Read Bibliya Yera 1951 Yosuwa 19 Bible Online

Yosuwa 19 - Bibliya Yera 1951 bible

Yosuwa 19

¹Ubupfindo bga kabiri bushika ku ba Simeyoni, nk’ukw amazu y’umuryango w’Abasimeyoni ari; kand’ ishamvu yabo yar’ itaye ikirimi mu y’umuryango w’ Abayuda.

²Ishamvu yabo bahawe yari Beri‐sheba na Sheba na Molada,

³na Hasari‐shuwali na Bala na Esemu,

⁴na Elitoladi na Betula na Horuma,

⁵na Sikulagi na Beti‐marakaboti na Hasari‐susa,

⁶na Beti‐lebayoti na Sharuheni: ivyo bisagara vyose na vyose vyar’ icumi na bitatu, bifise imihana ibikūkira;

⁷hāri na Ayini na Rimona na Eteri na Ashani: ivyo na vyo vyari bine, bifise imihana ibikūkira;

⁸bāhawe n’imihana yose ikikije ivyo bisagara, ukarinda ushika i Balati‐beri, ari ho Rama h’i bumanuko. Iyo ni yo shamvu y’umuryango w’Abasimeyoni, nk’ ukw amazu yabo ari;

⁹iyo shamvu y’Abasimeyoni yakūwe ku mugabane w’Abayuda, kuk’ umugabane w’Abayuda war’ ubarengeye; ni kubg’ ivyo Abasimeyoni bāhawe ishamvu ku yabo.

¹⁰Ubupfindo bga gatatu bushika ku Bazebuloni, nk’ukw amazu yabo ari; igihugu cabo cagarukira i Sarida;

¹¹urubibe rwabo rwādūga rwerekeye i burengerazuba, rukarinda rushika i Marala, rugaca i Dabesheti, rugashika ku mugezi uca imbere y’i Yokineyamu;

¹²kandi kuva i Sarida nyene, urwerekeye i burasirazuba rwarakevya, rukarinda rushika ku rubibe rw’i Kisiloti‐tabora; rugaca i Daberati, rukadūga rugashika i Yafiya;

¹³ruvudutse aho, rukagenda rwerekeye i burasirazuba, rugaca i Gati‐heferi n’i Eti‐kasini, rugashika i Rimoni, rugakebereza i Neya;

¹⁴ruvuye aho, urwo rubibe rugakebereza i burārūko, rukaja i Hanatoni, rukagarukira ku mwonga Ifutaheli.

¹⁵Batwara na Katati na Nahalali na Shimuroni na Idala na Betelehemu: ibisagara vyose na vyose vyar’ icumi na bibiri, bifise imihana ibikūkira.

¹⁶Iyo ni yo shamvu y’Abazebuloni, nk’ukw amazu yabo ari, ivyo bisagara bo n’imihana ibikūkira.

¹⁷Ubupfindo bga kane bushika ku Bisakari, nk’ukw amazu y’Abisakari ari.

¹⁸Urubibe rwabo rwaca i Yezireli n’i Kesuloti n’i Shunemu,

¹⁹n’i Hafarayimu n’i Shiyoni n’i Anaharati,

²⁰n’i Rabiti n’i Kishiyoni n’i Ebeza,

²¹n’i Remeti n’i Eni‐ganimu n’i Eni‐hada n’i Beti‐pazezi;

²²kand’ urwo rubibe rwaca n’i Tabora n’i Shahazuma n’i Beti‐shemeshi, rukaruma kuri Yorodani; ivyo bisagara vyose na vyose vyar’ icumi na bitandatu, bifise imihana ibikūkira.

²³Iyo ni yo shamvu y’ umuryango w’Abisakari, nk’ukw amazu yabo ari, ivyo bisagara bo n’imihana ibikūkira.

²⁴Ubupfindo bga gatanu bushika ku muryango w’Abasheri, nk’ukw amazu yabo ari.

