Read Iloko 1 Chronicles 7 Bible Online

1 Chronicles 7 - Iloko bible

1 Chronicles 7

¹Uppat ti annak ni Issacar: da Tola, Pua, Jasub, ken Simron.

²Innem ti annak ni Tola: da Uzzi, Refaias, Jeriel, Jamai, Ibsam ken Semuel. Isuda dagiti pangulo ti familia iti kapuonan ni Tola ket agdindinamagda a mannakigubat. Idi tiempo ni Ari David, 22,600 ti dagup dagiti kaputotanda.

³Maymaysa ti anak ni Uzzi. Isu ni Izrahias. Ni Izrahias ken dagiti uppat nga annakna, da Micael, Abdias, Joel ken Issias, papanguloda amin iti familia.

⁴Adu ti assawa ken annakda ket kadagiti kaputotanda adda 36,000 a mannakigubat.

⁵Iti listaan ti amin a familia iti tribu ti Issacar, adda 87,000 a mabalin nga agsoldado.

⁶Adda tallo a lallaki nga annak ni Benjamin: da Bela, Beker ken Jediael.

⁷Lima ti annak ni Bela: Ezbon, Uzzi, Uzziel, Jerimot, ken Iri. Papanguloda iti familia iti daytoy a kapuonan ket agdindinamagda a mannakigubat. Kadagiti kaputotanda, adda 22,034 a mabalin nga agsoldado.

⁸Siam dagiti lallaki nga annak ni Beker, da Zemiral, Joas, Eliezer, Elioenai, Omri, Jeremot, Abija, Anatot ken Alemet.

⁹Iti listaan dagiti kaputotanda iti tunggal familia, adda 20,200 a mabalin nga agsoldado.

¹⁰Maymaysa ti anak ni Jediael. Isu ni Bilhan a naaddaan iti pito nga annak: Jeus, Benjamin, Ehud, Kenaana, Zetan, Tarsis ken Ahisahar.

¹¹Papanguloda iti familia iti daytoy a kapuonan ket agdindinamagda a mannakigubat. Kadagiti kaputotanda, adda 17,200 a mabalin nga agsoldado.

¹²Mairaman met iti daytoy a tribu da Suppim ken Huppim. Adda maysa a lalaki nga anak ni Dan. Isu ni Husim.

¹³Uppat ti annak ni Neftali: da Jaziel, Guni, Jezer ken Sallum. (Kaputotan ida ni Bilha.)

¹⁴Dua ti annak ni Manases iti asawana nga Aramita: da Asriel ken Makir. Ni Makir ti ama ni Galaad.

¹⁵Imbirokan ni Makir iti assawa dagiti annakna, da Huppim ken Suppim. Maaca ti nagan ti babai a kabsat ni Makir. Ni Zelofehad ti maikadua a lalaki nga anak ni Makir. Pasig a babbai ti annak ni Zelofehad.

¹⁶Nangipasngay ni Maaca nga asawa ni Makir iti dua a lallaki. Pinanagananda ida iti Peres ken Seres. Adda dua a lallaki nga annak ni Peres: da Ulam ken Rakem.

¹⁷Maymaysa a lalaki ti anak ni Ulam. Napanaganan iti Bedan. Kaputotan amin dagitoy ni Galaad nga anak ni Makir ken apoko ni Manases.

¹⁸Tallo ti annak ni Hammoleket, ti babai a kabsat ni Galaad: da Isod, Abiezer ken Mala.

¹⁹Uppat dagiti lallaki nga annak ni Semida: da Ahian, Sekem, Liki ken Aniam.

²⁰Dagitoy ti agsasaruno a kaputotan ni Efraim: Sutela, Bered, Tahat, Eleada, Tahat,

²¹Zabad ken Sutela. Adda pay dua a lallaki nga annak ni Efraim: da Ezer ken Elead. Napapatay dagiti agkabsat idi padasenda a takawen dagiti baka dagiti tattao a naisigud iti Gat.

²²Adu nga aldaw a dinungdung-awan ida ni Efraim nga amada ket napan liniwliwa dagiti kakabsatna.

²³Kalpasanna, kinaiddana manen ti asawana. Nagpasngay ti asawana iti lalaki a pinanagananda iti Beria gapu iti napasamak iti familiada.

²⁴Adda babai nga anak ni Efraim, ni Sera, a nangbangon kadagiti ili iti akingngato ken akimbaba a Bet Horon ken Uzzen Sera.

²⁵Adda pay anak ni Efraim a managan iti Refa. Dagitoy dagiti kaputotanna: Resef, Tela, Tahan,

²⁶Ladan, Ammihud, Elisama,

²⁷Nun ken Josue.

²⁸Sinakup ken nagnaedanda ti Betel ken dagiti ili iti likmutna agingga idiay Naaran iti daya ken agingga idiay Gezer iti laud agraman dagiti ili a kabangibangna. Mairaman pay dagiti siudad ti Sekem ken Ayya agraman dagiti ili iti likmutda.

²⁹Inturayan dagiti kaputotan ni Manases dagiti siudad ti Bet Sean, Taanac, Megiddo ken Dor agraman dagiti kabangibangda nga ili. Dagitoy dagiti lugar a nagnaedan dagiti kaputotan ni Jose nga anak ni Israel.

³⁰Dagitoy ti kaputotan ni Aser. Uppat ti lallaki nga annakna, da Imna, Isba, Isbi ken Beria, ken maysa a babai, ni Sera.

³¹Dua a lallaki ti annak ni Beria, da Heber ken Malkiel. (Binangon ni Malkiel ti siudad ti Birzait.)

³²Adda tallo a lallaki nga annak ni Heber, da Haflet, Somer ken Hotam. Adda kabsatda a babai nga agnagan Sua.

³³Tallo met a lallaki ti annak ni Haflet: da Pasac, Bimhal ken Asvat.

³⁴Adda tallo a lallaki nga annak ni Somer a kabsatna: da Roga, Jehubba ken Aram.

³⁵Uppat a lallaki ti annak ni Jotam a kabsatna: Sufa, Imna, Seles, ken Amal.

³⁶Dagitoy dagiti kaputotan ni Sufa, da Sua, Harnefer, Sual, Beri, Imra,

³⁷Beser, Hod, Samma, Silsa, Itran ken Beera.

³⁸Dagitoy dagiti kaputotan ni Jeter, da Jefone, Pispa ken Ara.

³⁹Dagitoy dagiti kaputotan ni Ulla, da Ara, Haniel ken Rizia.

⁴⁰Kaputotan amin dagitoy ni Aser. Papanguloda kadagiti familia, agdindinamagda a soldado ken nalatakda a pangulo. Adda 26,000 kadakuada a makabael nga agsoldado.