Read Imbabura Highland Quichua 1 CRÓNICAS 2 Bible Online

1 CRÓNICAS 2 - Imbabura Highland Quichua bible

1 CRÓNICAS 2

¹Israelpaj churicunaca, caicunami carca: Rubén, Simeón, Leví, Judá, Isacar, Zabulón,

²Dan, José, Benjamín, Neftalí, Gad, Aser shuticunami carca.

³Judá runapaj churicunaca: Er, Onán, Sela shuticunami carca. Chai quimsa churicunataca, cananeo puramanda Súa shuti runapaj ushihuanmi charirca. Judá runapaj punda churi Er shuti runataca, Mandaj Diospaj ñaupajpi nali runa cajpimi, causaita quichurca.

⁴Judá runaca, paipaj jachun Tamar huarmihuanmi: Fares shuti, Zera shuti churicunata charirca. Tucuimandaca, picha churicunatami Judá runaca charirca.

⁵Fares shuti runapaj churicunaca: Hezrón, Hamul shuticunami carca.

⁶Zera shuti runapaj churicunaca: Zimri, Etán, Hemán, Calcol, Dara shuticunami carca. Tucuimandaca, picha churicunatami charirca.

⁷Carmi shuti runapaj churica, Acán shutimi carca. Paica, Dios tucuchingapaj shicanyachishcata yachashpata na cazushpa pacalla apashpami, israelcunataca ninan llaquipi churashca carca.

⁸Azariasca, Etán shuti runapaj churimi carca.

⁹Hezrón shuti runaca: Jerameel, Ram, Quelubai shuti churicunatami charirca.

¹⁰Ram shuti runaca, Aminadab shuti churitami charirca. Aminadab runaca, Naasón shuti churitami charirca. Paimi Judá aillutaca mandajurca.

¹¹Naasón shuti runaca, Salmón shuti churitami charirca. Salmón runaca, Booz shuti churitami charirca.

¹²Booz shuti runaca, Obed shuti churitami charirca. Obed runaca, Isaí shuti churitami charirca.

¹³Isaí runapaj punda churica, Eliab shutimi carca. Cati churica, Abinadab shutimi carca. Chai ishcaipaj cati churica, Simea shutimi carca.

¹⁴Quimsapaj catica, Natanael shutimi carca. Chuscupaj catica, Radai shutimi carca.

¹⁵Pichapaj catica, Ozem shutimi carca. Suctapaj catica, David shutimi carca.

¹⁶Paicunaca: Sarvia shuti, Abigail shuti ishcai panicunatami charirca. Sarvia huarmica: Abisai, Joab, Asael shuti quimsa churicunatami charirca.

¹⁷Abigail huarmica, Amasa shuti churitami ungurca. Paipaj taitaca, ismaelitapura Jeter shuti runami carca.

¹⁸Hezrón shuti runapaj churi Caleb shuti runaca, Azuba shuti paipaj huarmihuanmi, Jeriot shuti churita charirca. Chai huarmihuanllatami: Jeser, Sobab, Ardón shuti churicunatapash charirca.

¹⁹Azuba shuti paipaj huarmi huañujpica, Efrata shuti huarmitami Caleb runaca cazararca. Chai huarmimi, Hur shuti churita ungurca.

²⁰Hur shuti runaca, Uri shuti churitami charirca. Uri shuti runaca, Bezaleel shuti churitami charirca.

²¹Hezrón shuti runaca, sucta chunga huatata charishpami, Galaad llactapi causajcunapaj ñaupa taita Maquir runapaj ushita cazararca. Chai huarmimi, Segub shuti churita ungurca.

²²Segub shuti runaca, Jair shuti churitami charirca. Paimi, Galaad llactapica, ishcai chunga quimsa pueblocunata charirca.

²³Shina cajpipash Gesur shuti, Aram shuti runacunami, Jair shuti runapaj pueblocunatapash, Kenat pueblotapash, sucta chunga pueblocunata, muyundi uchilla llactacunandi japirca. Chaipi tucui causajcunami, Galaad runapaj taita Maquir runapaj miraicuna carca.

²⁴Hezrón shuti runaca, Caleb nishca Efrata pueblopimi huañurca. Chai jipami, paipaj huarmi Abiasca, Asur shuti churita ungurca. Paimi, Tecoa shuti runapaj taita carca.

²⁵Hezrón shuti runapaj punda churi Jerameel shuti runapaj churicunaca, caicunami: Punda churica, Ram shutimi carca. Caishuj churicunaca: Buna, Orén, Ozem, Ahías shuticunami carca.

²⁶Jerameel shuti runaca, Atara shuti shuj huarmitapashmi charirca. Paimi, Onam shuti runapaj mama carca.

²⁷Jerameel shuti runapaj, Ram shuti punda churica: Maaz, Jamín, Equer shuti churicunatami charirca.

²⁸Onam shuti runaca: Samai shuti, Jada shuti churicunatami charirca. Samai shuti runaca: Nadab shuti, Abisur shuti churicunatami charirca.

