Read Iloko Psalms 12 Bible Online

Psalms 12 - Iloko bible

Psalms 12

¹Isalakannak, O Apo, ta awanen naimbag a tao; awanen ti masarakan a matalek a tao.

²Agiinnulbodda iti maysa ken maysa; agpipinnatiray-okda, panaginkukuna amin a saoda.

³Putdem, O Apo, dagiti naulbod a dila; dagiti napalangguad a ngiwat, rikpam ida!

⁴Kunkunada, “Babaen iti saomi, alaenmi ti kaykayatmi ket awan ti makapasardeng kadakami. Ibagami ti pagayatanmi ket awan ti makalapped kadakami.”

⁵“Ngem itan,” kuna ni Yahweh, “umayak, ta mailupitlupit dagiti marigrigat; dagiti maidaddadanes nasaem ti asugda. Itdekto ti talged a tartarigagayanda.”

⁶Mapagtalkan ken napudno dagiti kari ni Yahweh, mayarig iti pirak a nagugoran iti namimpito.

⁷Nagwarasen dagiti managdakdakes, ket tunggal maysa idaydayawna ti dakes Kanayon a salaknibannakami, O Apo; taginayonennakami ket ikanawanakami kadagita a tattao.