Read Iloko 1 Chronicles 2 Bible Online

1 Chronicles 2 - Iloko bible

1 Chronicles 2

¹Sangapulo ket dua a lallaki ti annak ni Israel: Ruben, Simeon, Levi, Juda, Issacar, Zebulon,

²Dan, Jose, Benjamin, Neftali, Gad ken Aser.

³Lima dagiti lallaki nga annak ni Juda. Tallo ti annakda ken ni Batsua a taga-Canaan: da Er, Onan ken Sela. Dakes unay ni Er nga inauna isut' gapuna a pinapatay ni Yahweh.

⁴Dua met ti annakda ken ni Tamar a manugangna: da Perez ken Zera.

⁵Dua ti lallaki nga annak ni Perez, da Hezron ken Hamul.

⁶Adda lima a lallaki nga annak ni Zera a kabsatna, da Zimri, Etan, Heman, Calcol ken Dara.

⁷Ni Acar nga anak ni Carmi ti nangyeg iti didigra kadagiti Israelita idi sinamsamna dagiti naidaton iti Dios. Nairanta a madadael ti innalana.

⁸Adda maysa a lalaki nga anak ni Etan, ni Azarias.

⁹Tallo ti annak ni Hezron: Jerameel, Ram ken Caleb.

¹⁰Dagitoy ti kaputotan manipud ken Ram agingga ken Jesse: Ram, Amminadab, Nason (nalatak a tao iti tribu ti Juda),

¹¹Salmon, Boaz,

¹²Obed ken Jesse.

¹³Adda pito a lallaki nga annak ni Jesse. Manipud iti inauna kastoy ti panagsasarunoda: Eliab, Abinadab, Samma,

¹⁴Netanel, Raddai,

¹⁵Osem ken David.

¹⁶Adda met dua a babbai nga annakna: Zeruyas ken Abigail. Tallo dagiti lallaki nga annak ni Zeruyas nga anak ni Jesse: Abisai, Joab ken Asael.

¹⁷Nayasawa ni Abigail ken ni Jeter nga Ismaelita ket naaddaanda iti lalaki nga anak, ni Amasa.

¹⁸Inasawa ni Caleb nga anak ni Hezron ni Azuba ket naganakda iti babai a napanaganan iti Jeriot. Adda tallo a lallaki nga annakda ken ni Azuba: da Jezer, Sobab ken Ardon.

¹⁹Kalpasan ti ipapatay ni Azuba, inasawa ni Caleb ni Efrata ket Hur ti nagan ti anakda.

²⁰Ni Uri ti anak ni Hur ket ni Bezalel ti apokona.

²¹Idi 60 ti tawen ni Hezron, inasawana ti anak ni Makir a kabsat ni Galaad. Ni Segub ti anakda.

²²Ni Segub ti ama ni Jair. Duapulo ket tallo a siudad ti inturayan ni Jair iti sakup ti Galaad.

²³Ngem pinarmek dagiti pagarian ti Gesur ken Aram ti 60 nga ili agraman ti Jair ken Kenat, kasta met dagiti kabangibangna nga il-ili. Kaputotan ni Makir nga ama ni Galaad dagiti amin nga agnanaed sadiay.

²⁴Kalpasan ti ipapatay ni Hezron, inasawa ni anakna a Caleb ni Efrata a balo ni amana. Adda anakda a managan Asur a nangbangon iti ili ti Tekoa.

²⁵Lima ti lallaki nga annak ni Jerameel nga inauna nga anak ni Hezron. Ni Ram, ti inauna, Buna, Oren, Osem ken Ahia.

²⁶Tallo ti lallaki nga annak ni Ram: Maaz, Jamin ken Eker. Adda pay sabali nga asawa ni Jerameel. Isu ni Atara, ket ni Onam ti anakda.

²⁷

²⁸Dua ti lallaki nga annak ni Onam, da Sammai ken Jada. Adda met dua a lallaki nga annak ni Sammai, da Nadab ken Abisur.

