Read Iloko Psalms 91 Bible Online

Psalms 91 - Iloko bible

Psalms 91

¹Ti agnaed iti salinong ti Kangatoan ken iti pannalaknib ti Mannakabalin-amin,

²mabalin a kunana iti Apo, “Sika ti kamang ken salaknibko, sika ti Diosko, kenka agtalekak.”

³Ilisinakanto kadagiti peggad a dika ammo ken kadagiti makapatay a sakit.

⁴Salukobannakanto kadagiti payakna, ket awanto ti pakaan-anoam. Salakniban ken aywanannakanto ti kinapudno ti Apo.

⁵Awanto ti kabutengmo iti rabii, uray pay ti pana a sumiag iti aldaw.

⁶Dimonto kabuteng ti didigra a dumteng iti sipnget, wenno ti angol nga agpapatay iti lawag.

⁷Uray sangaribu ti matuang iti sikigam ken sangapulo ribu ti mapasag iti lawlawmo, saankanto a madangran.

⁸Maimatangamto no kasano ti pannakadusa dagiti managdakdakes a tattao.

⁹Agsipud ta pinagbalinmo ti Apo a kamangmo, ken ti Kangatoan a salaknibmo.

¹⁰Awanto ti dakes a mapasamak kenka, iti taengmo, awanto met ti dumteng a didigra.

¹¹Ta ibaonto ti Dios dagiti anghelesna a mangaywan kenka tapno iti sadinoman a papanam salaknibandaka.

¹²Kadagiti im-imada tapayaendakanto tapno saan a madunor ta sakam iti bato.

¹³Ibaddekmonto ti leon ken ti uleg; ipayatmonto ti narungsot a leon ken ti nagita nga uleg.

¹⁴Kuna ti Dios, “Isalakankonto dagiti agayat kaniak, ket salaknibakto ida ta ammoda ti naganko.

¹⁵No umawagda kaniak, ipangagkonto ida, addaakto kadakuada iti tiempo ti riribukda. Ispalekto ida; wen, padayawakto ida.

¹⁶Atiddog a biag ti iparaburko kadakuada ket isalakankonto ida.”