Read Bibliya Yera 1951 Matayo 14 Bible Online

Matayo 14 - Bibliya Yera 1951 bible

Matayo 14

¹Mur’ ico gihe umwami Herode yumva inkuru za Yesu.

²Abgira abagendanyi biwe, at’ Uwo ni Yohana Umubatizi yazutse mu bāpfuye; ni co gituma ivyo bitangaza bikorera muri we.

³Kuko Herode yari yarafashe Yohana, akamuboha, akamushira mw ibohero kubga Herodiya, muka Filipo mwene se.

⁴Kuko Yohana yari yarabgiye Herode, ati N’ikizira k’umwābiriye.

⁵Agomba kumwica, arikw atinya abantu, kuko bāmwiyumvira kw ar’ umuntu avugishwa n’Imana.

⁶Umusi wo kwibutsa ukuvuka kwa Herode ushitse, umukobga wa Herodiya atambira hagati ya bose, anezereza Herode.

⁷Ni co catumye amwemerera amurahiye kw amuha ico yomusaba cose.

⁸Na we amaze kwoshwa na nyina, ati Mpēra ngaha ku mubehe umutwe wa Yohana Umubatizi.

⁹Bun’ umwami arijirwa; ariko kubga za ndahiro, no kubg’ abāsangira na we, abgiriza ko bawumuha;

¹⁰atuma mw ibohero ngo bace izosi Yohana.

¹¹Bazana umutwe ku kibehe, bawuha wa mwigeme, awushīra nyina.

¹²Abigishwa biwe baraza, bajana ikiziga, baragihamba, maze baja kubikira Yesu.

¹³Yesu avyumvise, arahava, agenda mu bgato, aja ahantu h’agahinga kwiherērayo. Ishengero rivyumvise, riva mu bisagara, rimukurikira rijanye inkōkoro.[8]

¹⁴Avuye mu bgato, abona ishengero ryinshi, rimutera akagongwe, abakiriza abarwaye.

¹⁵Bugorovye, abigishwa baramwēgēra, bati Mbega hano hantu kw ari mu gahinga, kandi bukaba buriko burīra: sezera abantu baje mu mihana kwirondereray’ ivyo kurya.

¹⁶Yesu arababgira, ati Ntibarinda kugenda: mube ari mwebge mubagaburira.

¹⁷Baramwishura, bati Nta vyo dufise hano atar’ udutsima dutanu n’udufi tubiri.

¹⁸Na we ati Ni mubinzanire hano.

¹⁹Abgira abantu kwicara hasi ku vyatsi, yābīra ya mitsima itanu na za fi zibiri, ararangamiza, arāba mw ijuru, arabihezagira; amanyagura ya mitsima, ayiha abigishwa, abigishwa bagaburira ishengero.

²⁰Bararya bose, barahāga. Batororokanya utumanyagu tw’imisigazwa twuzura ibisimbo cumi na bibiri.

²¹Kand’ abāriye bār’ abagabo nk’ibihumbi bitanu, ukūyemw’ abagore n’abana.

²²Uwo mwanya agōbēra abigishwa ngo batambukire mu bgato bītangire kujabuka hakurya, abanze gusezera ishengero.

²³Ahejeje gusezera ishengero, adūga umusozi gusenga yiherereye. Bgagorovye ariyo ari wenyene gusa.

²⁴Arik’ ubgato bushitse hagati mu kiyaga bāri batamijwe n’imipfunda, kuk’ umuyaga war’ ubaturutse imbere.

²⁵Ku muteramyi agira kane, aza aho bari, agendesha amaguru hejuru ku kiyaga.

²⁶Abigishwa bamubonye agendesha amaguru hejuru ku kiyaga, basimbga n’umutima, bati N’igihūme; baturishwa ubuku n’ubgoba.

²⁷Uwo mwanya Yesu arababgira, ati Hūmura, ni jewe, ni mureke gutinya.

²⁸Petero aramwishura, ati Mushingantahe, asangwa ari wewe, mbarira nze ah’ uri ku mazi.

²⁹Na we ati Ngo. Petero yururuka mu bgato, agendesha amaguru ku mazi, ngw aje aho Yesu ari.

³⁰Abonye igihuhuta, aratinya, atanguye kuroka arataka, ati Ntabara Mugenzi.

³¹Buno Yesu aramvura ukuboko, aramucakira, aramubgira, ati Yewe w’ukwizera guke, n’iki cagukekeranishije?

³²Būriye mu bgato, umuyaga uraca.

³³Abāri mu bgato baramupfukamira, bati N’ukuri ur’ Umwana w’Imana.

³⁴Bamaze kujabuka hakurya, bafata i musozi mu ntāra y’i Genesareti.

³⁵Abantu b’aho hantu baramumenya, batumatumanako mur’ ico gihugu cose, bamuzanira abarwaye bose,

³⁶baramwinginga ngo bakore ku buyonga bg’impuzu yiwe gusa, ababukozeko bose barakira.