Read Iloko 1 Chronicles 6 Bible Online

1 Chronicles 6 - Iloko bible

1 Chronicles 6

¹Adda tallo nga annak ni Levi, da Gerson, Coat ken Merari.

²Uppat ti lallaki nga annak ni Coat, da Amram, Isar, Hebron ken Uzziel.

³Dua ti lallaki nga annak ni Amram, da Aaron ken Moises, ken maysa a babai, ni Miriam. Adda uppat a lallaki nga annak ni Aaron: da Nadab, Abiu, Eleazar, ken Itamar.

⁴Dagitoy dagiti agsasaruno a kaputotan manipud ken ni Eleazar: Finehas, Abisua,

⁵Bukki,

⁶Uzzi, Zerahias, Merayot,

⁷Amarias, Ahitub,

⁸Zadok, Ahimaaz,

⁹Azarias, Johanan,

¹⁰Azarias (ti nagserbi iti templo a binangon ni Ari Solomon idiay Jerusalem),

¹¹Amarias, Ahitub,

¹²Zadok, Sallum,

¹³Hilkias, Azarias,

¹⁴Seraias, Jehozadak.

¹⁵Naipan a balud ni Jehozadak iti sabali a daga idi intalaw ni Nebucadnesar dagiti dadduma a tattao ti Juda ken Jerusalem kas pagayatan ni Yahweh.

¹⁶Tallo ti annak ni Levi: da Gersom, Coat ken Merari.

¹⁷Adda met annak ti tunggal maysa kadakuada. Ni Gersom ti ama da Libni ken Simei.

¹⁸Ni Coat ti ama da Amram, Isar, Hebron ken Uzziel.

¹⁹Ni Merari ti ama da Mali ken Musi.

²⁰Dagitoy dagiti agsasaruno a kaputotan ni Gersom: da Libni, Jahat, Zimma,

²¹Joa, Iddo, Zera ken Jeaterai.

²²Dagitoy dagiti agsasaruno a kaputotan ni Coat: da Amminadab, Kora, Assir,

²³Elcana, Ebiasaf, Assir,

²⁴Tahat, Uriel, Uzzias, ken Saul.

²⁵Adda dua a lallaki nga annak ni Elcana: da Amasai ken Ahimot.

²⁶Dagitoy dagiti agsasaruno a kaputotan ni Ahimot: Elcana, Zofai, Nahat,

²⁷Eliab, Jehoram ken Elcana.

²⁸Adda dua a lallaki nga annak ni Samuel: ni Joel nga inauna, ken ni Abias nga adienna.

²⁹Dagitoy dagiti agsasaruno a kaputotan ni Merari, da Mali, Libni, Simei, Uzza,

³⁰Simea, Haggias ken Asaias.

³¹Dagitoy dagiti lallaki a dinutokan ni Ari David a mangimaton iti panagkanta iti lugar a pagdaydayawan idiay Jerusalem kalpasan ti pannakaikabil sadiay ti Lakasa ti Tulag.

³²Nagsusublatda a nagserbi iti Tolda ti Dios sakbay ti panangbangon ni Ari Solomon iti Templo.

³³Adtoy dagiti familia a nagakem kadagitoy a saad: Ti familia ni Coat: ni Heman ti pangulo ti umuna a bunggoy dagiti kantores. Isu ti anak ni Joel. Nagtaud ti familiana ken ni Jacob: Heman, Joel, Samuel,

³⁴Elcana, Jeroham, Eliel, Toa,

³⁵Zuf, Elcana, Mahat, Amasai,

³⁶Elcana, Joel, Azarias, Zefonias,

³⁷Tahat, Assar, Ebiasaf, Kora,

³⁸Isar, Coat, Levi, Jacob.

³⁹Ni Asaf ti pangulo ti maikadua a bunggoy dagiti kantores. Nagtaud ti familiana ken ni Levi: Asaf, Berekias, Simea,

⁴⁰Micael, Baaseias, Malkija,

⁴¹Etni, Zera, Adayas,

⁴²Etan, Zimma, Simei,

⁴³Jahat, Gersom, Levi.

⁴⁴Ni Etan a nagtaud iti familia ni Merari ti pangulo ti maikatlo a bunggoy dagiti kantores. Nagtaud ti familiana ken ni Levi: Etan, Kisi, Abdi, Malluc,

⁴⁵Hasabias, Amazias, Hilkias,

⁴⁶Amzi, Bani, Semer,

⁴⁷Mali, Musi, Merari, Levi.

