Read Iloko Psalms 26 Bible Online

Psalms 26 - Iloko bible

Psalms 26

¹Ipakaammom nga awan basolko, O Apo, ta nalinteg ti aramidko, ket kenka naan-anay ti panagtalekko.

²Sukimaten ken suotennak, O Apo; usigem dagiti tarigagay ken panunotko.

³Iti di agbalbaliw nga ayatmo, iturongnak; iti kinapudnom, kanayon nga idalannak.

⁴Diak makikadua kadagiti ubbaw a tattao, diak makibunggoy kadagiti aginsisingpet.

⁵Karimonko ti bunggoy dagiti managdakdakes; diak makikadua kadagiti nakillo a tattao.

⁶Buggoak dagiti imak a mangipakita nga awan basolko, ket likmutek ti altarmo iti panagdaydayawko kenka, O Apo.

⁷Agkantaak iti pagyaman a himno ket saritaek dagiti nakaskasdaaw nga aramidmo.

⁸Ipatpategko ti balay a pagtaengam, O Apo, ti lugar a pagnaedan ti dayagmo.

⁹Dinak iraman a pukawen kadagiti managbasol, ilisinak iti pagtungpalan dagiti mammapatay,

¹⁰tattao a kanayon nga agaramid iti dakes ken sisasagana nga umawat iti pasuksok.

¹¹Ngem no maipapan kaniak, nalinteg ti aramidko, kaasiannak ket isalakannak, O Apo!

¹²Awan pakaan-anoak iti amin a peggad; iti imatang ti dakkel a gimong, ken ni Yahweh agdaydayawak.