Read Bibliya Yera 1951 Yosuwa 15 Bible Online

Yosuwa 15 - Bibliya Yera 1951 bible

Yosuwa 15

¹Ishamvu umuryango w’Abayuda waheshejwe n’ubupfindo, nk’ukw amazu yabo ari, yagarukira ku rubibe rw’Abanyedomu, ikerekera i bumanuko ahahera mu bugaragwa bg’i Zini, ikarinda ishika no kw iherezo ryabgo ry’i bumanuko.

²Urubibe rwabo rw’i bumanuko rwāhēra ah’ Ikiyaga c’Umunyu gitaye ikirimi aharāba i bumanuko;

³rugaca hirya y’umudūgo w’i Akurabimu ahahera i bumanuko nyene, rukagenda rugaca i Zini, rukadūga rugaca ku ruhande rw’i bumanuko rw’i Kadeshi‐baruneya, rugaca hafi y’i Hesironi, rukadūga Adari, rugakebereza i Karika;

⁴rugaca ahitwa Asimoni, rukagarukira ku ruzi rwa Egiputa, maz’ urwo rubibe rukaruma ku kiyaga. Urwo ni rwo rubibe rwabo rw’i bumanuko.

⁵Urubibe rw’i burasirazuba rwar’ Ikiyaga c’Umunyu gushitsa aho Yorodani rushikira muri co. Urubibe rw’i burārūko rwāhēra ah’ ico kiyaga gitaye ikirimi, hamwe nyene Yorodani rushikira muri co;

⁶urwo rubibe rwādūga i Beti‐hogula, rugaca ku ruhande rw’i burārūko rw’i Beti‐araba; rukadūga rugashika kw ibuye rya Bohani mwene Reyubeni;

⁷rugakomeza rukadūga i Debira ruvuye mu Kiyaya Akori, rugakomeza rurtyo ruja i burārūko rwerekeye i Gilugali, aharābana n’ inzira idūga Adumimu, umusozi wo hakurya, ahahera i bumanuko; rugakomeza rugaca ku mazi y’i Eni‐shemeshi, rukagarukira ahitwa Eni‐rogeli;

⁸rugaheza rukadūga rukajana umwonga wa mwene Hinomu gushitsa ku mucāmo w’ umusozi w’Abayebusi ahahera i bumanuko, ni wo Yerusalemu; rukadūga gushitsa ku mpinga y’ umusozi uhanamiye uwo mwonga nyene wa Hinomu ahahera i burengerazuba, ni ho umwonga Refayimu wahēra, ku ruhande rw’i burārūko.

⁹Nuk’ urwo rubibe rukamanuka ku mpinga y’uwo musozi gushitsa kw iriba ry’i Nefutowa, rugahēraho rugashitsa mu bisagara vyo ku musozi Efuroni; rugakebānuka rugaca i Bayala, ari ho Kiriyati‐yeyarimu;

¹⁰rugaheza rugakevya, rukava i Bayala, rukagenda rwerekeye i burengerazuba gushitsa ku musozi Seyiri; rugahita rugashika ku mucāmo uhera i burārūko w’umusozi Yeyarimu, ari wo Kesaloni, rukamanuka rugashika i Beti‐shemeshi, rugaca hafi y’i Timuna;

¹¹rugakomeza rugashika ku mucāmo wa Ekuroni ahahera i burārūko; rugakevya, rugaca i Shikeroni, rugashika ku musozi Bayala, rugakomeza gushitsa i Yabuneli, rukaruma ku kiyaga.

¹²Urubibe rw’i burasirazuba rwar’ ikiyaga kinini, ujanye inkōkoro yaco. Urwo ni rwo rubibe rw’Abayuda impande zose, nk’ukw amazu yabo ari.

¹³Nuko Kalebu mwene Yefune Yosuwa amuha ishamvu mu muryango wa Yuda, nk’uk’ Uhoraho yamubariye; amuha Igisagara ca Araba,[6] ari ho Heburoni; (Araba uwo ni we se wa Anaki).

¹⁴Maze Kalebu ahīrukana bene Anaki batatu, Sheshayi na Ahimanu na Talumayi; abo ni bo bene Anaki.

¹⁵Nukw avayo, aradūga, ngw aje gutera ab’i Debira; Debira kera hitwa i Kiriyati‐seferi.

¹⁶Kalebu aravuga, at’ Umuntu azotera i Kiriyati‐seferi akahanesha, nzomushingira umwana wanje Akisa.

¹⁷Otiniyeli mwene Kenazi, murumuna wa Kalebu, arahanesha; araheza amushingira umukobga wiwe Akisa.

¹⁸Maz’ agishika i w’umugabo wiwe, aramwinginga ngw asabe se itongo; Akisa ava ku ndogoba yiwe, Kalebu aramubaza, at’ Ugomba iki?

