Read Imbabura Highland Quichua 1 CRÓNICAS 4 Bible Online

1 CRÓNICAS 4 - Imbabura Highland Quichua bible

1 CRÓNICAS 4

¹Judá runapaj churicunaca: Fares, Hezrón, Carmi, Hur, Sobal shuticunami carca.

²Sobal shuti runapaj churi Reaía shuti runaca, Jahat shuti churitami charirca. Jahat runaca: Ahumai shuti, Lahad shuti churicunatami charirca. Paicunami, zoratita nishcacunapaj familiacuna carca.

³Etam shuti runapaj taitapaj ushicunaca: Jezreel shuti, Isma shuti, Ibdas shutimi carca. Paicunapaj ñañaca, Haze-lelponi shutimi carca.

⁴Penuel shuti runaca, Gedor shuti runapaj taitami carca. Ezer shuti runaca, Husa shuti runapaj taitami carca. Paicunami, Efrata shuti huarmipaj punda churi Hur shuti runapaj churicuna carca. Hur shuti runaca, Belén shuti runapaj taitami carca.

⁵Tecoa shuti runapaj taita Asur shuti runaca, ishcai huarmicunatami charirca. Paicunaca Hela shuti, Naara shutimi carca.

⁶Naara shuti huarmica: Ahuzam, Hefer, Temeni, Ahastari shuti churicunatami ungurca. Paicunami, Naara shuti huarmipaj churicuna carca.

⁷Hela shuti huarmipaj churicunaca: Zeret, Jezoar, Etnán shuticunami carca.

⁸Cos shuti runaca: Anub shuti, Zobeba shuti churicunatami charirca. Harum shuti runapaj churi Aharhel runapaj familiacunapash, paipaj miraillatami carca.

⁹Jabes shuti runami, paipaj huauquicunata yali alicachi tucushca carca. Chaimandami, paipaj mamaca: “Jatun nanaihuanmi ungurcani” nishpa, Jabes shutita shutichirca.

¹⁰Jabes shuti runaca, israelcunapaj Taita Diostami, cashna nishpa mañarca: “¡Ñucata bendiciashpa, ñuca llactatapash mirachipairi! ¡Ima llaquita apachumbash ama saquishpa, ima llaquimandapash alichishpa, aliguta pushahuangui!” nishpa mañajpimi, Taita Diosca pai mañashcata cararca.

¹¹Súa shuti runapaj huauqui Quelub shuti runaca, Mehir shuti churitami charirca. Mehir shuti runaca, Estón shuti runapaj taitami carca.

¹²Estón shuti runaca: Bet-rafa, Paseah, Tehina shuti churicunatami charirca. Shinallata Nahas shuti pueblopi causajcunapaj taita Tehina shuti runapash, paipaj churillatami carca. Chai runacunami, Reca shuti pueblopi causanajurca.

¹³Cenaz shuti runapaj churicunaca: Otoniel shuti, Seraías shutimi carca. Otoniel runapaj churicunaca: Hatat shuti,

¹⁴Meonotai shutimi carca. Meonotai shuti runaca, Ofra shuti churitami charirca. Seraías shuti runaca, Joab shuti churitami charirca. Paimi, Carisim shuti pugru pambapi causajcunapaj punda taita carca. Chaipi causajcunaca, imatalla ruranata ali yachajcunami carca.

¹⁵Jefone shuti runapaj churi Caleb runapaj churicunaca: Iru, Ela, Naam shuticunami carca. Ela shuti runapaj churica, Cenaz shutimi carca.

¹⁶Jehalelel shuti runapaj churicunaca: Zif, Zifa, Tirías, Asareel shuticunami carca.

¹⁷Esdras shuti runapaj churicunaca: Jeter, Mered, Efer, Jalón shuticunami carca. Shinallata María shuti ushitapash, Samai shuti, Isba shuti churicunatapashmi charirca. Isba shuti runaca, Estemoa shuti runapaj taitami carca.

¹⁸Esdras shuti runapaj Jehudaía shuti huarmica: Jered, Heber, Jecutiel shuti churicunatami ungurca. Jered shuti runaca, Gedor shuti runapaj taitami carca. Heber runaca, Soco shuti runapaj taitami carca. Jecutiel shuti runaca, Zanoa shuti runapaj taitami carca. Paicunaca, Faraonbaj ushi Bitia shuti cuitsahuan, Mered runahuan cazarashpa charishca churicunami carca.

¹⁹Naham shuti runapaj pani Hodías huarmipaj churicunaca shujca, Garma shuti pueblopi causaj Keila shuti runapaj taitami carca. Caishuj churica, Maaca pueblopi causaj Estemoa runapaj taitami carca.

²⁰Simón shuti runapaj churicunaca: Amnón, Rina, Ben-hanán, Tilón, shuticunami carca. Isi shuti runapaj churicunaca: Zohet shuti, Benzohet shutimi carca.

