Read Iloko Psalms 137 Bible Online

Psalms 137 - Iloko bible

Psalms 137

¹Idi agin-inanakami iti igid dagiti karayan ti Babilonia, nagsangitkami a nakalagip iti Sion.

²Insab-itmi dagiti arpami kadagiti kayo a karawawe iti asideg.

³Imbaga dagiti nangitalaw kadakami, “Agkantakayo.” Imbagada a ragragsakenmi ida a kunada, “Kantaandakami iti kanta maipapan iti Sion.”

⁴Kasano a kantaenmi ti kanta ti Apo iti sabali a daga?

⁵Magango koma toy makannawan nga ima no malipatanka, O Jerusalem!

⁶Dumket koma ti dilak iti ngaresko, no saanka a malagip, O Jerusalem, no malipatanka nga alimpatok ti rag-ok.

⁷Laglagipem kadi, O Apo, ti inaramid dagiti Edomita, idi pinarmekda ti Jerusalem. Laglagipem ti inulit-ulitda nga imbaga, “Rebbaentayo agingga a dumaga!”

⁸Madadaelkanto, Babilonia, nagasat daydiay mangbales kenka gapu iti impalak-ammo kadakami.

⁹Wen, nagasat daydiay mangrabsut kadagiti maladaga nga annakmo, ket itupakna ida iti bato!