu y’Abimuna; na Ishivi, ni we gishitsi c’inzu y’Abishivi; na Beriya, ni we gishitsi c’inzu y’Ababeriya.

⁴⁵Mu ba Beriya, Heberi ni we gishitsi c’inzu y’Abaheberi, na Malukiyeli, ni we gishitsi c’inzu y’Abamalukiyeli.

⁴⁶Umukobga wa Asheri yitwa Sera.

⁴⁷Ayo ni yo mazu y’aba Asheri, nk’ukw abāharūwe bari; bār’ ibihumbi mirongwitanu na bitatu n’amajana ane.

⁴⁸Bene Nafutali, nk’ukw amazu yabo ari, n’aba: Yakiseli, ni we gishitsi c’inzu y’Abayakiseli; na Guni, ni we gishitsi c’inzu y’Abaguni;

⁴⁹na Yeseri, ni we gishitsi c’inzu y’Abayeseri; na Shilemu, ni we gishitsi c’inzu y’Abashilemu.

⁵⁰Abo ni bo bābayemw’ amazu y’aba Nafutali, nk’ukw amazu yabo ari: abāharūwe bo muri bo bār’ ibihumbi mirongwine na bitanu n’amajana ane.

⁵¹Abo ni bo bāharūwe bo mu Bisirayeli: bose na bose bār’ ibihumbi amajana atandatu na kimwe n’amajana ndwi na mirongwitatu.

⁵²Uhoraho abarira Mose,

⁵³at’ Abo az’ abe ari bo bagabanganywa igihugu kibe ishamvu yabo, nk’ukw igitigiri c’amazina yabo kingana.

⁵⁴Umuryango munini uz’ uwuhe ishamvu nini, umutoya uwuhe ishamvu ntoya; umuryango wose uz’ uhabge ishamvu ihwanye n’ igitigiri c’abāharūwe bo muri wo.

⁵⁵Arikw ico gihugu kize kigabuzwe ubupfindo; nk’ukw amazina y’imiryango ya ba sekuruza ari, az’ abe ari ko bahegukira.

⁵⁶Nk’uk’ ubupfindo buzokwerekana, az’ abe ari k’umuryango wose ugabanganirizwa ishamvu yawo, ari munini ari mutoya.

⁵⁷Abāharūwe bo mu Balewi, nk’ ukw amazu yabo ari, n’aba: Gerushoni, ni we gishitsi c’inzu y’Abagerushoni; na Kohati, ni we gishitsi c’inzu y’Abakohati; na Merari, ni we gishitsi c’inzu y’Abamerari.

⁵⁸Aya ni yo mazu y’aba Lewi: inzu y’Abalibuni, n’iy’ Abaheburoni, n’iy’ Abamahili, n’iy’ Abamushi, n’iy’ Abakora. Kandi Kohati ni we se wa Amuramu.

⁵⁹Muka Amuramu yitwa Yokebedi, yari mwene Lewi, yavukiye muri Egiputa. Bavyarana na Amuramu Aroni na Mose na Miriyamu mushiki wabo.

⁶⁰Aroni na we abo yavyaye ni Nadabu na Abihu na Eleyazari na Itamari.

⁶¹Ariko Nadabu na Abihu bāpfuye ca gihe bosereza Uhoraho imibavu ku muriro urahuwe ahandi.

⁶²Abāharūwe bo muri bo b’izinamuhungu wese, uhereye ku bamaze ukwezi kumwe bavutse, ukaja hejuru, bār’ ibihumbi mirongwibiri na bitatu. Kandi ntibāharūranwa n’Abisirayeli bandi, kukw ata shamvu bahawe mu bandi Bisirayeli.

⁶³Abo ni bo bāharūwe na Mose na Eleyazari umuherezi; bāharūye Abisirayeli bari mu kiyaya c’i Mowabu kuri Yorodani, aharābana n’i Yeriko.

⁶⁴Ariko muri bo ntihari hakigira n’umwe mu bāharūwe na Mose na Aroni umuherezi, igihe bāharūrira Abisirayeli mu bugaragwa bg’i Sinayi.

⁶⁵Kuk’ Uhoraho yari yaravuze ivyabo, ati Bazogwa mu bugaragwa nta kabuza. Ntihasigara n’umwe muri bo, atari Kalebu mwene Yefune, na Yosuwa mwene Nuni.