Read Iloko Joshua 19 Bible Online

Joshua 19 - Iloko bible

Joshua 19

¹Naituding nga agpaay kadagiti familia iti tribu ni Simeon ti maikadua a disso. Adda daytoy iti tengnga ti daga a naited iti tribu ti Juda.

²Isuda dagitoy: Beerseba, Seba, Molada,

³Hazarsual, Bala, Ezem,

⁴Heltolad, Betul, Horma,

⁵Siklag, Bet Marcabot, Hazarsusa,

⁶Bet Lebaot ken Saruhen—13 a siudad agraman dagiti ilida.

⁷Adda met ti Ain, Rimmon, Eter ken Asan—uppat a siudad agraman dagiti ilida.

⁸Mairaman dagiti amin nga ili iti lawlaw dagitoy a siudad agingga idiay Baalat Beer (wenno Rama) iti abagatan. Daytoy ti daga a naited a tagikuaen dagiti familia iti tribu ti Simeon.

⁹Paset ti sakup ti tribu ti Juda ti naited iti tribu ti Simeon. Gapu ta nalawa unay ti naipatawid iti tribu ti Juda, naited iti tribu ti Simeon ti maysa a paset ti dagana.

¹⁰Naituding nga agpaay kadagiti familia iti tribu ti Zabulon ti maikatlo a disso. Dumanon ti beddengda idiay Sarid sa sumang-at nga agpa-laud agingga idiay Marala. Dumanon idiay Dabe-set agingga iti waig iti daya ti Jocneam.

¹¹

¹²Iti bangir ti Sarid, agpadaya a dumanon iti beddeng ti Kislot Tabor, sa agturong idiay Deberat agingga idiay Jafia.

¹³Manipud sadiay, aglayon nga agpadaya idiay Gat Hefer ken Ittakazin, agkurba nga agpa-Nea nga agturong idiay Rimmon.

¹⁴Iti amianan, agsikko ti beddeng nga agpa-Hanaton ket agpatingga iti tanap ti Jefteel.

¹⁵Sakupenna ti Catat, Naalal, Simron, Ideala ken Betlehem—12 a siudad agraman dagiti ilida.

¹⁶Adda dagitoy a siudad ken ili iti daga a naited a tagikuaen dagiti familia iti tribu ti Zabulon.

¹⁷Agpaay kadagiti familia iti tribu ti Issacar ti maikapat a disso.

¹⁸Sakupenda ti Jezreel, Jesulot, Sunem,

¹⁹Hafaraim, Sion, Anaarat,

²⁰Rabbit, Kislon, Ebes,

²¹Remet, Enganin, Emhadda ken Bet-passes.

²²Dumanon ti beddeng idiay Tabor, Sahasuma ken Betsemes, ket agpatingga idiay Jordan—16 a siudad agraman dagiti ilida.

²³Dagitoy dagiti siudad ken ili iti daga a naited a tagikuaen dagiti familia iti tribu ti Issacar.

²⁴Agpaay kadagiti familia iti tribu ti Aser ti maikalima a disso.

²⁵Sakupenna ti Helcat, Hali, Beten, Acsaf,

²⁶Alamelec, Amad ken Misal. Iti laud, dumanon ti beddeng idiay Carmel ken Sihorlibnat.

²⁷Iti panagpadaya ti beddeng, agturong idiay Betdagon, ket dumanon idiay Zabulon ken iti Tanap ti Jefteel iti akin-amianan a beddeng nga agturong idiay Bet-emec ken Naiel. Aglayon idiay Cabul,

²⁸Jebron, Rehob, Hammon, Cana agingga iti dakkel a Sidon.

²⁹Kalpasanna, agsikko nga agpa-Rama ket dumap-aw idiay Tiro, ti nasarikedkedan a siudad; agpa-Hosa ket agpatingga iti Taaw Mediterranean. Mairaman ti Mahalab, Aksib,

³⁰Umna, Afec ken Rehob—22 a siudad agraman dagiti ilida.

³¹Dagitoy dagiti siudad ken ili a naited a tagikuaen dagiti familia iti tribu ti Aser.

³²Agpaay kadagiti familia iti tribu ti Neftali ti maikanem a disso.

³³Mangrugi ti beddengna idiay Helef, manipud iti lugo idiay Zaananim, sa aglayon idiay Adami-neceb ken Jebneel agingga idiay Lacum ket agpatingga idiay Jordan.

³⁴Agkurba nga agpa-laud idiay Asnot Tabor, agpa-Hucuca, dumanon idiay Zabulon iti abagatan, Aser iti laud ken Juda iti daya idiay Jordan.

³⁵Dagitoy dagiti nasarikedkedan a siudad: Siddim, Ser, Hamat, Raccat, Cineret,

³⁶Adama, Rama, Asor,

³⁷Kedes, Edrei, Enhasor,

³⁸Jiron, Migdalel, Horem, Bet-anat ken Betsemes—19 a siudad agraman dagiti ilida.

³⁹Dagitoy dagiti siudad ken ili a naited a tagikuaen dagiti familia iti tribu ti Neftali.

⁴⁰Agpaay kadagiti familia iti tribu ti Dan ti maikapito a disso.

⁴¹Masakupan ti daga ti Zora, Estaol, Ir-semes,

⁴²Saalabin, Aijalon, Itla,

⁴³Elon, Timnat, Ekron,

⁴⁴Elteke, Gibbeton, Baalat,

⁴⁵Jehud, Bene-berac, Gatrimmon,

⁴⁶Mejarcon ken Racon agraman dagiti daga iti lawlaw ti Joppe.

⁴⁷Ngem idi saan a makaanay kadakuada ti daga, rinaut dagiti tattao ti Dan ti Lesem. Naparmekda ti Lesem ket pinatayda dagiti tattaona. Tinagikuada ket nagnaedda sadiay. Binaliwanda ti Lesem a nagan ti siudad ket sinuktanda iti Dan, ti nagan ti kapuonanda.

⁴⁸Dagitoy dagiti siudad ken ili a naited a tagikuaen dagiti familia iti tribu ti Dan.

⁴⁹Idi nalpasen dagiti Israelita ti panangbingbingayda iti daga, inikkanda ni Josue nga anak ni Nun iti dagana manipud iti sakupda.

⁵⁰Kas imbilin ni Yahweh, intedda ti siudad a kiniddawna, ti Timnat Sera iti katurturodan ti Efraim. Binangon manen ni Josue ti siudad ket nagnaed sadiay.

⁵¹Ni Eleazar a padi, ni Josue nga anak ni Nun ken dagiti pangulo ti nadumaduma a familia kadagiti tribu ti Israel ti nangbingbingay iti daga babaen iti binnunot idiay Silo tapno makiumanda ken ni Yahweh. Naaramid daytoy iti ruangan ti Tolda a Paguummongan. Ket nalpas ti pannakabingbingay ti daga.