Read Imbabura Highland Quichua 1 CRÓNICAS 3 Bible Online

1 CRÓNICAS 3 - Imbabura Highland Quichua bible

1 CRÓNICAS 3

¹Davidca, cai churicunatami Hebrón pueblopica charirca: Amnón shuti punda churitaca, Jezreel pueblomanda Ahinoam huarmihuanmi charirca. Paipaj catica, Daniel shuti churitami, Carmel shuti pueblomanda Abigail huarmihuan charirca.

²Danielpaj catica, Absalón shuti churitami, Gesur llactata jatun mandaj Talmai shuti runapaj ushi Maaca shuti huarmihuan charirca. Absalonbaj catica, Adonías shuti churitami, Haguit shuti huarmihuan charirca.

³Adonías runapaj catica, Sefatías shuti churitami, Abital shuti huarmihuan charirca. Sefatías runapaj catica, Itream shuti churitami, Egla shuti huarmihuan charirca.

⁴Davidca, chai sucta churicunatami Hebrón pueblopi causajushpa charirca. Chai pueblopica, canchis huata, sucta quillatami mandajurca. Chai jipaca, Jerusalenbimi quimsa chunga quimsa huatata mandajurca.

⁵Amiel shuti runapaj ushi Bet-súa shuti huarmihuan charishca cai chuscu churicunaca, caicunami: Simea, Sobab, Natán, Salomón shuticunami carca.

⁶Shinallata iscun churicunatapashmi charirca. Paicunaca: Ibhar, Elisama, Elifelet,

⁷Noga, Nefeg, Jafía,

⁸Elisama, Eliada, Elifelet shuticunami carca.

⁹Tucui paicunami, Davidpaj churicuna carca. Paicunapaj panica, Tamar shutimi carca. Paipaj caishuj huarmicunahuan charishca churicunataca, na cuentashcachu carca.

¹⁰Salomonbaj churica, Roboam shutimi carca. Roboam shuti runapaj churica, Abías shutimi carca. Abías runapaj churica, Asa shutimi carca. Asa shuti runapaj churica, Josafat shutimi carca.

¹¹Josafat runapaj churica, Joram shutimi carca. Joram shuti runapaj churica, Ocozías shutimi carca. Ocozías runapaj churica, Joás shutimi carca.

¹²Joás shuti runapaj churica, Amasías shutimi carca. Amasías runapaj churica, Azarías shutimi carca. Azarías runapaj churica, Jotam shutimi carca.

¹³Jotam shuti runapaj churica, Acaz shutimi carca. Acaz shuti runapaj churica, Ezequías shutimi carca. Ezequías runapaj churica, Manasés shutimi carca.

¹⁴Manasés runapaj churica, Amón shutimi carca. Amón shuti runapaj churica, Josías shutimi carca.

¹⁵Josías shuti runapaj churicunaca, caicunami: Punda churica, Johanán shutimi carca. Cati churica, Joacim shutimi carca. Chai ishcaipaj catica, Sedequías shutimi carca. Quimsapaj catica, Salum shutimi carca.

¹⁶Joacim shuti runaca, Jeconías shuti churitami charirca. Jeconías runapaj churica, Sedequías shutimi carca.

¹⁷Jeconías shuti runapaj churicunaca: Asir, Salatiel,

¹⁸Malquiram, Pedaías, Senazar, Jecamías, Hosama, Nedabías shuticunami carca.

¹⁹Pedaías shuti runaca: Zorobabel shuti, Simei shuti churicunatami charirca. Zorobabel shuti runaca: Mesulam shuti, Hananías shuti churicunatami charirca. Paicunapaj panica, Selomit shutimi carca.

²⁰Hasuba, Ohel, Berequías, Hasadías, Jusab-hesed shuti churicunatapashmi charirca. Tucuimandaca, picha churicunami carca.

²¹Hananías shuti runaca: Pelatías shuti, Jesaías shuti churicunatami charirca. Jesaías runapaj churica, Refaías shutimi carca. Refaías runapaj churica, Arnán shutimi carca. Arnán runapaj churica, Abdías shutimi carca. Abdías runapaj churica, Secanías shutimi carca.

²²Secanías shuti runapaj churica, Semaías shutimi carca. Semaías runapaj sucta churicunaca: Hatús, Igal, Barías, Nearías, Safat shuticunami carca.

²³Nearías shuti runapaj cai quimsa churicunaca: Elioenai, Ezequías, Azricam shuticunami carca.

²⁴Elioenai shuti runapaj cai canchis churicunaca: Hodavías, Eliasib, Pelaías, Acub, Johanán, Dalaías, Anani shuticunami carca.