Read Iloko Psalms 47 Bible Online

Psalms 47 - Iloko bible

Psalms 47

¹Agtipatkayo gapu iti rag-o, dakay amin a tattao! Idir-iyo ti naragsak a kankanta a pagdaydayaw iti Dios!

²Masapul a pagbutngan ti Apo a Kangatoan, ta naindaklan nga Ari a mangiturong iti sangalubongan.

³Pinagballiginatayo kadagiti tattao; pinagturaynatayo kadagiti pagilian.

⁴Impiliannatay iti daga a pagnaedantayo, ti sanikua a pagpannakkel dagiti tattao nga ay-ayatenna.

⁵Umuli ti Dios iti tronona! Adda dir-i ti rag-o ken napigsa nga uni ti trumpeta!

⁶Kantaenyo ti pagdaydayaw iti Dios; wen, kantaanyo iti pagdaydayaw ti aritayo!

⁷Kantaanyo ti Dios kadagiti pagdaydayaw ta isu ti Ari iti entero a daga!

⁸Iturayan ti Dios dagiti pagilian; agtugaw iti tronoda a nasantoan.

⁹Agtataripnong dagiti turayen dagiti nasion, agraman dagiti tattao ti Dios ni Abraham. Nabilbileg ti Dios ngem dagiti amin nga armada; iturayanna amin ida.