Read Bibliya Yera 1951 Abaroma 16 Bible Online

Abaroma 16 - Bibliya Yera 1951 bible

Abaroma 16

¹Mbashimiye Foyibe mwene Data, ni we mukozi w’ishengero ry’i Kenkireya,

²ngo mumwākīre kubg’ Umwami wacu, nk’uko bibereye abera, kandi mumufashe ku c’azogomba cose, kuko na we yafashije benshi, barimwo jewe.

³Muntahirize Purisikila na Akwila abākoranye nanje muri Kristo Yesu,

⁴kandi bāhevye iyabo mitwe ko yocibga kugira ngo bakize amagara yanje. Si jewe jenyene mbashima, ariko n’amashengero yose yo mu banyamahanga arabashima.

⁵Kandi muntahirize ishengero ryo mu nzu yabo. Muntahirize Epayineto, uwo nkunda, ni we yashurije abo muri Asiya bābaye aba Kristo.

⁶Muntahirize Mariya yakoreye mwebge cane.

⁷Muntahirize Andironiko na Yuniya, dusangiye umuryango, abābohanywe nanje, ni ba rurangiranwa mu ntumwa, ni bo bantanze kuba muri Kristo.

⁸Muntahirize Ampuliyato, uwo nkunda mu Mwami wacu.

⁹Muntahirize Urubano, akorana natwe muri Kristo, na Sitaku, uwo nkunda.

¹⁰Muntahirize Apele yagejejwe akarama muri Kristo. Muntahirize abo mu bo kwa Arisitobulo.

¹¹Muntahirize Herodiyoni dusangiye umuryango. Muntahirize abo mu bo kwa Narukiso, abari mu Mwami wacu.

¹²Muntahirize Tirufayina na Tirufosa, bakorera mu Mwami wacu. Muntahirize Perusi akundwa, yakoreye mu Mwami cane.

¹³Muntahirize Rufo, yatoranijwe n’Umwami, na nyina ni nka mama.

¹⁴Muntahirize Asunkirito, na Fulegoni, na Herume, na Patiroba, na Heruma, na bene Data bari kumwe na bo.

¹⁵Muntahirize Filologo na Yuliya, na Nereyu na mushiki we, na Olumpa n’abera bose bari kumwe na bo.

¹⁶Muramukanishe kugumbirana kwera. Amashengero ya Kristo yose arabaganūtsa.

¹⁷Ariko bene Data, ndabinginga kwitegereza abazana ivyo gutandukanya n’ibitsitaza, bidahūra n’ivyo mwize, mubazibukire.

¹⁸Kukw abameze bartyo Umwami wacu Kristo atari we bajakariye, ariko n’inda zabo, kandi bōhesha imitima y’aberanda amajambo meza n’ivyo kubanezereza.

¹⁹Igitumye mbabgira ivyo, n’uko kwumvira Imana kwanyu kwamamaye mu bantu bose: ni co gitumye mbanezererwa, ariko ndagomba ko muba abanyabgenge ku vyiza, mukaba abatungu ku bibi.

²⁰Imana Nyen’ amahoro izofyonyorera Satani vuba musi y’ibirenge vyanyu. Ubuntu bg’Umwami wacu Yesu Kristo bubane namwe.

²¹Timoteyo, dukorana, arabaganūtsa, bo na Lukiyosi na Yasona na Sosipatiro, dusangiye umuryango.

²²Nanje Terutiyo, nanditse iki cete, ndabaganūtsa mu Mwami wacu.

²³Gayo arabaganūtsa, uwansembereje, kand’ akākīra n’abo mw ishengero bose. Erasito, aganza ivy’ ikori ry’iki gisagara, na Kwaruto mwene Data, barabaganūtsa. [

²⁴Ubuntu bg’Umwami wacu Yesu Kristo bubane namwe mwese. Amen.]

²⁵Imana ishobora kubakomeza, nk’uk’ ubutumwa bgiza nahawe n’ukwigisha ivya Yesu Kristo bivuga, bihūra no guhishurwa kw’ ibanga ryahozwe uhereye kera hose,

²⁶ariko mur’ iki gihe riraserutse, kand’ ivyanditswe n’abavugishwa n’Imana birimenyesheje amahanga yose, nk’ukw Imana ihoraho yageze, kugira ngo bumvire Imana babiheshwa no kwizera,

²⁷Imana ifise ubgenge yonyene, icubahiro kibe icayo kubga Yesu Kristo, ibihe bitazoshira. Amen.