Read Bibliya Yera 1951 Habakuki 1 Bible Online

Habakuki 1 - Bibliya Yera 1951 bible

Habakuki 1

¹Imbūri uwavugishwa n’Imana Habakuki yeretswe.

²Uhoraho we, nzogeza ryari kugutakambira, ntunyumve? Kandi nkuborogera kubg’ umuryano uriho, nawe ntuwunkize?

³N’iki gituma unyereka ibigabitanyo, ukitegereza ivy’ inzigo? Kuk’ ubugesera n’umuryano bir’ imbere yanje, hakaba n’imitongano, kandi havyutse n’ibihāri.

⁴Ni co gituma amabgirizwa asigaye yāfōrorotse, akaba ata manza ziroranye zikiboneka na mba: kuk’ umunyakibi atangatanze umugororotsi irya n’ino, bigatuma imanza ziboneka zigoramye.

⁵Enda ni murābe mu mahanga, muvyitegereze; mutangare, mwumirwe: kuko mu gihe canyu ngira nkore igikorwa mutokwemera naho mwokibarirwa.

⁶Kukw ehe rāba, ngira nkakamure Abakaludaya, rya hanga ry’inkazi kandi ry’inkuba, bagenda batera isi iyo iva ikagera, bakikeberezako ingo zitar’ izabo.

⁷Abo n’ibirara vy’inkazi, kandi bateye ubgoba: uguhana no gutikiza ni bo bivako.

⁸Amafarasi yabo arusha ingwe ubukuba, kand’ arusha ubukazi amabingira agenda ijoro: abagendera ku mafarasi yabo baza bihaya: mber’ abagendera ku mafarasi yabo baza bavuye kure; baguruka nk’inkukuma[1] yihutira ico irotsa.

⁹Bose bazanwa n’umuryano; amaso yabo bayahangana igihababu imbere yabo; bakumakuma imbohe nk’ umusenyi.

¹⁰Mbere bacōkōra abami, bagatwenga abaganwa, ibihome vyose barabitwenga gusa, kuko babirundira ibigūngūzi vy’ ivu vyo kwuririrako, bakabinesha.

¹¹Bagaheza bagahita nk’umuyaga, bagakomeza inzira, ar’ abanyabicumuro; kand’ inkomezi zabo bāzigize imana yabo.

¹²Mbega ntiwamyeho uhereye kera hose, Uhoraho Mana yanje, Uwera wanje? Ntituzopfa. Uhoraho, wabashizeho ng’ ubacishe amateka; Gitandara we, wabashiriyeho guhana.

¹³Wewe w’inyonga zitunganye zitorāba ikibi, kand’ utoshobora kwitegereza ivy’ inzigo, n’iki gituma none witegereza abaryarukanyi, ukiyihorerera igihe umunyakibi arotsa umuntu amurusha ubugororotsi;

¹⁴ugahwanya abantu n’amafi yo mu kiyaga, canke n’ivyikwega hasi, bitagira ikibiganza?

¹⁵Bose babarobesha igera, bakabafatisha urusenga rwabo, bakabegeraniriza mu mukwabu[2] wabo; ni co gituma banezerwa bagahimbarwa.

¹⁶Ni co gituma urusenga rwabo baruha ikimazi, n’ umukwabu wabo bakawosereza imibavu; kukw ari vyo bibahesheje kwidibamira, bigatuma ivyo kurya vyabo bigwira.

¹⁷Mbega none bazohora bacurānura urusenga rwabo, bakāma bica amahanga ata kagongwe?