²⁵Urubibe rwabo rwaca i Helikati n’i Hali n’i Beteni n’i Akishafu,

²⁶n’i Alameleki n’i Amadi n’i Mishali, nuko rugashika i Karumeli ahahera i burengerazuba, rugashika n’i Shihori‐libunati;

²⁷rugaheza rugakebereza i burasirazuba, rugashika i Beti‐dagoni, rugasomana n’ic’ Abazebuloni ku mwonga Ifutaheli ahahera i burārūko, rugaca n’i Beti‐emeki n’i Neyeli, rugakomeza kugenda rwerekeye i burārūko rukarinda rushika i Kabuli,

²⁸n’i Eburoni n’i Rehoba n’i Hamoni n’i Kana, gushika no kuri ca gisagara kinini Sidoni;

²⁹maz’ urwo rubibe rugakevya rugaca i Rama, rugashika no ku gisagara c’i Tiro kizitijwe uruzitiro rw’amabuye; rugaheza rugakebereza i Hosa, rukagarukira ku kiyaga. Batwara na Mahalabu na Akizibu,

³⁰na Uma na Afeka na Rehobu: ibisagara vyose na vyose vyari mirongwibiri na bibiri, bifise imihana ibikūkira.

³¹Iyo ni yo shamvu y’umuryango w’Abasheri, nk’ukw amazu yabo ari, ivyo bisagara bo n’imihana ibikūkira.

³²Ubupfindo bga gatandatu bushika ku Banafutali, nk’ukw amazu y’Abanafutali ari.

³³Urubibe rwabo rwāhēra i Helefu, rugaca ku giti c’umweloni kir’ i Sananimu, n’i Adami‐nekebu n’i Yabuneli, rugashika i Lakumu, rukagarukira kuri Yorodani;

³⁴urwo rubibe rugakebereza i burengerazuba rugashika i Azinoti‐tabora, rukavudukaho rugaca i Hukoki, rukagarukira ku gihugu c’Abazebuloni i bumanuko, no ku c’Abasheri i burengerazuba no ku c’Abayuda kuri Yorodani i burasirazuba.

³⁵Ibisagara bātwaye vyubakiwe inzitiro z’amabuye vyar’ ibi: Sidimu na Sera na Hamati na Rakati na Kinereti,

³⁶na Adama na Rama na Hasori,

³⁷na Kedeshi na Edireyi na Eni‐hasori,

³⁸na Ironi na Migudali‐eli na Horemu na Beti‐anati na Beti‐shemeshi; ivyo bisagara vyose na vyose vyar’ icumi n’icenda, bifise imihana ibikūkira.

³⁹Iyo ni yo shamvu y’ umuryango w’Abanafutali, nk’ukw amazu yabo ari, ivyo bisagara bo n’imihana ibikūkira.

⁴⁰Ubupfindo bugira indwi bushika ku muryango w’Abadani nk’ukw amazu yabo ari.

⁴¹Urubibe rw’ishamvu yabo rwaca i Sora n’i Eshitayoli n’i Irishemeshi,

⁴²n’i Shalabina n’i Ayaloni n’i Itula,

⁴³n’i Eloni n’i Timuna n’i Ekuroni,

⁴⁴n’i Eliteke n’i Gibetoni n’i Balati,

⁴⁵n’i Yehudi n’i Beneberake n’i Gati‐rimoni,

⁴⁶n’i Meyarakoni n’i Rakoni no mu ntāra irābana n’i Yopa.

⁴⁷Maz’ igihugu c’Abadani kibāgiye, baradūga, batera i Leshemu, barahatsinda, baharanduza inkota, baca barahegukira, barahaba; maze Leshemu bahīta Dani, bahītiranije na sekuruza wabo Dani nyene.

⁴⁸Iyo ni yo shamvu y’ umuryango w’Abadani, nk’ukw amazu yabo ari, ivyo bisagara n’ imihana ibikūkira.

⁴⁹Bahejeje kugabanganya igihugu mw amashamvu nk’ukw imbibe zayo ziri, Abisirayeli baha Yosuwa mwene Nuni ishamvu hagati yabo;

⁵⁰bamuha igisagara yasavye citwa i Timunati‐sera, co mu mugamba w’Abefurayimu, nk’ uk’ Uhoraho yabigeze; asanura ico gisagara, akibamwo.

⁵¹Ayo ni yo mashamvu Eleyazari umuherezi, na Yosuwa mwene Nuni, n’abakuru b’amazu ya ba sekuruza bo mu miryango y’Abisirayeli, bagaburishije ubupfindo bar’ i Shilo imbere y’Uhoraho, ku muryango w’ihema ry’ibonaniro. Uko ni ko barangije kugabanganya igihugu.