Read Iloko Job 22 Bible Online

Job 22 - Iloko bible

Job 22

¹Adda aya imbag a maipaay ti tao iti Dios, uray no isut' kasiriban?

³Adda aya magun-od ti Dios iti panagaramidmo iti naimbag? Pagsayaatanna aya no agbalinka a nalinteg?

⁴Tubngaren ken ukomennaka ti Dios, saan a gapu ta agbutengka kenkuana,

⁵no di ket gapu iti nadagsen a basolmo, gapu kadagiti amin a dakes nga aramidmo.

⁶Tapno mapagbayadmo ti nakautang kenka, innalam dagiti kawesna ket binay-am nga awan arruatenna.

⁷Dimo pinainum dagiti mawaw; dimo pinakan dagiti mabisin.

⁸Inaramatmo ti turay ken saadmo a nangtagikua iti entero a daga.

⁹Dimo tinulongan dagiti balo a babbai; tinakawam ken inlupitlupitmo pay dagiti ulila.

¹⁰Isu a nalawlawka kadagiti pakatnagan, ket kellaat a buteng ti manglapunos kenka.

¹¹Kasta unay ti sipnget ket awan makitam, ket lemmesennaka ti layus.

¹²Saan aya nga agnanaed ti Dios iti kangatoan a langit? ket tantannawaganna dagiti bituen uray no nangatoda?

¹³Ngem kaskasdi a saludsodem, “Ania ti ammo ti Dios? Nalingdan kadagiti ulep—kasano ngarud nga ukomennatayo?”

¹⁴Ipagarupmo a saan a makakita ti Dios gapu iti napuskol nga ulep bayat ti pampannagnana iti tangatang a beddeng ti langit ken daga.

¹⁵Inkeddengmo kadi ti magna iti dalan a nagnaan dagiti managdakdakes?

¹⁶Sakbay a dimteng ti panawenda, adda layus a nangyanud kadakuada.

¹⁷Dagitoy dagiti tattao a nangtallikud iti Dios; namatida nga awan ti maaramidna kadakuada.

¹⁸Nupay kasta, pinarang-ay ti Dios ida. Diak maawatan ti panunot dagiti managdakdakes.

¹⁹Maragsakan dagiti naimbag a tattao, agkatawa dagiti nalinteg no makitada a madusa dagiti managdakdakes.

²⁰Madadael ti amin a sanikua ti managdakdakes; no adda matda kenkuana, mauram amin awan labasna.

²¹Job, makikappiaka iti Dios tapno imbag ti umadani kenka.

²²Ipangagmo ti pannursurona, ket ipapusom ti saona.

²³Wen, agsublika a sipapakumbaba iti Dios, ket ikkatem ti amin a kinadakes iti balaymo.

²⁴Ibellengmo dagiti balitokmo; ipurruakmo ti kasin-awan a balitokmo iti nagmaga a nagayusan ti waig.

²⁵Ti Mannakabalin-amin a Dios ti ibilangmo a balitok ken pirakmo.

²⁶Ket agtalekkanto latta iti Dios; isunto ti pagtaudan ti rag-om.

²⁷Inton agkararagka, innakanto sungbatan, ket tungpalemto dagiti kari a sinapataam.

²⁸Agballigikanto iti amin nga aramidmo, ket addanto lawag a mangsilnag iti dalanmo.

²⁹Itan-ok ti Dios dagiti napakumbaba ket ipababana dagiti natangsit.

³⁰Ispalennakanto no awan nakabasolam; isalakannaka no nalinteg ti aramidmo.