²⁹Abisur shuti runapaj huarmica, Abihail shutimi carca. Chai huarmimi, Ahbán shuti, Molid shuti churicunata ungurca.

³⁰Nadab shuti runaca: Seled shuti, Apaim shuti churicunatami charirca. Seled runaca, churicunata na charishpallatami huañurca.

³¹Isi shuti runaca, Apaim shuti runapaj churimi carca. Sesán runaca, Isi shuti runapaj churimi carca. Sesán shuti runapaj churica, Ahlai shutimi carca.

³²Samai shuti runapaj huauqui Jada shuti runaca: Jeter shuti, Jonatán shuti churicunatami charirca. Jeter runaca, churicunata na charishpallatami huañurca.

³³Jonatán runaca, Pelet shuti, Zaza shuti churicunatami charirca. Paicunami, Jerameel runapaj miraicuna carca.

³⁴Sesán shuti runaca, churicunata na charircachu, ushicunatallami charirca. Shina cashpapash, Egiptomanda Jarha shuti servij runatami charirca.

³⁵Sesán shuti runaca, chai runahuanmi paipaj ushita cazarachirca. Chai ushimi, Atai shuti churita ungurca.

³⁶Atai shuti runaca, Natán shuti churitami charirca. Natán runaca, Zabad shuti churitami charirca.

³⁷Zabad shuti runaca, Eflal shuti churitami charirca. Eflal runaca, Obed shuti churitami charirca.

³⁸Obed shuti runaca, Jehú shuti churitami charirca. Jehú shuti runaca, Azarías shuti churitami charirca.

³⁹Azarías runaca, Heles shuti churitami charirca. Heles shuti runaca, Elasa shuti churitami charirca.

⁴⁰Elasa shuti runaca, Sismai shuti churitami charirca. Sismai shuti runaca, Salum shuti churitami charirca.

⁴¹Salum runaca, Jecamías shuti churitami charirca. Jecamías runaca, Elisama shuti churitami charirca.

⁴²Jerameel shuti runapaj huauqui Caleb shuti runapaj churicunaca, caicunami: Punda churica, Mesa shutimi carca. Paica, Zif shuti runapaj taitami carca. Hebrón shuti runapaj taita Maresa shuti runapaj churicunaca, caicunami:

⁴³Hebrón shuti runapaj churicunaca: Coré, Tapúa, Requem, Sema shuticunami carca.

⁴⁴Sema shuti runaca, Raham shuti churitami charirca. Raham shuti runaca, Jorcoam shuti churitami charirca. Requem shuti runaca, Samai shuti churitami charirca.

⁴⁵Maón shuti runaca, Samai shuti runapaj churimi carca. Maón shuti runaca, Bet-sur shuti runapaj taitami carca.

⁴⁶Caleb shuti runapaj Efa shuti caishuj huarmica: Harán, Mosa, Gazez shuti churicunatami ungurca. Harán shuti runaca, Gazez shuti churitami charirca.

⁴⁷Jahdai shuti runapaj churicunaca: Regem, Jotam, Gesam, Pelet, Efa, Saaf shuticunami carca.

⁴⁸Caleb runapaj Maaca shuti caishuj huarmica: Seber shuti, Tirhana shuti churicunatami ungurca.

⁴⁹Shinallata Saaf shuti, Seva shuti churicunatapashmi ungurca. Saaf shuti runaca, Madmana shuti runapaj taitami carca. Seva shuti runaca: Macbena shuti, Gibea shuti runacunapaj taitami carca. Acsa shuti huarmica, Caleb runapaj ushimi carca.

⁵⁰Caleb runapaj churicunaca, caicunami carca. Efrata shuti huarmihuan charishca punda churi Hur shuti runapaj churicunaca: Sobal shutimi carca. Sobal shuti runaca, Quiriat-jearim shuti runapaj taitami carca.

⁵¹Salma shuti runaca, Belén shuti runapaj taitami carca. Haref shuti runaca, Bet-gader shuti runapaj taitami carca.

⁵²Quiriat-jearim shuti runapaj taita Sobal runapaj miraicunaca, chaupillami manahetita puracuna carca. Paicunaca, Haroe shuti runapaj miraicunami carca.

⁵³Quiriat-jearim shuti runapaj mirai familiacunaca: Itrita, futita, sumatita, misraíta nishcacunami carca. Paicuna puramandami zoratita, estaolita nishcacunapash llujshirca.

⁵⁴Salma shuti runapaj miraicunaca: Belén pueblopi causajcunapash, netofatita nishcacunapash, Atrot-bet-joab shuti pueblopi causajcunapash, caishuj chaupi manahetita, zoraíta nishcacunapashmi carca.

⁵⁵Shinallata Jabes shuti pueblopi causanajuj tirateo, simeateo, sucateo nishca escribij gentecunapashmi carca. Paicunami, Recab shuti runapaj miraipura, Hamat shuti pueblomanda shamushca ceneocuna carca.