Read Iloko 1 Chronicles 4 Bible Online

1 Chronicles 4 - Iloko bible

1 Chronicles 4

¹Dagitoy dagiti dadduma a kaputotan ni Juda: Perez, Hezron, Carmi, Hur ken Sobal.

²Ni Sobal ti ama ni Reayas nga ama ni Jahat. Ni Jahat ti ama da Ahumai ken Lahad a kapuonan dagiti nagnaed idiay Zora.

³Ni Hur ti inauna nga anak da Caleb ken Efrata. Dagiti kaputotanna ti nangbangon iti siudad ti Betlehem. Tallo dagiti lallaki nga annak ni Hur, da Etam, Penuel ken Ezer. Tallo ti lallaki nga annak ni Etam, da Jezreel, Isma ken Idbas, ken maysa nga anak a babai, ni Hazzelelponi. Binangon ni Penuel ti siudad ti Gedor. Binangon met ni Ezer ti Husa.

⁵Dua ti assawa ni Asur a nangbangon iti ili ti Tekoa: Hela ken Naara.

⁶Uppat ti lallaki nga annakda ken ni Naara: Ahuzzam, Hefer, Temeni ken Haahastari.

⁷Tallo ti lallaki nga annakda ken ni Hela: Zeret, Isar ken Etnan.

⁸Ni Koz ti ama da Anub ken Zobeda, ken ti kapuonan dagiti familia a nagtaud ken ni Aharhel nga anak ni Harum.

⁹Adda tao a managan Jabes a kalatakan a kameng ti familiana. Pinanaganan ti inana iti “Jabes” gapu ta kasta unay ti rigatna a nangipasngay kenkuana.

¹⁰Nagkararag ni Jabes iti Dios ti Israel ket kinunana: “Bendisionannak, O Dios, ket ikkannak iti adu a daga. Tarabayennak ket yadayonak iti aniaman a kinadakes a pakaigapuan ti pagrigatak.” Ket inted ti Dios ti dinawatna.

¹¹Adda lalaki nga anak ni Caleb a kabsat ni Suha; Mehir ti naganna. Ni Mehir ti ama ni Eston.

¹²Tallo a lallaki ti annak ni Eston, da Betrafa, Pasea ken Tehinna. Ni Tehinna ti nangbangon iti siudad ti Nahas. Nagnaed ti kaputotan dagitoy a lallaki idiay Reca.

¹³Dua dagiti lallaki nga annak ni Kenas: Otniel ken Seraya. Dua met dagiti lallaki nga annak ni Otniel: Hatat ken Meonotai.

¹⁴Ni Meonotai ti ama ni Ofra. Ni Seraias ti ama ni Joab a nangbangon iti Tanap dagiti Agparpartuat a pagnanaedan dagiti nalaing nga agaramid kadagiti napipintas nga alikamen.

¹⁵Tallo dagiti lallaki nga annak ni Caleb nga anak ni Jefone, da Iru, Ela, ken Naam. Ni Ela ti ama ni Kenas.

¹⁶Uppat dagiti lallaki nga annak ni Jehallelel, da Zif, Zifa, Tiria ken Asarel.

¹⁷Uppat dagiti lallaki nga annak ni Ezra, da Jeter, Mered, Efer ken Jalon. Inasawa ni Mered ni Bitias nga anak ti ari ti Egipto. Naaddaanda iti anak a babai, ni Miriam, ken dua nga annak a lallaki, da Sammai ken Isba. Ni Isba ti nangbangon iti ili ti Estemoa. Nangasawa pay ni Mered iti babai a nagtaud iti tribu ti Juda. Tallo ti annakda: Jered a nangbangon iti ili ti Gedor; Heber a nangbangon iti ili ti Soco; ken Jekutiel a nangbangon iti ili ti Zanoa.

