Read Iloko Psalms 136 Bible Online

Psalms 136 - Iloko bible

Psalms 136

¹Naimbag ti Apo, ket agyamankayo ngarud kenkuana; agnanayon ti di agbaliw nga ayatna.

²Agyamankay iti Dios dagiti didios; agnanayon ti di agbaliw nga ayatna.

³Agyamankay iti Apo dagiti appo; agnanayon ti di agbaliw nga ayatna.

⁴Isu laeng ti makaaramid kadagiti naindaklan a milagro; agnanayon ti di agbaliw nga ayatna.

⁵Inaramidna dagiti langit babaen iti kinasiribna; agnanayon ti di agbaliw nga ayatna.

⁶Impasdekna ti daga iti rabaw dagiti danum; agnanayon ti di agbaliw nga ayatna.

⁷Pinarsuana ti init ken ti bulan; agnanayon ti di agbaliw nga ayatna.

⁸Insaadna ti init a mangituray iti aldaw; agnanayon ti di agbaliw nga ayatna.

⁹Inkabilna ti bulan ken dagiti bituen a mangituray iti rabii; agnanayon ti di agbaliw nga ayatna.

¹⁰Pinatayna dagiti inauna a lallaki nga annak dagiti Egipcio; agnanayon ti di agbaliw nga ayatna.

¹¹Inruarna dagiti Israelita idiay Egipto; agnanayon ti di agbaliw nga ayatna.

¹²Inruarna ida babaen iti nabileg ken mannakabalin a takkiagna; agnanayon ti di agbaliw nga ayatna.

¹³Pinagbingayna ti Nalabaga a Baybay; agnanayon ti di agbaliw nga ayatna.

¹⁴Ket indauloanna a nagna dagiti tattaona; agnanayon ti di agbaliw nga ayatna.

¹⁵Ngem linemmesna ti Faraon ken ti armadana; agnanayon ti di agbaliw nga ayatna.

¹⁶Impanguloanna dagiti tattaona iti ilalasatda idiay let-ang; agnanayon ti di agbaliw nga ayatna.

¹⁷Nagpapatay kadagiti nabibileg nga ari; agnanayon ti di agbaliw nga ayatna.

¹⁸Nagpapatay kadagiti agdindinamag nga ari; agnanayon ti di agbaliw nga ayatna.

¹⁹Ni Sihon nga ari dagiti Amorreo; agnanayon ti di agbaliw nga ayatna.

²⁰Ken ni Og nga ari ti Basan; agnanayon ti di agbaliw nga ayatna.

²¹Intedna ti dagada kadagiti tattaona; agnanayon ti di agbaliw nga ayatna.

²²Wen, intedna ken ni Israel nga adipenna; agnanayon ti di agbaliw nga ayatna.

²³Dinatay nalipatan idi naparmektayo; agnanayon ti di agbaliw nga ayatna.

²⁴Ket inispalnatayo kadagiti kabusortayo; agnanayon ti di agbaliw nga ayatna.

²⁵Ikkanna iti kanen ti amin a pinarsuana; agnanayon ti di agbaliw nga ayatna.

²⁶Agyamankayo iti Dios ti langit; agnanayon ti di agbaliw nga ayatna.