Read Iloko Job 23 Bible Online

Job 23 - Iloko bible

Job 23

¹Agpapan ita, sukirek latta ti Dios; diak malapdan ti agasug.

³Ammok la koma ti pangsarakak kenkuana; innak biroken, mapanak iti ayanna.

⁴Ipakaammok kenkuana ti sasaadek, ibagak kenkuana ti kalintegak.

⁵Kayatko a maammoan no ania ti makunana kayatko a maawatan ti sungbatna.

⁶Usaren ngata ti Dios ti bilegna kaniak? Saan! Ipangagnak no agsaoak. Diak agulbod, mabalinko ti agrason iti Dios.

⁷Nalintegak a makilinnawag kenkuana, ket ikeddengna a mamimpinsan nga awan basolko.

⁸Sinapsapulko ti Dios idiay Daya, ngem saanko a nabirokan. Sinapsapulko idiay Laud, ngem kaskasdi a diak nasarakan.

⁹Adda inaramid ti Dios idiay Amianan ken Abagatan ngem kaskasdi a saanko a nasarakan.

¹⁰Nupay kasta, ammo ti Dios ti amin nga addangko; no padasennak, masarakannanto a nadalus ti biagko.

¹¹Sursurotek a siaannad ti ituyangna a pagnaan, ket sipupudnoak a magna iti dalan.

¹²Kanayon a tungpalek dagiti amin a bilinna; surotek ti pagayatanna, saan a ti tarigagayak.

¹³Saan nga agbalbaliw ti Dios; awan ti makabael a mangbusor kenkuana. Awan ti makalapped kenkuana no agaramid iti kayatna.

¹⁴Tungpalennanto ti intudingna kaniak; maysa laeng daytoy iti adu a panggepna,

¹⁵ket agpigergerak iti buteng iti imatangna.

¹⁶Pinukaw ti Dios a Mannakabalin-amin ti turedko Ti Dios, saan a ti sipnget, ti nangyeg iti panagbutengko, uray no pinagbulseknak ti sipnget.