Read Iloko Psalms 138 Bible Online

Psalms 138 - Iloko bible

Psalms 138

¹Agyamanak kenka, O Apo, iti amin a pusok. Kantaanka iti pagdaydayaw iti saklang dagiti didios.

²Agrukbabak iti sangoanan ti nasantoan a Templom, ket agdaydayawak iti naganmo gapu iti kinamanagayatmo ken kinapudnom, ta impakitam a naturay ti naganmo ken dagiti bilbilinmo.

³Impangagnak idi immawagak kenka, pinapigsanak ti bilegmo.

⁴O Apo, itan-okdakanto dagiti amin nga ari ditoy daga inton mangngegda dagiti karim.

⁵Agkantadanto ti maipapan kadagiti aramidmo, kasta met ti naindaklan a dayagmo.

⁶Nupay natan-ok unay ti Apo, padayawanna dagiti nanumo, ket saan a malemmengan dagiti natangsit a tattao.

⁷Uray no aglasatak iti pannakasuot, awanto ti pakaan-anoak. Sangoem dagiti makapungtot a kabusorko, ket isalakannak babaen iti bilegmo.

⁸O Apo, aramidem ti amin nga inkarim; agnanayon nga awan inggana ti ayatmo. Dimo baybay-an dagiti pinarsuam.