Read Bibliya Yera 1951 Zekariya 4 Bible Online

Zekariya 4 - Bibliya Yera 1951 bible

Zekariya 4

¹Maz’ umumarayika twavugana aragaruka, arankangura, nk’ uk’ umuntu akangurwa ava mw itiro:

²arambaza, at’ Ubona iki? Ndamwishura, nti Mbona igiterekwakw amatara, cose gicuzwe mw izahabu, umubehe waco ur’ ahahera hejuru, ushamitsekw amatara ndwi; kand’ ayo matara ari hejuru kuri wo, rimwe‐rimwe rifise umuheha, yose ukw ar’ indwi.

³Kand’ impande zompi har’ ibiti vy’imyelayo bibiri, kimwe i buryo bga wa mubehe, ikindi i bumoso.

⁴Nuko mbaza umumarayika twavugana, nti Mbeg’ ivyo bisobanurwa bite ga mugenzi?

⁵Maz’ umumarayika twavugana arambaza, ati Mbeg’ ivyo ntuzi uko bisobanurwa? Ndamwishura, nt’ Oyaye mugenzi.

⁶Aranyishura, ati Ngiri ijambo Uhoraho atumye kuri Zerubabeli, ati Si kubg’ inkomezi, si kubg’ ubushobozi, ariko ni kubga Mpwemu wanje, ni k’Uhoraho Nyen’ ingabo agize.

⁷Wa musozi munini we, ur’ iki? Uzocikira ikiyaya imbere ya Zerubabeli; azozana ibuye ryo gusōzēra kwubaka, basēsereza impundu, bat’ Ubuntu, ubuntu bube kuri ryo!

⁸Ijambo ry’Uhoraho ryongera kunzako,

⁹rit’ Amaboko ya Zerubabeli ni yo yashizeh’ itanguriro ry’iyi nzu, kand’ amaboko yiwe ni yo azoyisōzēra; ni ho muzomenya yuk’ Uhoraho Nyen’ ingabo ari we yabantumyeko.

¹⁰Mbega har’ uwogaya ibikir’ umugero ku musi w’intangamarāra? Bazonezerwa babonye karisho[1] mu ntoke za Zerubabeli. Ya yandi ndwi ni zo nyonga z’Uhoraho, zinyuranganya mw isi yose hirya no hino.

¹¹Maze ndamubaza, nt’ Irya myelayo ukw ar’ ibiri, umwe ur’ i buryo bg’igiterekwakw amatara, uwundi ukaba i bumoso, isobanurwa ite?

¹²Nongera kumubaza ubugira kabiri, nt’ Arya mashami abiri y’imyelayo, ar’ impande zompi z’imibirikira y’izahabu ukw ar’ ibiri, akīkāmūramw’ amavuta asa n’izahabu, asobanurwa ate?

¹³Arambaza, at’ Arya ntuzi ukw asobanurwa? Ndamwishura, nt’ Oyaye, mugenzi.

¹⁴Arambarira, at’ Arya ni bamwe babiri bārobanujwe amavuta, bama bahagaze hafi ya Nyen’ isi yose.