Read Iloko Job 40 Bible Online

Job 40 - Iloko bible

Job 40

¹Job, kinaritmo ti Dios a Mannakabalin-amin; sumukoka kadin wenno makisuppiatka pay laeng?

³Minamaag ti panagsaok, O Apo. Ania pay ti maisungbatko kenka? Awanen ti masaok.

⁵Ad-adun ti naisaok ngem ti rebbengko.

⁶Idi madama ti bagio, nagsao manen ni Yahweh ken ni Job.

⁷Tumakderka ita a kas maysa a lalaki, ket sungbatam dagiti saludsodko.

⁸Kayatmo kadi a paneknekan a nakilloak? Pagparangem kadi a nagbiddutak, ket pagbalinem ti bagim a nalinteg?

⁹Napigsaka kadi a kas kaniak? Gumluong kadi ti timekmo a kas iti timekko?

¹⁰No maaramidmo dagitoy, tumakderka ngarud a sidadayaw ken sidadaeg. Agkaweska iti kinatan-ok ken iti kinadayag.

¹¹Kitaem dagiti natangsit; idissuormo ti pungtotmo, ket ibabainmo ida.

¹²Wen, kitaem dagiti napalangguad ket pagpakumbabaem ida. Dadaelem dagiti managdakdakes iti pagtaktakderanda.

¹³Ikalim amin ida iti daga; ibaludmo ida iti lubong dagiti natay.

¹⁴Iti kasta, siakto ti umuna a mangdayaw kenka ken mangannugot a nagballigika.

¹⁵Kitaem ti Behemot; pinarsuakayo a dua. Mangan iti ruot a kas iti baka,

¹⁶ngem anian a pigsana, anian a bileg dagiti piskelna!

¹⁷Tumakder a kas sedro ti ipusna; napigsa ti piskel dagiti gurongna.

¹⁸Kasla bronse ti kapigsa dagiti tulangna; limmandok dagiti sakana.

¹⁹Isu ti kangrunaan kadagiti aramid ti Dios. Ti laeng Namarsua ti makaparmek kenkuana.

²⁰Agarab kadagiti ruot nga agtubo kadagiti bantay a pagay-ayaman dagiti atap nga ayup.

²¹Agidda iti sirok dagiti kayo a sisiitan, ket aglemmeng kadagiti runo iti kadanuman.

²²Dagiti kayo a siitan ken karawawe iti igid ti waig ipaayda kenkuana ti linongna.

²³Saan nga agbuteng no aglayus ti Jordan. Natalna latta uray no masabbuagan ti rupana.

²⁴Siasino ti makabulsek kenkuana tapno matiliwna? Siasino ti makataldeng kenkuana?