Read Bibliya Yera 1951 Zekariya 2 Bible Online

Zekariya 2 - Bibliya Yera 1951 bible

Zekariya 2

¹Maze nunamuye amaso mbona umuntu afise mu minwe umugozi wo kugera.

²Ndamubaza, nt’ Uroye hehe? Arambarira, ati Ngiye kugera Yerusalemu, ngo ndābe amakika n’amadūga vyaho uko bireha.

³Maz’ umumarayika twavugana yīgira imbere, umumarayika wundi aza kumusanganira:

⁴aramubarira, at’ Irukanga, ubgire uwo musore, ut’ I Yerusalemu hazosubira gusagaza abantu nk’ibisagara bitazitiriwe, kukw abantu n’amasho bizohaba ari vyinshi.

⁵Kukw ari jewe nzohabera uruzitiro rw’umuriro ruhakikije, ni k’Uhoraho agize, kandi nzohabera ubgiza ndi hagati mu mugoma.

⁶Yemwe! Yemwe! Ni muhunge muve mu gihugu c’i burārūko, ni k’Uhoraho agize; kuko nk’ukw ibirēre bine vy’ijuru vyītangūranye, ari ko nabasābagije, ni k’Uhoraho agize.

⁷Yewe Siyoni ubana n’umukobga w’i Babuloni, cika uhunge!

⁸Kuk’ ukw ari k’Uhoraho Nyen’ ingabo agize, ni we yantumye kumuhesha icubahiro mu mahanga yabanyaze; at’ Ūbakorako aba akoze ku mbone y’ijisho ryiwe.

⁹Ehe nzoyabangurirak’ ukuboko kwanje, kand’ azohinduka inyagano z’abāyashumbiye: ni ho muzomenya yuk’ Uhoraho Nyen’ ingabo ari we yantumye.

¹⁰Ririmba unezerwe, yewe mukobga w’i Siyoni: rāba ndaje ngo ngerēre hagati muri wewe, ni k’Uhoraho agize.

¹¹Kur’ uwo musi amahanga menshi azokwifatanya n’ Uhoraho, bacike abantu banje; nanje nzogerēra hagati muri wewe, nawe uzomenya yuk’ Uhoraho Nyen’ ingabo yakuntumyeko.

¹²Maz’ Uhoraho azohindura i Buyuda habe ishamvu yiwe yo mu gihugu cera, kand’ azokwongera kwirobanurira Yerusalemu.

¹³Ni muhwekerere imbere y’ Uhoraho, yemwe abafise umubiri mwese, kukw avyukurutse i we, ahēra hiwe.