¹⁹Aramwishura, ati Ntabara ungabire: ko wandungitse mu gihugu cumye,[7] mpa n’amariba y’amazi. Nukw amuha amariba yo haruguru n’ayo hepfo.

²⁰Iyi ni yo shamvu y’umuryango w’Abayuda, nk’ukw amazu yabo ari:

²¹ibisagara vy’umuryango w’Abayuda birābana n’urubibe rw’ Abanyedomu i bumanuko vyari Kabuseri na Ederi na Yagura,

²²na Kina na Dimona na Adada,

²³na Kedeshi na Hasori na Itunani,

²⁴na Zifu na Teremu na Beyaloti,

²⁵na Hasori‐hadata na Keriyoti‐hezeroni (ari ho Hasori),

²⁶na Amamu na Shema na Molada,

²⁷na Hasari‐gada na Heshimoni na Beti‐peleti,

²⁸na Hasari‐shuwali na Beri‐sheba na Biziyotiya,

²⁹na Bala na Yimu na Esemu,

³⁰na Elitoladi na Kesili na Horuma,

³¹na Sikulagi na Medumani na Sanusana,

³²na Lebayoti na Shiluhimu na Ayini na Rimona; ibisagara vyose na vyose vyari mirongwibiri n’icenda, bifise imihana ibikūkira.

³³Ibisagara vyo mu kiyaya vyar’ ibi: Eshitayoli na Sora na Ashina,

³⁴na Sanowa na Eni‐ganimu, na Tapuwa na Enamu,

³⁵na Yaramuti na Aduwamu na Sokoho na Azeka,

³⁶na Sharayimu na Aditayimu na Gedera na Gederotayimu; vyose na vyose vyar’ icumi na bine, bifise imihana ibikūkira.

³⁷Hāri na Senani na Hadasha na Migudali‐gadi,

³⁸na Dilani na Misipe na Yokiteli,

³⁹na Lakishi na Bosikati na Eguloni,

⁴⁰na Kaboni na Lahimamu na Kitilishi,

⁴¹na Gederoti na Beti‐dagoni na Nayama na Makeda; vyose na vyose n’ icumi na bitandatu, bifise imihana ibikūkira.

⁴²Hāri na Libuna na Eteri na Ashanu,

⁴³na Ifuta na Ashuna na Nesibu,

⁴⁴na Keyila na Akizibu na Maresha; vyose na vyose vyar’ ibisagara cenda, bifise imihana ibikūkira.

⁴⁵Hāri na Ekuroni bo n’udusagara n’imihana bihakūkira,

⁴⁶uhereye Ekuroni nyene ugashitsa ku kiyaga, iyo ntāra yose n’ imihana yaho, uko vyagenda biherereye kuri Ashidodi.

⁴⁷Hāri na Ashidodi nyene, bo n’udusagara n’imihana bihakūkira, na Gaza n’udusagara n’imihana bihakūkira nyene, ugashitsa ku ruzi rwa Egiputa no ku kiyaga kinini ujanye inkōkoro yaco.

⁴⁸Ibisagara vyo mu mugamba vyār’ ibi: Shamira na Yatira na Sokoho,

⁴⁹na Dana na Kiriyati‐sana, ari ho Debira,

⁵⁰na Anaba na Eshitemo na Animu,

⁵¹na Gosheni na Holoni na Gilo; vyar’ ibisagara cumi na kimwe bifise imihana ibikūkira.

⁵²Hāri na Araba na Duma na Eshana,

⁵³na Yanimu na Beti‐tapuwa na Afeka,

⁵⁴na Humata na Kiriyati‐Araba (ari ho Heburoni) na Siyori; vyar’ ibisagara cenda bifise imihana ibikūkira.

⁵⁵Hāri na Mayoni na Karumeli na Zifu na Yuta,

⁵⁶na Yezireli na Yokodeyamu na Sanowa,

⁵⁷na Kayini na Gibeya na Timuna; vyar’ ibisagara cumi bifise imihana ibikūkira.

⁵⁸Hāri na Halihuli na Beti‐suri na Gedora,

⁵⁹na Mara na Beti‐anoti na Elitekoni; vyar’ ibisagara bitandatu bifise imihana ibikūkira.

⁶⁰Hāri na Kiriyati‐bayali (ari ho Kiriyati‐yeyarimu) na Raba: ibisagara bibiri bifise imihana ibikūkira.

⁶¹Ibisagara vyo mu bugaragwa vyar’ ibi: Beti‐araba na Midina na Sekaka,

⁶²na Nibushani n’Igisagara c’Umunyu na Eni‐gedi; vyar’ ibisagara bitandatu bifise imihana ibikūkira.

⁶³Arikw Abayebusi bo, ari bo bāba i Yerusalemu, Abayuda ntibāshoboye kubirukana; ariko bībēra i Yerusalemu mu Bayuda gushitsa n’ubu.