²⁹Inasawa ni Abisur ni Abihail ket naganakda iti dua a lallaki, da Aban ken Molid.

³⁰Adda met dua a lallaki nga annak ni Nadab a kabsat ni Abisur, da Seled ken Appaim. Ngem natay ni Seled nga awan anakna.

³¹Ni Appaim ti ama ni Isi. Ni Isi ti ama ni Sesan. Ni Sesan ti ama ni Alai.

³²Dua ti annak ni Jada a kabsat ni Sammai, da Jeter ken Jonatan. Natay ni Jeter nga awan anakna.

³³Adda dua a lallaki nga annak ni Jonatan, da Pelet ken Zaza. Kaputotan amin dagitoy ni Jerameel.

³⁴Awan lalaki nga anak ni Sesan, pasig a babbai. Adda tagabuna nga Egipcio; Jara ti naganna,

³⁵a nangyasawaanna iti maysa kadagiti annakna ket naganakda iti lalaki a pinanagananda iti Attai.

³⁶Daytoy ti kaputotan ni Attai: Natan, Zabad,

⁴¹Jekamias ken Elisama.

⁴²Mesa ti nagan ti inauna nga anak ni Caleb a kabsat ni Jerameel. Ni Mesa ti ama ni Zif. Ni Zif ti ama ni Maresa nga ama ni Hebron.

⁴³Adda uppat a lallaki nga annak ni Hebron: da Kora, Tappua, Rekem ken Sema.

⁴⁴Ni Sema ti ama ni Raham ken apong ni Jorkeam. Ni Rekem a kabsat ni Sema isu ti ama ni Sammai.

⁴⁵Ni Sammai ti ama ni Maon nga ama ni Bet-zur.

⁴⁶Adda sabali nga asawa ni Caleb nga agnagan iti Efa. Tallo a lallaki ti annakda: Haran, Mosa ken Gazez. Adda pay sabali a lalaki nga anak ni Haran a managan Gazez.

⁴⁷Innem a lallaki ti annak ni Jadai. Isuda da Regem, Jotam, Gesam, Pelet, Efa ken Saaf.

⁴⁸Adda pay sabali nga asawa ni Caleb nga agnagan iti Maaca. Dua a lallaki ti annakda: Seber ken Tirhana.

⁴⁹Naganakda pay iti dua a lallaki: ni Saaf a nangbangon iti ili ti Madmanna, ken ni Seva a nangbangon kadagiti ili ti Macbena ken Gibea. Adda met babai nga anak ni Caleb, Acsa ti naganna.

⁵⁰Dagitoy ti dadduma a kaputotan ni Caleb: Ni Hur ti inauna nga anak da Caleb ken ni Efrata. Ni Sobal nga anak ni Hur ti nangbangon iti siudad ti Jearim.

⁵¹Ni Salma nga anak ni Hur ti nangbangon iti Betlehem, ket ni Haref nga anakna ti nangbangon iti Bet-gader.

⁵²Ni Sobal a nangbangon iti siudad ti Jearim ti kapuonan dagiti tattao ti Haroe, ti kagudua dagiti agnanaed idiay Menuhot,

⁵³kasta met dagitoy a familia nga agnaed iti siudad ti Jearim: dagiti Itreo, Puteo, Sumateo ken Misraiteo. (Nagtaud kadagitoy a kapuonan dagiti tattao ti Zora ken Estaol.)

⁵⁴Ni Salma a nangbangon iti Betlehem ti kapuonan dagiti tattao ti Netofa, Atrotbet-joab, ken Zora a maysa kadagiti dua a kapuonan idiay Manahat.

⁵⁵Dagiti familia a nalaing nga agsurat ken agkopia kadagiti napateg a papeles: dagiti Tirateo, Simateo ken Sucateo. Agnaedda iti ili ti Jabes. (Isuda dagiti Kineo a nakiinnasawa kadagiti Recabita.)