Read Iloko 1 Chronicles 1 Bible Online

1 Chronicles 1 - Iloko bible

1 Chronicles 1

¹Ni Adan ti ama ni Set nga ama ni Enos. Ni Enos ti ama ni Kenan.

²Ni Kenan ti ama ni Mahalalel nga ama ni Jared.

³Ni Jared ti ama ni Enoc nga ama ni Matusalem nga ama ni Lamec.

⁴Ni Lamec ti ama ni Noe. Tallo ti annak ni Noe: Sem, Ham ken Jafet.

⁵Dagiti annak ni Jafet—da Gomer, Magog, Madai, Javan, Tubal, Mesec ken Tiras—isuda ti kapuonan dagiti tattao a napanaganan iti naganda.

⁶Dagiti kaputotan ni Gomer isuda dagiti tattao ti Askenaz, Rifat ken Togarma.

⁷Dagiti kaputotan ni Javan isuda dagiti tattao ti Elisa, Tarsis, Cyprus ken Rodes.

⁸Dagiti annak ni Ham—da Cus, Egipto, Libya ken Canaan—isuda ti kapuonan dagiti tattao a napanaganan iti naganda.

⁹Dagiti kaputotan ni Cus isuda dagiti tattao ti Seba, Havila, Sabta, Raama ken Sabteca. Dagiti kaputotan ni Raama isuda dagiti tattao ti Seba ken Dedan.

¹⁰(Adda lalaki nga anak ni Cus a managan iti Nimrod a nagbalin a kaunaan a naindaklan a mannakigubat ditoy lubong.)

¹¹Dagiti kaputotan ni Egipto isuda dagiti tattao ti Lydia, Anam, Lehab, Naftu,

¹²Patrus, Caslu ken Creta (isuda ti nagtaudan dagiti Filisteo.)

¹³Dagiti lallaki nga annak ni Canaan—ni Sidon nga inauna ken ni Het—isuda ti kapuonan dagiti tattao a napanaganan iti naganda.

¹⁴Ni Canaan pay ti kapuonan dagiti Jebuseo, Amorreo, Gergaseo,

¹⁵Heveo, Arkeo, Siniteo,

¹⁶Arvadeo, Zemareo ken Hamateo.

¹⁷Dagiti lallaki nga annak ni Sem—da Elam, Assur, Arfaxad, Lud, Aram, Uz, Hul, Geter ken Mesec—isuda ti kapuonan dagiti tattao a napanaganan iti naganda.

¹⁸Ni Arfaxad ti ama ni Sela nga ama ni Eber.

¹⁹Dua ti lallaki nga annak ni Eber: napanaganan ti maysa iti Peleg ta kadagidi nga aldaw, nabingbingay dagiti tattao ti lubong. Joctan ti nagan ti kabsatna.

²⁰Dagiti kaputotan ni Joctan isuda dagiti tattao ti Almodad, Selef, Hasarmavet, Jera,

²¹Hadoram, Uzal, Dicla,

²²Ebal, Abimael, Seba,

²³Ofir, Havila, ken Jobab.

²⁴Dagiti kaputotan manipud ken ni Sem agingga ken ni Abram: Sem, Arfaxad, Sela,

²⁵Eber, Peleg, Reu,

²⁶Serug, Nahor, Tera,

²⁷ken ni Abram (a maawagan pay iti Abraham).

²⁸Adda dua nga annak ni Abraham: da Isaac ken Ismael.

²⁹Nagbalin a pangulo ti 12 a tribu dagiti kaputotan ni Ismael: Nebayot (a nagtaud iti nagan ti kapuonanda ken inauna nga anak ni Ismael), Kedar, Adbeel, Mibsam,

³⁰Misma, Duma, Massa, Hadad, Tema,

³¹Jetur, Nafis ken Kedema.

³²Adda sabali nga asawa ni Abraham a managan Ketura. Naganakda iti innem a lalaki: Zimran, Jocsan, Medan, Madian, Isbac ken Sua. Adda dua a lallaki nga annak ni Jocsan: Seba ken Dedan.

³³Lima ti annak ni Madian: Efa, Efer, Hanoc, Abida ken Eldaa.

³⁴Dua ti annak ni Isaac nga anak ni Abraham: da Esau ken Israel.

³⁵Dagiti lallaki nga annak ni Esau isuda da Elifaz, Reuel, Jeus, Jalam ken Kora.

³⁶Ni Elifaz ti nagtaudan dagitoy a tribu: Teman, Omar, Sefi, Gatam, Kenas, Timna ken Amalec.

³⁷Ni Reuel ti nagtaudan dagitoy a tribu: Nahat, Zera, Samma ken Mizza.

³⁸Dagiti annak ni Seir ti nagtaudan dagiti sigud nga agnaed iti Edom: Lotan, ti kapuonan dagiti familia ti Hori ken Homam. (Adda babai a kabsat ni Lotan a managan Timna.) Sebal, ti kapuonan dagiti familia ti Alvan, Manahat, Ebal, Sefi ken Onam. Zibeon nga ama da Aya ken Ana. Ni Ana ti ama ni Dison. Ni Dison ti kapuonan dagiti familia ti Hamran, Esban, Itran ken Keran. Ezer, ti kapuonan dagiti familia ti Bilhan, Zaavan ken Jaakan. Disan, ti kapuonan dagiti familia ti Uz ken Aran.

³⁹

⁴⁰

⁴¹

⁴²

⁴³Dagitoy dagiti ari a nagsasaruno a nagturay idiay Edom sakbay nga adda ari a nangituray iti Israel: Bela nga anak ni Beor a taga-Dinhaba; Jobab nga anak ni Zera a taga-Bozra; Husam a naggapu iti deppaar ti Teman; Hadad nga anak ni Bedad a taga-Avit (pinarmekna dagiti Madianita iti gubat iti pagilian ti Moab); Samla a taga-Masreka; Saul a taga-Rehobot iti igid ti Karayan; Baal Hanan nga anak ni Acbor; Hadad a taga-Pai (ni Mehetabel ti asawana nga anak ni Matred ken apoko ni Mezahab).

⁴⁴

⁴⁵

⁴⁶

⁴⁷

⁴⁸

⁴⁹

⁵⁰

⁵¹Kalpasan ti ipapatay ni Hadad, dagitoy a pangulo ti nangituray iti Edom: Timna, Alia, Jetet,

⁵²Oholibama, Ela, Pinon,

⁵³Kenas, Teman, Mibzar,

⁵⁴Magdiel ken Iram.