Read Iloko Psalms 142 Bible Online

Psalms 142 - Iloko bible

Psalms 142

¹Agdawatak iti tulong iti Apo; agpakpakaasiak kenkuana.

²Yumanko kenkuana dagiti amin a sakit ti nakemko. Ibagak kenkuana dagiti amin a parikutko.

³Ammona ti rumbeng nga aramidek, no mapukawko ti namnamak. Nangikabil dagiti kabusorko iti pangsiloda kaniak.

⁴Tumalliawak iti sikigak, ket makitak nga awan tumulong kaniak. Awan mangsalaknib ken mangisakit kaniak.

⁵O Apo, umasugak kenka iti tulong. Sika, O Apo, ti salaknibko, ditoy a biag sika laeng ti masapulko.

⁶Ipangagmo koma ti asugko, ta awanen a pulos ti namnamak. Isalakannak kadagiti kabusorko a napigpigsa nga adayo ngem siak.

⁷Ispalennak iti pakarigatak, ket idaydayawkanto iti gimong dagiti tattaom, agsipud ta naimbagka kaniak.