Read Iloko Psalms 95 Bible Online

Psalms 95 - Iloko bible

Psalms 95

¹Umaykayo, ket idaydayawtayo ti Apo! Kantaantayo a sirarag-o ti Dios a salaknibtayo!

²Dumatagtayo iti sangoananna ket agyamantayo; Ipaayantayo iti naragsak a kanta a pagdaydayaw kenkuana!

³Ta ti Apo mannakabalin a Dios; naindaklan nga ari, naturturay ngem amin a didios.

⁴Iturayanna ti entero a daga, manipud iti kaunggan a rukib agingga iti kangatoan a turod.

⁵Inaramidna ti taaw ket kukuana, uray ti daga sinukog ti imana.

⁶Umaykayo! Agparintumengtay iti sakaananna, ket agdaydayawtayo kenkuana. Agrukbabtayo iti Apo a namarsua kadatayo.

⁷Isu ti Diostayo; datayo dagiti tattaona nga ay-aywananna, ti arban a tartaraonanna. Ita nga aldaw, denggenyo ti ibagana:

⁸“Saankayo nga agsuksukir, a kas kadagiti kapuonanyo idiay Meriba; wen, iti daydi aldaw a kaaddada iti let-ang idiay Masa.

⁹Sinuotdak sadiay ket pinadasdak, idinto a nakitada ti inaramidko nga agpaay kadakuada.

¹⁰Uppat a pulo a tawen a naupayak kadagita a tattao. Isut' gapuna a kinunak, ‘Saan a napudno dagitoy a tattao dida tungpalen dagiti bilinko.’

¹¹Ngarud, nakapungtotak ket insapatak, ‘Saankayto a sumrek iti daga a pangtedak koma kadakayo iti inana.’”