Read Iloko Nehemiah 12 Bible Online

Nehemiah 12 - Iloko bible

Nehemiah 12

¹Daytoy ti listaan dagiti papadi ken Levita a naitalaw a kas balud ken nagsubli a kadua ni Zerubbabel nga anak ni Salatiel ken ni Josue a Nangato a Padi:

²Dagiti papadi: Seraias, Jeremias, Ezra, Amarias, Malluk, Hattus, Secanias, Rehum, Meremot, Iddo, Ginnetoi, Abias, Mijamin, Maadias, Bilga, Semaias, Joyarib, Jedaias, Sallu, Amok, Hilkias ken Jedaias. Papangulo dagitoy a lallaki kadagiti padada a papadi idi tiempo ni Josue.

⁸Dagiti Levita: Dagitoy dagiti mangimaton iti panagkanta kadagiti himno a pagyaman: Jesua, Binnui, Kadmiel, Serebias, Juda ken Mattanias.

⁹Dagitoy dagiti kantores nga agkanta iti pagsungbat: Bakbukias, Unno ken dagiti padada a Levita.

¹⁰Ni Josue ti ama ni Joyakim. Ni Joyakim ti ama ni Eliasib. Ni Eliasib ti ama ni Joyada.

¹¹Ni Joyada ti ama ni Jonatan. Ni Jonatan ti ama ni Jaddua.

¹²Idi ni Joyakim ti Nangato a Padi, dagitoy dagiti papangulo ti kapuonan dagiti papadi: Padi Kapuonan Meraias Seraias Hananias Jeremias Mesullam Ezra Jehohanan Amarias Jonatan Malluki Jose Sebanias Adna Harim Helkai Merayot Zacarias Iddo Mesullam Ginneton Zikri Abias … Miniamin Piltai Moadias Sammua Bilga Jehonatan Semaias Mattenai Joyarib Uzzi Jedaias Kallai Sallai Eber Amok Hasabias Hilkias Netanel Jedaias

²²Adda naidulin a listaan dagiti papangulo ti familia dagiti Levita ken ti familia dagiti papadi idi tiempo dagiti sumaganad a Nangato a Papadi: Eliasib, Joyada, Johanan ken Jaddua. Naaramid ti listaan idi ni Dario ti emperador ti Persia.

²³Nailanad ti nagan dagiti papangulo ti familia dagiti Levita iti ofisial a listaan agingga iti tiempo ni Johanan nga apoko ni Eliasib.

²⁴Nabunggo-bunggoy dagiti Levita nga ipanguloan da Hasabias, Serebias, Jesua, Binnui ken Kadmiel. Dua a bunggoy ti agsinnungbat nga agdaydayaw ken agyaman iti Dios kas mayannurot iti bilin nga inted ni Ari David a tao ti Dios.

²⁵Dagitoy dagiti guardia ti Templo a mangaywan iti kuarto a pagiduldulinan iti asideg ti ruangan ti Templo: Mattanias, Bakbukias, Obadias, Mesullam, Talmon ken Akkub.

²⁶Adda dagitoy a tattao idi panawen ni Joyakim nga anak ni Josue ken apoko ni Josadac. Ni Nehemias idi ti gobernador ket tiempo ni Ezra a padi ken masirib iti Linteg.

²⁷Idi maidaton ti bakud ti siudad ti Jerusalem, naayaban dagiti Levita iti amin a lugar a pagnanaedanda tapno dumar-ayda iti parambak ti pannakaikonsagrar ti bakud a madanggayan iti kankanta ti panagyaman ken iti aweng ti piangpiang ken arpa.

²⁸Naggapu dagiti kumakanta a familia dagiti Levita kadagiti lugar iti likmut ti Jerusalem, manipud kadagiti il-ili iti lawlaw ti Netofa,

²⁹ken manipud Bet Gilgal, Geba ken Asmabet a nagnaedanda.

³⁰Inaramid dagiti papadi ken Levita ti seremonia ti pannakadalus dagiti bagbagida, dagiti tattao, dagiti ruangan ken bakud ti siudad.

³¹Inummongko dagiti papangulo ti Juda iti rabaw ti bakud, ket tinudengak ida a mangimaton iti dua a dadakkel a grupo a manglawlaw iti siudad nga agyaman iti Dios. Nagpakannawan ti maysa a grupo iti rabaw ti bakud nga agturong iti Ruangan a Pagibellengan.

