Read Iloko Leviticus 15 Bible Online

Leviticus 15 - Iloko bible

Leviticus 15

¹Inted ni Yahweh kada Moises ken Aaron dagitoy nga alagaden

²nga agpaay kadagiti Israelita. No adda agruar iti bagi ti maysa a lalaki, maibilang a narugit ti agruar,

³agaruyot man wenno matiped.

⁴Maibilang a narugit ti aniaman a pagtugawan wenno pagiddaanna.

⁵Siasinoman a mangsagid iti nagiddaan

⁶wenno agtugaw iti nagtugawan ti lalaki, masapul a labaanna ti pagan-anayna ken agdigos. Agtalinaed a narugit agingga iti sardam.

⁷Siasinoman a mangsagid iti lalaki, masapul a labaanna ti pagan-anayna ken agdigos. Agtalinaed a narugit agingga iti sumipnget.

⁸No matupraan dayta a lalaki ti siasinoman a maibilang a nadalus, masapul a labaan dayta a tao ti pagan-anayna ket agdigos. Agtalinaed a narugit agingga iti sumipnget.

⁹Narugit ti aniaman a pasanga wenno tugaw a pagtugawan ti lalaki.

¹⁰Narugit agingga iti rabii ti siasinoman a makasagid iti nagtugawanna. Siasinoman a mangbagkat iti aniaman a nagtugawan dayta a lalaki, masapul a labaanna ti pagan-anayna ket agdigos. Agtalinaed a narugit agingga iti sumipnget.

¹¹No ti tao nga adda agruar iti mabagbagina ket sagidenna ti maysa a tao a dina buggoan nga umuna dagiti imana, masapul a labaan ti tao a nasagid ti pagan-anayna ket agdigos. Agtalinaed a narugit agingga iti sumipnget.

¹²Masapul a maburak ti banga a sagiden dayta a tao. Masapul met nga ugasan ti malukong a kayo a sagidenna.

¹³No umimbag ti lalaki nga adda agruar iti bagina, masapul a palabsenna ti pito nga aldaw sananto labaan ti pagan-anayna ken agdigos iti agay-ayus nga ubbog, ket nadaluston iti imatang ti linteg.

¹⁴Iti maikawalo nga aldaw, mangala iti dua a kalapati wenno dua a pagaw ket ipanna iti ruangan ti Tolda ti Dios sana ited iti padi.

¹⁵Idatag ti padi ti maysa a tumatayab a daton gapu iti basol ket ti maysa a daton a mapuoran. Kastoy ti panangannongna iti seremonia ti pannakadalus ti kasta a tao.

¹⁶No agparuar iti kissit ti lalaki, masapul nga agdigos, ket agtalinaed a narugit agingga iti sumipnget.

¹⁷Masapul a malabaan ti lupot wenno lalat a pagdissoan ti kissit. Agtalinaed a narugit dagitoy agingga iti sardam.

¹⁸No agkanaig ti lalaki ken ti babai, masapul nga agdigosda kalpasanna ket agtalinaedda a narugit agingga iti sumipnget.

¹⁹No agregla ti babai, pito nga aldaw a maibilang a narugit. Maibilang met a narugit agingga iti sumipnget ti siasinoman a mangsagid kenkuana.

²⁰Narugit ti amin a pagiddaan wenno pagtugawanna bayat ti panagreglana.

²¹Ti siasinoman a makasagid iti pagiddaan wenno aniaman a nagtugawanna masapul a labaanna ti pagan-anayna ket agdigos. Agtalinaed a narugit agingga iti sardam.

²⁴No adda lalaki a makikaidda kenkuana no madama nga agregla, maalisan iti kinarugitna. Pito nga aldaw a maibilang a narugit. Narugit met ti aniaman a pagiddaanna.

²⁵No agbulos ti dara ti babai iti tiempo a saanna a panagregla wenno agbulos ti darana iti mabaybayag ngem ti panagreglana, maibilang a narugit kas iti pannakaibilangna a narugit bayat ti panagreglana.

²⁶Narugit ti aniaman a pagiddaanna wenno pagtugawanna bayat daytoy a tiempo.

²⁷Maibilang met a narugit ti tao a makasagid iti nagiddaan wenno nagtugawan ti babai. Masapul a labaanna ti pagan-anayna ken agdigos. Agtalinaed a narugit agingga iti sumipnget.

²⁸No agsardengen ti panagbulos ti darana, palabsenna ti pito nga aldaw ket maibilangton a nadalus.

²⁹Iti maikawalo nga aldaw, mangipan iti dua a kalapati wenno dua a pagaw iti padi iti ruangan ti Tolda ti Dios.

³⁰Idatag ti padi ti maysa a tumatayab a kas daton gapu iti basol ken ti maysa a kas daton a mapuoran. Kastoy ti panangannongna iti seremonia ti pannakadalus ti babai.

³¹Imbaga ni Yahweh ken ni Moises a ballaaganna dagiti Israelita maipapan iti kinarugitda iti imatang ti Linteg tapno saan a matulawan ti Tolda ti Dios nga adda iti tengnga ti kampo. Mapapatayda no aramidenda dagiti maibilang a narugit.

³²Dagitoy dagiti alagaden iti lalaki nga adda agruar iti bagina wenno agparuar iti kissit;

³³iti babai bayat ti panagreglana wenno iti lalaki a mangkaidda iti babai a maibilang a narugit.