²¹Judá runapaj churi Sela shuti runapaj churicunaca: Er shuti, Laada shutimi carca. Er shuti runaca, Leca shuti runapaj taitami carca. Laada shuti runaca, Maresa shuti runapaj taitami carca. Paicunapaj mirai familiacunaca, Bet-asbea shuti pueblopimi linota ahuashpa causanajurca.

²²Joacim shuti runaca, Cozeba pueblopi causaj runacunahuambash, Joás shuti, Saraf shuti runacunahuambash rishpami, Moab llactata mishashpa Lehem shuti puebloman tigranajurca. Chaitaca, punda escribishca librocunapimi villajun.

²³Chai runacunaca, alpa mangacunata rurashpami, chagra chaupicunapi, muyundi pircashca chaupicunapi jatun mandajta servishpa causanajun carca.

²⁴Simeón shuti runapaj churicunaca: Nemuel, Jamín, Jarib, Zera, Saúl shuticunami carca.

²⁵Saúl runapaj churica, Salum shutimi carca. Salum shuti runapaj churica, Mibsam shutimi carca. Mibsam shuti runapaj churica, Misma shutimi carca.

²⁶Misma shuti runapaj churica, Hamuel shutimi carca. Hamuel shuti runapaj churica, Zacur shutimi carca. Zacur shuti runapaj churica, Simei shutimi carca.

²⁷Simei shuti runaca, chunga sucta churicunata, sucta ushicunatami charirca. Ashtahuangarin paipaj huauquicunaca, na ashtaca huahuacunata charircachu. Chaimandami paipaj miraicunaca, Judapaj miraicunashnaca na miranajurca.

²⁸Simeonbaj miraicunaca: Beerseba, Molada, Hazar-sual,

²⁹Bilha, Ezem, Tolad,

³⁰Betuel, Horma, Siclag,

³¹Bet-marcabot, Hazar-susim, Bet-birai, Saaraim shuti pueblocunapimi causanajurca. David mandai callaringacamanmi, chai pueblocunapi causanajurca.

³²Shinallata chai pueblo muyundicunapi tiaj Etam, Aín, Rimón, Toquén, Asán shuti picha uchilla pueblocunapipashmi causanajurca.

³³Chai tucuilla pueblocunaca, muyundi uchilla llactacunandimi, Baal shuti pueblocaman paicunapaj carca. Chai pueblocunapimi, paicunaca causanajurca. Chaicunami, paicunapaj miraicuna carca.

³⁴Mesobab, Jamlec, Amasías shuti runapaj churi Josías,

³⁵Joel, Josibías runapaj churi Jehú shuti runapash, Jehú shuti runapaj churi Seraías runapash, Seraías runapaj churi Asiel runapashmi carca.

³⁶Shinallata Elioenai, Jaacoba, Jesohaía, Asaías, Adiel, Jesimiel, Benaía,

³⁷Ziza shuti runacunapashmi carca. Ziza shuti runaca, Sifi shuti runapaj churimi carca. Sifi shuti runaca, Alón shuti runapaj churimi carca. Alón shuti runaca, Jedaías runapaj churimi carca. Jedaías runaca, Simri shuti runapaj churimi carca. Simri shuti runaca, Semaías runapaj churimi carca.

³⁸Caipi tianajuj shuticunami, paicunapaj familia puracunata mandajcuna carca. Paicunapaj taitacunapaj familiacunaca, ashtacatapachami mirashca carca.

³⁹Chaimandami, paicunapaj animalcunata michina pambata mascashpa, Gedor shuti pueblo ladocaman chayanajurca. Chai Gedor shuti puebloca, pugru pambamandaca indi llujshimuj ladomanmi.

⁴⁰Chaipimi, racu juyailla jihuacuna tiaj ashtaca pambacunata tarirca. Chai llactaca, aliguta casilla causana juyailla llactagumi carca. Chaipica, Cam shuti runapaj miraicunami pundaca causanajushca carca.

⁴¹Cai tucui shuticunata caipi escribishcacunami, Judá llactata jatun mandaj Ezequías mandajui punllacunapica, chai llactaman shamurca. Paicuna shamushpami, Cam shuti runapaj miraicunacuna causanajuj carpa huasicunatapash, chugllacunatapash ricurishcata tucuillata tucuchirca. Cunangamanmi, chashna tucuchishca tiajun. Animalcunata michina jihuacuna tiashcamandami, chai runacunapaj randi chaipi causanajun.

⁴²Shinallata Simeonbaj miraicunallatami, picha patsaj runacuna Seir shuti urcuman rinajurca. Macanajuimanga Pelatías, Nearías, Refaías, Uziel shuti runacunatami pusharca. Paicunaca, Isi shuti runapaj churicunami carca.

⁴³Paicunami, causaj quedashca amalecitacunatapash tucuchishpa, cunangaman chaipi causanajun.