Read Bibliya Yera 1951 2 Ab’i Korinto 8 Bible Online

2 Ab’i Korinto 8 - Bibliya Yera 1951 bible

2 Ab’i Korinto 8

¹Bene Data, turabamenyesha ubuntu bg’Imana amashengero y’i Makedoniya yagiriwe.

²Bakigeragezwa n’amarushwa menshi, umunezero wabo w’akaburarugero, n’ubgoro bgabo butagira iyo buhērwa, vyarushirije kuzana ubutunzi bg’ivy’ ubuntu bgabo.

³Kubgabo bāratanze nk’uko bashoboye, ndabibashingira intahe, kandi n’ukurusha ivyo bashoboye,

⁴badusaba binginga cane kubatera iteka kugira ngo bafatanye n’abagaburira abera.

⁵Kandi si nk’uko twābiziga gusa, ariko bābanje kwitanga bīha Umwami wacu, natwe nyene baratwiha, nk’ukw Imana yagomvye.

⁶Ni co catumye twinginga Tito, ngw asozere ico gikorwa c’ubuntu no muri mwebge, nk’uko yagitanguye kera.

⁷Ariko nk’uko murushiriza kugira vyose — ukwizera, n’amajambo, n’ubgenge, n’umwete mwinshi, n’urukundo mudukunda — ni murushirize no kugira ubgo buntu na bgo.

⁸Simbivugiye kubagera, ariko mbivugiye kugeza urukundo rwanyu kw ar’urw’ ukuri, ndarugeragereshe umwete w’abandi.

⁹Kuko muzi ubuntu bg’Umwami wacu Yesu Kristo, yuko naho yar’ umutunzi, yahindutse umworo kubganyu, kugira ng’ubgoro bgiwe bubatungishe.

¹⁰Kand’ ivyo mbabgiye kur’ ivyo n’ukubagisha inama; kuko bibabereye, abātanguriye abandi uhereye ku mwaka ushize, s’ukubikora gusa, ariko no kubikunda.

¹¹Nuko none mushitse no kubikora, kugira ngo nk’uko mwakunze kuvyemera, abe ari ko mubishitsa ku vyo mufise.

¹²Kukw iyo har’ umutima ukunze, wemerwa ku vy’umuntu afise, si ku vy’ adafise.

¹³Simvuze ntyo kugira ngw abandi boroherwe, namwe ngo mugorwe.

¹⁴Ariko n’ukugira ngo munganye, ngw ibisāgutse kuri mwebge mur’ iki gihe bimare ubukene bgabo, kandi ngw ibizobasāguka na bo bize bimare ubukene bganyu, munganye.

¹⁵Nk’uko handitswe, ng’Uwegeranije vyinshi asanga nta co asāguye; uwegeranije bike asanga nta co akehaniwe.

¹⁶Arikw Imana ishimwe, ishize mu mutima wa Tito kubagirira umwete nk’uwo mbagirira.

¹⁷Kuko yemeye inama yacu, kandi kukw agize umwete mwinshi, aje i wanyu bivuye ku mutima.

¹⁸Kandi hamwe n’uwo turungitse na mwene Data ngo bazanane, ishimwe ryiwe ryo ku vy’ ubutumwa bgiza ryamamaye mu mashengero yose.

¹⁹Kandi si co gusa, ariko na kare uwo ni we yatoranijwe n’amashengero kwama ajana natwe kubg’ ico gikorwa c’ubuntu, ubgo tugabura ng’ Umwami wacu ashimishwe, kandi ngo twerekane umutima wacu k’ubikunze.

²⁰Kukw ico twirinda ar’ iki, ar’ ic’ umuntu yotugaya kubg’ izi ngabire nyinshi tugabura.

²¹Tubabaye gukora ivyiza, si mu nyonga z’Umwami wacu gusa, ariko no mu maso y’abantu.

²²Kand’ abo tubarungikanye na mwene Data, uwo twagejeje kenshi, akaboneka kw ar’ umunyamwete muri vyinshi, ariko non’ arushiriza kugira umwete, kukw abizigira cane.

²³Ivya Tito, ni we dufatanije igikorwa, kandi ni mugenzanje dukorana ivyanyu; kand’ ivya bene Data abo, n’intumwa z’amashengero, kandi n’icubahiro ca Kristo.

²⁴Nuko mubereke ivyerekana urukundo rwanyu mu maso y’amashengero, kandi yuko twari dufise inyanduruko yo kwirata mwebge.