Read Iloko Genesis 10 Bible Online

Genesis 10 - Iloko bible

Genesis 10

¹Dagitoy dagiti kaputotan da Sem, Ham ken Jafet nga annak ni Noe, kalpasan ti layus.

²Dagiti lallaki nga annak ni Jafet—Gomer, Magog, Madai, Javan, Tubal, Mesec ken Tiras—dagiti naganda ti naisurat kadagiti tribu a kaputotanda.

³Ni Gomer ti nagtaudan dagiti tattao ti Askenaz, Rifat ken Togarma.

⁴Kaputotan ni Javan dagiti tattao ti Elisa, Tarsis, Cyprus ken Rodes.

⁵Isuda dagiti kapuonan dagiti agnaed iti igid ti baybay ken kadagiti isla. Dagitoy dagiti kaputotan ni Jafet nga agnaed kadagiti bukodda a tribu ken il-ili ken addaan iti bukod a pagsasao.

⁶Dagiti lallaki nga annak ni Ham—Cus, Egipto, Put ken Canaan—ti kapuonan dagiti tattao a napanaganan kadagiti naganda.

⁷Ni Cus ti nagtaudan dagiti tattao ti Seba, Havila, Sabta, Raama ken Sabteca. Ni Raama ti nagtaudan dagiti tattao ti Seba ken Dedan.

⁸Naaddaan ni Cus iti anak a lalaki nga agnagan Nimrod a nagbalin nga immuna a maingel a mannakigubat iti lubong.

⁹Babaen iti tulong ti Dios, nagbalin a nalaing a mangnganup ket daytoy ti nakaigapuan ti pagsasao, “Pagbalinennaka koma ti Apo a nalaing a mangnganup a kas ken ni Nimrod.”

¹⁰Sakupen ti umuna a pagarian ni Nimrod ti Babel, Erec ken Akkad—adda amin dagitoy iti daga ti Siniar.

¹¹Manipud iti dayta a daga, napan ni Nimrod idiay Asiria ket binangonna dagiti siudad ti Nineve, Rehobot-ir, Cala

¹²ken Resen nga adda iti nagbaetan ti Nineve ken ti kangrunaan a siudad ti Cala.

¹³Ni Egipto ti nagtaudan dagiti tattao ti Lydia, Anam, Lehab, Naftu,

¹⁴Patros, Caslu ken ti Caftor a nagtaudan dagiti Filisteo.

¹⁵Dagiti annak ni Canaan—ni Sidon, nga inauna, ken Het—dagiti naganda ti naisurat kadagiti tribu a kaputotanda.

¹⁶Ni pay Canaan ti kapuonan dagiti Jebuseo, dagiti Amorreo, dagiti Gergeseo,

¹⁷dagiti Heveo, dagiti Arkeo, dagiti Sineo,

¹⁸dagiti Arvadeo, dagiti Zemareo ken dagiti Hamateo. Nagwaras dagiti nadumaduma a tribu dagiti Cananeo

¹⁹agingga a dimmanon ti beddengda manipud Sidon nga agpa-abagatan idiay Gerar, iti asideg ti Gaza ken agpadaya idiay Sodoma, Gomorra, Adma ken Zeboiim, iti asideg ti Lasa.

²⁰Dagitoy dagiti kaputotan ni Ham nga agnanaed kadagiti nadumaduma a tribu ken ilida; adda bukod a pagsasao ti tunggal grupo.

²¹Ni Sem a manong ni Jafet ti kapuonan dagiti amin a Hebreo.

²²Dagiti annak ni Sem—da Elam, Assur, Arpaksad, Lud ken Aram—dagiti naganda ti naisurat kadagiti tribu a kaputotanda.

²³Kaputotan ni Aram dagiti tattao ti Uz, Hul, Geter, ken Mesec.

²⁴Ni Arpaksad ti ama ni Sela nga ama ni Eber.

²⁵Dua ti annak ni Eber; maysa ti napanaganan iti Peleg gapu ta idi tiempona, nabingay dagiti tattao ti lubong; napanaganan ti maysa iti Joktan.

²⁶Kaputotan ni Joktan dagiti tattao ti Almodad, Selef, Hasarmavet, Jera,

²⁷Hadoram, Uzal, Dikla,

²⁸Obal, Abimael, Seba,

²⁹Ofir, Havila ken Jobab. Nagtaudda amin ken ni Joktan.

³⁰Sakupen ti daga a pagnaedanda manipud Mesa agingga idiay Sefar, iti katurturodan iti daya.

³¹Dagitoy dagiti kaputotan ni Sem nga agnanaed kadagiti nadumaduma a tribu ken ilida; adda bukod a pagsasao ti tunggal tribu.

³²Dagitoy dagiti pagilian a nagtaud kadagiti annak ni Noe ken dagiti puli a simmaruno kadakuada. Isuda ti nagtaudan dagiti pagilian kalpasan ti layus.