Read Iloko Psalms 63 Bible Online

Psalms 63 - Iloko bible

Psalms 63

¹O Dios, sika ti Diosko, ket mailiwak kenka, ti amin a kinataok tarigagayannaka. Wen, mawaw toy kararuak kenka a kas iti namaga, nautoyan ken natikag a daga.

²Agpakitaka kaniak koma iti santuario; maimatangak koma ti bileg ken dayagmo.

³Gapu ta nasaysayaat ti di agbalbaliw nga ayatmo ngem ti mismo a biag, idaydayawkanto babaen kadagiti bibigko.

⁴Agyamanakto kenka iti unos ti panagbiagko; itag-aykonto dagiti imak kenka iti panagkararagko.

⁵Mapnek 'toy kararuak a kasla nangan ti taraon a naimas, ket agkantaak iti naragsak a kanta a pagdaydayaw kenka.

⁶Malaglagipka no addaak iti iddak; pampanunotenka nga agpatpatnag.

⁷Ngamin, kanayon a tultulongannak, ket agkantaak a siraragsak iti salinong dagiti payakmo.

⁸Diak isina toy kararuak kenka ket natalgedak ta tapayaennak iti kannawan nga ima.

⁹Ngem dagiti agpanggep a mangpapatay kaniak mapandanto iti lubong dagiti natay.

¹⁰Mapasagdanto iti paggugubatan, ket kanento dagiti lobo dagiti bangkayda.

¹¹Agragsakto ti ari gapu ta pinagballigi ti Dios; agrag-onto dagiti amin nga agkari iti nagan ti Dios, ngem marikpanto ti ngiwat dagiti ulbod.