¹⁹Inasawa ni Hodias ti kabsat ni Naham. Dagiti kaputotanda ti nagtaudan dagiti Garmita nga agnanaed iti ili ti Keila, kasta met ti kapuonan dagiti Maacatita nga agnanaed iti ili ti Estemoa.

²⁰Adda uppat a lallaki nga annak ni Simon: Amnon, Rinna, Benhanan ken Tilon. Dua dagiti lallaki nga annak ni Isi: Zohet ken Benzohet.

²¹Maysa ni Sela kadagiti lallaki nga annak ni Juda. Dagitoy dagiti kaputotan ni Sela: Er a nangbangon iti ili ti Leca; Laada a nangbangon iti ili ti Maresa; ti familia dagiti agab-abel iti linen nga agnanaed iti ili ti Betasbea;

²²Jokim, ken dagiti agnanaed idiay Cozeba; da Joas ken Saraf a nangasawa kadagiti Moabita sada nagnaed idiay Betlehem.

²³Agdamdamilida a nagserbi iti ari ket nagnaedda kadagiti ili ti Netaim ken Gedera.

²⁴Lima ti annak ni Simeon, da Nemuel, Jamin, Jarib, Zera ken Saul.

²⁵Ni Saul ti ama ni Sallum nga ama ni Mibsam nga ama ni Misma.

²⁶Manipud ken ni Misma, nagtuloy ti kaputotan kada Hammuel, Zaccur, ken Simei.

²⁷Sangapulo ket innem a lallaki ken innem a babbai ti annak ni Simei. Ngem basbassit ti bilang ti annak dagiti kakabagianna ket saan nga immadu ti tribu ti Simeon a kas iti tribu ti Juda.

²⁸Agingga iti tiempo ni Ari David, nagnaed dagiti kaputotan ni Simeon kadagitoy nga ili: Beerseba, Molada, Hasarsual,

²⁹Bilha, Ezem, Tolad,

³⁰Betuel, Horma, Siklag,

³¹Bet Marcabot, Hasarsusim, Betbiri ken Saaraim.

³²Nagnaedda pay iti lima a sabali a lugar: Etam, Ain, Rimmon, Token ken Asan,

³³agraman dagiti kabangibangda a purok, agingga iti abagatan a laud ti ili a Baalat. Dagitoy ti listaan ti familiada ken dagiti lugar a nagnaedanda.

³⁴Dagitoy ti pangulo dagiti familiada: Mesobab, Jamlec ken Josias nga anak ni Amasias, Joel. Jehu nga anak ni Josibias nga anak ni Seraias nga anak ni Aziel. Elioenai, Jaakoba, Jesohayas, Asayas, Adiel, Jasimiel, Benaias. Ziza nga anak ni Sifi nga anak ni Allon a kaputotan ni Jedayas, Simri ken Semaias. Agsipud ta umad-adu ti bilang ti familiada,

³⁹nagpalaudda agingga a nakaasidegda idiay Gerar ket impaarabda dagiti karneroda iti akindaya a paset ti tanap a nakaisaadan ti siudad.

⁴⁰Naraber a pagpaaraban ti nasarakanda iti nalawa, natalna ken namayengmeng a tay-ak. Sigud a dagiti Hamatita ti nagnaed sadiay.

⁴¹Idi tiempo ti panagturay ni Hezekias nga ari ti Juda, napan dagiti lallaki a nainaganan iti ngato idiay Gerar ket dinadaelda dagiti tolda ken kalapaw dagiti agnaed sadiay. Pinapanawda dagiti tattao ket nagnaedda sadiay iti agnanayon, gapu ta nalawa ti pagpastoranda kadagiti karneroda.

⁴²Nagpadaya dagiti dadduma a kamkameng iti tribu ti Simeon a napan idiay Edom. Limagasutda nga impanguloan dagiti lallaki nga annak ni Isi: Pelatia, Nearias, Refaias ken Uzziel.

⁴³Pinapatayda amin a natda nga Amalekita ket nagnaedda sadiay agpapan kadagitoy nga aldaw.