³²Adda ni Hosaias iti likudan dagiti kumakanta, ket sinaruno ti kagudua dagiti pangulo ti Juda.

³³Simmaruno met dagitoy a papadi nga agpuypuyot iti trumpeta: Azarias, Ezra, Mesullam, Juda, Benjamin, Semaias ken Jeremias. Simmaruno ni Zacarias nga anak ni Jonatan ken apoko ni Semaias. (Mairaman ti dadduma a kapuonanna da Mattanias, Micaias ken Zaccur iti kapuonan ni Asaf.)

³⁶Simmaruno kenkuana dagiti dadduma a kamkameng ti familiana—da Semaias, Azarel, Milalai, Gilalai, Maai, Netanel, Juda ken Hanani. Nagiggemda amin iti pagtokaran a kas iti daydi inaramat ni Ari David a tao ti Dios. Ni Ezra a masirib ti nangidaulo iti libot.

³⁷Idi makadanonda iti Ruangan ti Ubbog, immulida iti agdan nga agturong iti Siudad ni David. Linabasanda ti palasio ni David sada nagsubli iti bakud ti Ruangan ti Danum iti akindaya a paset ti siudad.

³⁸Nagpakannigid ti maysa a grupo iti rabaw ti bakud, ket simmarunoak kadakuada, agraman kagudua ti bilang dagiti tattao. Linabsanmi ti Torre dagiti Urno. Dimmanonkam iti Akaba a Bakud.

³⁹Manipud sadiay, linabsanmi ti Ruangan ti Efraim, Ruangan ti Jesana, Ruangan ti Ikan, ti Torre ni Hananel ken ti Torre dagiti Sangagasut, ket nagturongkam iti Ruangan dagiti Karnero. Nagpatinggakam iti asideg ti Ruangan ti Guardia.

⁴⁰Nagsabat dagiti dua a grupo nga agkankanta iti pagyaman iti Dios iti masakupan ti Templo. Malaksid kadagiti kinaduak a papangulo,

⁴¹kinaduak met dagitoy a papadi nga agpuypuyot iti trumpeta: Eliakim, Maaseias, Miniamin, Micaias, Elioenai, Zacarias ken Hananias.

⁴²Adda met dagitoy a kumakanta nga impanguloan ni Jezrahias: Maaseias, Semaias, Eleazar, Uzzi, Jehohanan, Malkija, Elam ken Ezer. Inkabilda amin a kabaelanda nga agkanta.

⁴³Iti dayta nga aldaw, adu ti naidatag a daton, ket kasta unay ti rag-o dagiti tattao gapu iti kinaimbag nga impaay ti Dios kadakuada. Nakipagrambak met dagiti babbai ken ubbing, ket uray la mangngeg iti adayo a lugar ti ariwawada.

⁴⁴Iti dayta a tiempo, adda dagiti lallaki a nadutokan a mangaywan kadagiti kuarto a pagiduldulinan kadagiti kontribusion nga agpaay iti Templo, agraman dagiti apagkapullo ken dagiti umuna nga apit ken bungbunga a maluom tunggal tawen. Isuda ti agkolekta kadagiti ited dagiti tattao manipud kadagiti talon iti asideg dagiti nadumaduma a siudad a maipaay kadagiti papadi ken Levita a kas sagudayen ti Linteg. Ngamin, naragsakan dagiti taga-Juda iti panagserbi dagiti papadi ken Levita,

⁴⁵agsipud ta tinungpalda ti bilin ti Dios ken inaramidda ti seremonia ti pannakadalus. Inaramid met dagiti kantores ti Templo ken dagiti guardia ti Templo dagiti annongenda kas mayannurot kadagiti alagaden nga intuyang ni Ari David ken ni Solomon nga anakna.

⁴⁶Manipud idi tiempo ni Ari David ken ni Asaf a musiko idi un-unana, dagiti musiko ti nangidaldalan iti pannakakanta dagiti kanta a pagdaydayaw ken pagyaman iti Dios.

⁴⁷Idi tiempo ni Zerubbabel ken uray idi tiempo ni Nehemias, nagited amin dagiti Israelita kadagiti inaldaw a sagut a maipaay iti kasapulan dagiti kantores ken guardia ti Templo. Inlasinda ti binglay dagiti Levita ket inted met dagitoy ti naituding a bingay dagiti papadi.