Read Iloko Psalms 148 Bible Online

Psalms 148 - Iloko bible

Psalms 148

¹Madaydayaw ti Apo! Idaydayawyo ti Apo manipud langit, dakayo nga agnaed kadagiti nangato a disso!

²Idaydayawyo, dakayo nga anghelesna; idaydayawyo, dakayo a nailangitan nga armadana.

³Idaydayawyo, init ken bulan; idaydayawyo, dakay a rumimatrimat a bituen!

⁴Idaydayawyo, dakay a kangatoan a langit; idaydayawyo, dakay a danum iti ngatoen ti tangatang!

⁵Agdaydayawda koma amin iti nagan ti Apo, ta idi nagsao, naparsuada.

⁶Babaen iti bilinna, impasdekna ida iti ayanda nga agnanayon awan inggana, ket dida mabalin ti agsalungasing.

⁷Idaydayawyo ti Apo manipud iti daga, dakay a dragon ti taaw ken mangliwengliweng a danum,

⁸dakay a kimat ken yelo, niebe ken angep, napigsa nga angin, amin nga agtungpal iti bilinna!

⁹Idaydayawyo, dakay a bantay ken turod, amin a kayo nga agbunga ken amin a bakir.

¹⁰Idaydayawyo, dakayo nga animal nga amo ken atap, aguy-uyas a parsua ken amin a tumatayab.

¹¹Idaydayawyo ti Apo, dakayo nga ari ken amin a tattao, dakayo a prinsipe ken ukom iti amin a daga!

¹²Uray dakayo a babbaro ken babbalasang, lallakay ken ubbing!

¹³Idaydayawda koma ti Apo, ta natantan-ok ngem ti amin ti naganna, ta ringbawan ti dayagna ti langit ken ti daga.

¹⁴Pinagbalinna a nabileg ti pagilianna, isut' gapuna nga idaydayaw ti amin a tattaona, ti Israel a napateg kenkuana. Madaydayaw ti Apo!