Read Iloko Ezra 2 Bible Online

Ezra 2 - Iloko bible

Ezra 2

¹Adu kadagiti napagtalaw a kas balud ti pimmanaw iti probinsia ti Babilonia ket nagsublida idiay Jerusalem ken Juda. Tunggal maysa napan iti ilina. Manipud intalaw ida ni Nebucadnesar, nagtalinaeden dagiti familiada a kas balud idiay Babilonia.

²Impanguloan ida da Zerubbabel, Josue, Nehemias, Seraias, Reelaias, Mardokeo, Bilsan, Mispar, Bigvai, Rehum ken Baana. Daytoy ti listaan dagiti familia ti Israel ken ti bilang ti tunggal familia:

³Paros 2,172 Safatias 372 Aras 775 Pahat Moab (kaputotan da Jesua ken Joab) 2,812 Elam 1,254 Zattu 945 Zaccai 760 Bani 642 Bebai 623 Azgad 1,222 Adonikam 666 Bigvai 2,056 Adin 454 Ater (managan pay iti Hezekias) 98 Bezai 323 Jora 112 Hasum 223 Gibbar 95

⁴Nagsubli met dagiti tattao a dagiti kapuonanda nagnaed kadagitoy nga il-ili: Betlehem 123 Netofa 56 Anatot 128 Asmabet 42 Kiriat Jearim, Kefira ken Beerot 743 Rama ken Geba 621 Mikmas 122 Betel ken Ai 223 Nebo 52 Magbis 156 Ti sabali nga Elam 1,254 Harim 320 Lod, Hadid ken Ono 725 Jerico 345 Senaa 3,630

⁵Daytoy ti listaan dagiti familia dagiti papadi a nagsubli: Jedaias (kaputotan ni Jesua) 973 Immer 1,052 Pasur 1,247 Harim 1,017

⁶Kadagiti familia dagiti Levita: da Jesua ken Kadmiel (kaputotan ni Hodavias) 74

⁷kantores ti templo (kaputotan ni Asaf) 128

⁸guardia iti templo (kaputotan da Sallum, Ater, Talmon, Akkub, Hatita ken Sobai) 139

⁹Kadagiti familia dagiti agserserbi iti templo, dagitoy ti nagsubli: Siha, Hasufa, Tabbaot, Keros, Siaha, Padon, Lebana, Hagaba, Akkub, Hagab, Samlai, Hanan, Giddel, Gahar, Reayas, Resin, Nekoda, Gazzam, Uzza, Pasea, Besai, Asna, Meunim, Nefisim, Bakbuk, Hakufa, Harhur, Baslut, Mehida, Harsa, Barkos, Sisera, Tema, Nesias ken Hatifa.

¹⁰Dagitoy ti nagsubli a familia dagiti adipen ni Solomon: Sotai, Hasoferet, Peruda, Jaala, Darkon, Giddel, Sefatias, Hattil, Pokeret Hazzebaim ken Ami.

¹¹Agdagup iti 392 dagiti agserserbi iti templo ken dagiti adipen ni Solomon.

¹²Adda met 652 a nagsubli kadagiti kaputotan da Delaias, Tobias ken Nekoda. Naggapuda kadagiti il-ili a Tel Mela, Tel Harsa, Kerub, Addan ken Immer. Ngem dida mapaneknekan nga adda darada nga Israelita.

¹³Dagitoy dagiti nagsubli a familia dagiti papadi a di makapaneknek iti nagtaudanda: Habaias, Hakkoz ken Barzillai. (Anak ni Barzillai a Galaadita ti inasawa ti kapuonan a nagtaud iti familia ni Barzillai; tinawidna ti nagan ni katuganganna.) Gapu ta awan maiparangda a pakakitaan iti nagtaudanda, saanda a naawat a papadi.

¹⁴Imbaga kadakuada ti gobernador a Judio a maiparit a manganda kadagiti naidaton iti Dios, ket sadanto la mapalubosan no adda padi a makaammo a mangaramat iti Urim ken Tummim.

¹⁶Idi dumtengda iti Templo ni Yahweh idiay Jerusalem, nangted ti sumagmamano kadagiti papangulo dagiti familia iti sagut nga itulongda iti pannakapatakder manen ti Templo iti sigud a nakabangonanna.

¹⁷Intedda ti amin a maipaayda iti dayta a trabaho: 514 a kilo a balitok, 2,850 a kilo a pirak, ken 100 a pagan-anay dagiti papadi.

¹⁸Nagnaed dagiti papadi, Levita ken sumagmamano a tattao idiay Jerusalem ken dagiti kabangibangna. Kadagiti kabangibang nga ili ti nagyanan dagiti musiko, dagiti para-bantay iti templo, ken dagiti agserserbi iti templo. Napan dagiti dadduma nga Israelita kadagiti sigud nga ilida.