Read Iloko Zechariah 2 Bible Online

Zechariah 2 - Iloko bible

Zechariah 2

¹Iti sabali a parmata, nakitak ti maysa a lalaki a siiiggem iti lubid a pagrukod.

²“Papanam?” sinaludsodko. Insungbatna nga inna rukoden ti Jerusalem tapno maammoanna ti kalawana.

³Nakitak nga immaddang ti sabali nga anghel ti nangsabat kenkuana.

⁴Kinuna ti umuna nga anghel iti sabali nga anghel, “Agtarayka a mapan iti dayta nga agtutubo a siiiggem iti pagrukod. Ibagam kenkuana nga adunto unay ti tao ken baka iti Jerusalem ket saanton a mabakudan ti siudad.

⁵Inkari ti Apo nga isunto ti agbalin nga apuy a bakud a mangsalaknib iti siudad ken agnaed sadiay iti amin a dayagna.”

⁶Kinuna ti Apo kadagiti tattaona, “Inwarawarakayo iti amin a suli ti lubong. Ngem ita, dakayo a napagtalaw a kas balud, aglibaskayo iti Babilonia ket agsublikayo iti Jerusalem.

⁸Siasinoman a mangkabil kadakayo, kabilenna ti kapatgan kaniak.” Ngarud, inted kaniak ti Apo a Mannakabalin-amin daytoy a mensahe sanak imbaon kadagiti nasion a nangsamsam kadagiti sanikua dagiti tattaona ket imbagak:

⁹“Ti Apo a mismo ti manggubat kadakayo, ket samsamandakayto dagiti tattao a nagserbi idi nga adipenyo.” Inton mapasamak daytoy, maammoanto ti amin nga imbaonnak ti Apo a Mannakabalin-amin.

¹⁰Kinuna ti Apo, “Ikantayo ti ragsakyo, dakayo a tattao ti Jerusalem. Umayak makipagnaed kadakayo.”

¹¹Iti dayta a tiempo, adunto a nasion ti kumamang iti Apo ket agbalindanto a tattaona. Makipagnaedto kadakayo, ket maammoanyonto nga imbaonnak kadakayo.

¹²Agbalinto manen ti Juda a naisangsangayan a kukua ti Apo iti nasagradoan a daga. Agbalinto met ti Jerusalem a siudad nga ipangpangrunana unay.

¹³Agulimekkay amin iti imatang ti Apo, ta umay kadatayo manipud iti nasantoan a pagnaedanna.