Read Iloko Psalms 28 Bible Online

Psalms 28 - Iloko bible

Psalms 28

¹Umawagak kenka, O Apo a salaknibko. Denggem kadi ti asugko! No dinak ipangag, maipadaak kadagiti bumaba iti lubong dagiti natay.

²Denggennak kadi no umasugak a tulongannak, iti nasantoan a templom, sitatag-ay dagiti imak.

³Dinak kadi iraman a dusaen kadagiti nadangkes ken kadagiti agaramid iti saan a naimbag— Dagitoy a tattao, no agsaoda kunam la no gayyem ida ngem napno met iti gura ti pusoda.

⁴Dusaem ida gapu iti inaramidda, gapu iti amin a dakes a gapuananda. Wen, dusaem ida gapu iti aramidda; ipaaymo ti rumbeng a dusada!

⁵Dida ikankano ti inaramid wenno gapuanan ni Yahweh. Iti kasta, dusaennanto ida ket agnanayon ti panagsagabada.

⁶Idaydayawyo ti Apo, ta impangagna ti panagdawatko iti tulongna!

⁷Ni Yahweh ti pigsak ken kalasagko, kenkuana isaadko ti panagtalekko. Tinulongannak isut' gapuna nga agrag-oak; agkantaak kadagiti himno a pagdaydayaw kenkuana.

⁸Ni Yahweh ti pigsa dagiti tattaona; salakniban ken isalakanna ti ari a pinilina.

⁹Isalakanmo kadi, O Apo, dagiti tattaom, ket bendisionam ida, isuda, a kukuam! Sika koma ti pastorda, ket agnanayon nga aywanam ida.