Read Iloko Joshua 12 Bible Online

Joshua 12 - Iloko bible

Joshua 12

¹Pinarmek ken sinakup dagiti Israelita ti daga iti daya ti Jordan, manipud iti Tanap ti Arnon agingga iti Tanap ti Jordan agingga iti Bantay Hermon iti amianan. Pinarmekda ti dua nga ari.

²Maysa kadakuada ni Sihon nga ari dagiti Amorreo a nagturay idiay Hesbon. Sakupen ti pagarianna manipud Aroer nga adda iti arubayan ti Tanap ti Arnon, ket manipud iti tengnga ti tanap agingga iti karayan Jabbok a beddeng ti Ammon (amin dagitoy buklen ti kagudua ti Galaad);

³ken ti daga iti daya ti Tanap ti Jordan, manipud Dan-aw ti Galilea nga agpa-Betjesimot iti daya ti Natay a Baybay, agingga iti abagatan iti puon ti Bantay Pisga.

⁴Pinarmekda met ti ari ti Basan, ni Og a maysa kadagiti natda a kaputotan dagiti Refaim. Nagturay idiay Astarot ken idiay Edrei.

⁵Sakupen ti pagarianna ti Bantay Hermon, Saleca, ken amin a Basan agingga iti beddeng ti Gesur ken Maaca, ken ti kagudua ti Galaad agingga iti masakupan ti daga ni Sihon nga ari ti Hesbon.

⁶Pinarmek da Moises ken dagiti Israelita dagitoy nga ari. Inted ni Moises nga adipen ni Yahweh ti dagada kadagiti tribu ti Ruben ken Gad ken iti kagudua ti tribu ti Manases tapno tagikuaenda.

⁷Pinarmek ni Josue ken dagiti Israelita ti amin nga ari iti daga nga adda iti laud ti Jordan, manipud Baal-gad iti tanap ti Libano agingga iti Bantay Halac iti abagatan iti asideg ti Edom. Biningbingayna daytoy a daga ket intedna iti tunggal tribu a kukuada iti agnanayon.

⁸Mairaman ditoy ti katurturodan a disso, ti nababa a lugar, ti tanap ti Jordan, dagiti puon ti bantay, ti let-ang ken ti natikag a disso iti deppaar iti abagatan. Dagdaga dagitoy idi dagiti Heteo, Amorreo, Cananeo, Perezeo, Heveo ken Jebuseo.

⁹Pinarmek dagiti Israelita dagiti ari dagiti sumaganad a siudad: Jerico, Ai (asideg iti Betel),

¹⁰Jerusalem, Hebron,

¹¹Jarmut, Lakis,

¹²Eglon, Gezer,

¹³Debir, Geder,

¹⁴Horma, Arad,

¹⁵Libna, Adullam,

¹⁶Makeda, Betel,

¹⁷Tappua, Hefer,

¹⁸Afec, Lasaron,

¹⁹Madon, Hasor,

²⁰Simron-meron, Acsaf,

²¹Taanac, Megiddo,

²²Kedes, Jocneam (idiay Carmel),

²³Dor (iti igid ti baybay), Goiim (idiay Gilgal),

²⁴ken Tirza. Agdagupda iti 31 nga ari.