Read Iloko Psalms 6 Bible Online

Psalms 6 - Iloko bible

Psalms 6

¹OApo, dinak kadi ungtan no makapungtotka, dinak kadi dusaen no makapungtotka!

²Kaasiannak kadi, O Apo, ta napaksuyanak; papigsaennak ta awanen a pulos ti pigsak.

³Mariribuk unay toy kararuak. O Apo, kaanonto a tulongannak?

⁴Umayka, O Apo, ket isalakannak; gapu iti ayatmo, ispalennak.

⁵Awan makalagip kenka iti lubong dagiti natay; iti tanem, awan ti mangitan-ok kenka sadiay.

⁶Iti kasta unay a ladingitko, napaksuyanak, iti rinabii a panagsangsangitko maslep ti iddak, mabasbasa ti punganko kadagiti luluak.

⁷Kumudrepen ti panagkitak; lumlumtegen dagiti matak iti kasasangitko gapu kadagiti amin a kabusorko.

⁸Adaywandak, dakayo a dakes a tattao! Denggen ti Apo dagiti sasaibekko.

⁹Ipangagna ti dawatko; sungbatanna dagiti kararagko.

¹⁰Mariknanto dagiti kabusorko ti saem ti pannakaabak. Kellaat a mawarawarada, ket mapagtalawdanto.