Read Iloko Nehemiah 7 Bible Online

Nehemiah 7 - Iloko bible

Nehemiah 7

¹Kalpasan a nabangon manen ti bakud ken naikabilen dagiti ruangan, natudingan dagiti agguardia iti Templo ken dagiti miembro ti nasagradoan a koro. Naikkan met dagiti Levita iti trabahoda.

²Nangikabilak iti dua a tao a mangimaton iti siudad ti Jerusalem: ni Hanani a kabsatko ken ni Hananias a pangulo nga ofisial dagiti agbambantay iti sarikedked. Matalek ken managbuteng iti Dios ni Hananias ket awan pumada kenkuana.

³Imbagak kaduada a sada la luktan ti ruangan ti Jerusalem iti bigat no makatangkayagen ti init, ket irikep ken balunetanda sakbay nga agawid dagiti guardia iti sumipnget. Imbagak pay a mangisaadda kadagiti agnanaed iti Jerusalem nga agguardia ket adda dagiti ipuestoda kadagiti naituding a lugar idinto nga agpatrulia dagiti dadduma iti asideg dagiti balbalayda.

⁴Nalawa ti siudad, ngem bassit dagiti agnanaed, ket manmano pay laeng dagiti nabangon a balbalay.

⁵Tinignaynak ti Dios a mangummong kadagiti tattao, kadagiti papangulo ken ofisialesda, tapno masukimat ti listaan ti familia ti tunggal maysa. Nabirokak ti libro a nakailanadan ti nagnagan dagiti immun-una a nagsubli kadagiti napagtalaw a kas balud. Daytoy ti nasarakak a nailanad:

⁶Adu kadagiti napagtalaw ti pimmanaw iti probinsia ti Babilonia ket nagsubli ti tunggal maysa iti bukodna nga ili idiay Jerusalem ken Juda. Agnanaeden dagiti familiada a kas balud idiay Babilonia manipud impan ni Ari Nebucadnesar ida sadiay.

⁷Adtoy dagiti papanguloda: Zerubbabel, Jesua, Nehemias, Azarias, Raamias, Nahamani, Mardokeo, Bilsan, Misperet, Bigvai, Nehum ken Baana.

⁸Daytoy ti listaan dagiti familia dagiti Israelita agraman ti bilang ti tunggal familia a nagsubli: Paros - 2,172 Sefatias - 372 Ara - 652 Pahat Moab (dagiti kaputotan da Jesua ken Joab) - 2,818 Elam - 1,254 Zattu - 845 Zakkai - 760 Binnui - 648 Bebai - 628 Azgad - 2,322 Adonikam - 667 Bigvai - 2,067 Adin - 655 Ater (managan pay Hezekias) - 98 Hasum - 328 Bezai - 324 Harif - 112 Gabaon - 95

⁹Nagsubli met dagiti tattao a ti familiada nagnaed kadagitoy nga il-ili: Betlehem ken Netofa - 188 Anatot - 128 Bet-Azmavet - 42 Kiriat Jearim, Kefira ken Beerot - 743 Rama ken Geba - 621 Mikmas - 122 Betel ken Ai - 123 Ti sabali a Nebo - 52 Ti sabali nga Elam - 1,254 Harim - 320 Jerico - 345 Lod, Hadid ken Ono - 721 Senaa - 3,930

¹⁰Daytoy ti listaan dagiti nagsubli a familia dagiti papadi: Jedaias (dagiti kaputotan ni Jesua) - 973 Immer - 1,052 Pashur - 1,247 Harim - 1,017

¹¹Dagiti nagsubli a familia dagiti Levita: Jesua ken Kadmiel (dagiti kaputotan ni Hodavias) - 74 Dagiti kantores iti Templo (dagiti kaputotan ni Asaf) - 148 Dagiti guardia ti Templo (dagiti kaputotan da Sallum, Ater, Talmon, Akkub, Hatita ken Sobai) - 138

¹²Dagiti familia dagiti agtartrabaho iti Templo a nagsubli: Siha, Hasufa, Tabbaot, Keros, Sia, Padon, Lebana, Hagaba, Salmai, Hanan, Giddel, Gahar, Reayas, Resin, Nekoda, Gazzam, Uzza, Pasea, Besai, Meunim, Nefusesim, Bakbuk, Hakufa, Harhur, Bazlit, Mehida, Harsa, Barkos, Sisera, Tema, Nesias ken Hatifa.

¹³Dagiti nagsubli a familia dagiti adipen ni Solomon: Sotai, Soferet, Perida, Jaala, Darkon, Giddel, Sefatias, Hattil, Pokeret Hazzebaim ken Amon.

¹⁴Agdaup iti 392 dagiti kaputotan dagiti agtartrabaho iti Templo ken dagiti adipen ni Solomon a nagsubli.

¹⁵Adda 642 a nagsubli a nagtaud iti familia da Delaias, Tobias ken Nekoda. Naggapuda kadagiti ili ti Tel Mela, Tel Harsa, Kerub, Addon ken Immer, ngem dida mapaneknekan a kaputotan ida dagiti Israelita.

¹⁶Dagitoy dagiti familia dagiti papadi a saan a masapulan dagiti libro a mangpaneknek iti nagtaudanda a familia: Hobaias, Hakkoz ken Barzillai. (Naikamang iti familia ni Barzillai a Galaadita ti kapuonan ti familia dagiti papadi a nagtaudan ni Barzillai; tinawidna ti nagan ti familia ti katuganganna a lalaki.) Gapu ta dida mapaneknekan no siasino dagiti kapuonanda, dida naawat a kas papadi.

¹⁷Imbaga ti gobernador kadakuada a dida mabalin ti mangan kadagiti taraon a naidaton iti Dios agingga nga adda padi a makiuman babaen iti Urim ken Tummim.

¹⁸Agdagup iti 42,360 dagiti amin a nagsubli kadagiti napagtalaw a kas balud.

¹⁹Dagiti adipenda a lallaki ken babbai - 7,337 Dagiti kantores a lallaki ken babbai - 245 Dagiti kabalio - 736 Dagiti mulo - 245 Dagiti kamelio - 435 Dagiti asno - 6,720

²⁰Adu kadagiti tattao ti nangted iti tulongda iti pannakabangon manen ti Templo: Ti gobernador 270 nga onsa a balitok 50 a malukong a mausar iti seremonia 530 a pagan-anay dagiti papadi Dagiti papangulo dagiti kapuonan 5,400 nga onsa a balitok 51,450 nga onsa a pirak Dagiti dadduma a tattao 5,400 nga onsa a balitok 46,770 nga onsa a pirak 67 a pagan-anay dagiti papadi

²¹Dagiti papadi, dagiti Levita, dagiti guardia ti Templo, dagiti musiko, ti adu kadagiti kadawyan a tattao, dagiti agtartrabaho iti Templo—amin nga Israelita—nagnaedda kadagiti il-ili ken siudad ti Juda.