⁴⁸Nadutokan dagiti padada a Levita nga agakem kadagiti dadduma nga annongen iti lugar a pagdaydayawan.

⁴⁹Ni Aaron ken dagiti kaputotanna ti nangidatag kadagiti insenso a mapuoran ken kadagiti daton a mapuoran iti altar. Annongda ti amin nga aramid a mainaig iti panagdaydayaw iti Kasantoan a Lugar, agraman ti panagidatag kadagiti daton tapno pakawanen ti Dios dagiti basol ti Israel. Inaramidda amin dagitoy kas mayannurot iti bilin ni Moises nga adipen ti Dios.

⁵⁰Dagitoy ti kaputotan ni Aaron: Eleazar, Finehas, Abisua,

⁵¹Bukki, Uzzi, Zerahias,

⁵²Merayot, Amarias, Ahitub,

⁵³Zadok, Ahimaaz.

⁵⁴Daytoy ti daga a naited kadagiti kaputotan ni Aaron, iti familia ni Coat. Inawatda ti umuna a paset ti daga a naituding kadagiti Levita.

⁵⁵Sakupen ti bingayda ti Hebron idiay Juda agraman dagiti daga a pagpastoran iti likmutna.

⁵⁶Ngem naited ken ni Caleb nga anak ni Jefone dagiti talon ken away a sakupen ti siudadda.

⁵⁷Dagitoy dagiti il-ili a naited kadagiti kaputotan ni Aaron: Hebron a siudad a pagkamangan, Jattir ken dagiti ili ti Libna, Estemoa, Hilen, Debir, Asan, ken Bet Semes agraman dagiti daga a pagpaaraban.

⁵⁸

⁵⁹

⁶⁰Iti sakup ti Benjamin, naited kadakuada dagitoy nga ili agraman dagiti daga a pagpastoranda: Geba, Alemet, ken Anatot. Agdagup iti 13 dagiti ili a pagnaedan dagiti familiada.

⁶¹Sangapulo dagiti ili iti sakup ti Akinlaud a Manases a naited kadagiti dadduma a familia ni Coat. Nagbibinnunotanda ti daga a naited iti tunggal familia.

⁶²Kadagiti familia ni Gersom, naited ti 13 nga ili iti sakup ti tribu da Issacar, Aser, Neftali ken iti Akindaya a Manases idiay Basan.

⁶³Kasta met ti pannakaited ti 12 nga il-ili kadagiti familia ni Merari. Adda dagitoy nga ili iti sakup dagiti tribu ti Ruben, Gad ken Zebulon.

⁶⁴Kastoy ti pannangted dagiti Israelita kadagiti Levita kadagiti ili a pagnaedanda, agraman dagiti pagpaaraban iti likmut dagiti ili. (

⁶⁵Babaen met iti binnunot, naited dagiti il-ili dagiti tribu da Juda, Simeon ken Benjamin a nainaganan iti ngato.)

⁶⁶Naited kadagiti dadduma a familia ni Coat dagiti ili ken pagpastoran iti sakup ti Efraim.

⁶⁷Dagitoy dagiti ili ti Sekem, ti siudad a pagkamangan iti katurturodan ti Efraim, Gezer,

⁶⁸Jokmeam, Bet Horon,

⁶⁹Aijalon ken Gat Rimmon.

⁷⁰Iti sakup ti Akinlaud a Manases, naited kadakuada dagiti ili ti Aner ken Bileam agraman dagiti pagpastoran.

⁷¹Naited kadagiti familia ni Gersom dagitoy nga ili agraman dagiti pagpastoran. Iti sakup ti Akindaya a Manases: Golan idiay Basan ken Astarot.

⁷²Iti sakup ti Issacar: Kedes, Daberat,

⁷³Ramot ken Anem.

⁷⁴Iti sakup ti Aser: Masal, Abdon,

⁷⁵Hukok ken Rehob.

⁷⁶Iti sakup ti Neftali: Kades idiay Galilea, Hammon ken Kiriataim.

⁷⁷Kadagiti dadduma a familia ni Merari, naited dagitoy nga il-ili agraman dagiti daga a pagpastoranda. Iti sakup ti Zebulon: Rimmono ken Tabor.

⁷⁸Iti sakup ti Ruben iti daya ti Karayan Jordan iti labes ti Jerico: Bezer iti patad ti turod, Jaza,

⁷⁹Kedemot ken Mefaat.

⁸⁰Iti sakup ti Gad: Ramot idiay Galaad, Mahanaim,

⁸¹Hesbon ken Jazer.