Read Imbabura Highland Quichua 1 CRÓNICAS 6 Bible Online

1 CRÓNICAS 6 - Imbabura Highland Quichua bible

1 CRÓNICAS 6

¹Leví shuti runapaj churicunaca: Gersón, Coat, Merari shuticunami carca.

²Coat shuti runapaj churicunaca: Amram, Izhar, Hebrón, Uziel shuticunami carca.

³Amram shuti runapaj churicunaca: Aarón shuti, Moisés shutimi carca. Shinallata María shuti ushipashmi carca. Aaronbaj churicunaca: Nadab, Abiú, Eleazar, Itamar shuticunami carca.

⁴Eleazar runaca, Finees shuti churitami charirca. Finees shuti runaca, Abisúa shuti churitami charirca.

⁵Abisúa shuti runaca, Buqui shuti churitami charirca. Buqui shuti runaca, Uzi shuti churitami charirca.

⁶Uzi shuti runaca, Zeraías shuti churitami charirca. Zeraías runaca, Meraiot shuti churitami charirca.

⁷Meraiot shuti runaca, Amarías shuti churitami charirca. Amarías shuti runaca, Ahitob shuti churitami charirca.

⁸Ahitob shuti runaca, Sadoc shuti churitami charirca. Sadoc shuti runaca, Ahimaas shuti churitami charirca.

⁹Ahimaas runaca, Azarías shuti churitami charirca. Azariasca, Johanán shuti churitami charirca.

¹⁰Johanán shuti runaca, Azarías shuti churitami charirca. Jerusalenbi Salomón shayachishca Diospaj huasipica, paimi Diosta servij cura carca.

¹¹Azariasca, Amarías shuti churitami charirca. Amarías runaca, Ahitob shuti churitami charirca.

¹²Ahitob runaca, Sadoc shuti churitami charirca. Sadoc shuti runaca, Salum shuti churitami charirca.

¹³Salum shuti runaca, Hilcías shuti churitami charirca. Hilcías runaca, Azarías shuti churitami charirca.

¹⁴Azariasca, Seraías shuti churitami charirca. Seraías shuti runaca, Josadac shuti churitami charirca.

¹⁵Josadac shuti runataca, Judá llactapi causajcunatapash, Jerusalenbi causajcunatapash, Mandaj Diosllata Nabucodonosor runahuan prezu apachun mandajpimi, paitapash prezu aparca.

¹⁶Leví runapaj churicunaca: Gersón, Coat, Merari shuticunami carca.

¹⁷Gersonbaj churicunaca: Libni shuti, Simei shutimi carca.

¹⁸Coat shuti runapaj churicunaca: Amram, Izhar, Hebrón, Uziel shuticunami carca.

¹⁹Merari shuti runapaj churicunaca: Mahli shuti, Musi shutimi carca. Paicunami, Levipaj mirai familiacuna carca.

²⁰Gersón runapaj churica, Libni shutimi carca. Libni shuti runapaj churica, Jahat shutimi carca. Jahat runapaj churica, Zima shutimi carca.

²¹Zima shuti runapaj churica, Joa shutimi carca. Joa runapaj churica, Iddo shutimi carca. Iddo shuti runapaj churica, Zera shutimi carca. Zera shuti runapaj churica, Jeatrai shutimi carca.

²²Coat shuti runapaj miraicunaca, caicunami: Coat shuti runapaj churica, Aminadab shutimi carca. Aminadab runapaj churica, Coré shutimi carca. Coré shuti runapaj churica, Asir shutimi carca.

²³Asir shuti runapaj churica, Elcana shutimi carca. Elcana runapaj churica, Ebiasaf shutimi carca. Ebiasaf runapaj churica, Asir shutimi carca.

²⁴Asir shuti runapaj churica, Tahat shutimi carca. Tahat shuti runapaj churica, Uriel shutimi carca. Uriel shuti runapaj churica, Uzías shutimi carca. Uzías shuti runapaj churica, Saúl shutimi carca.

²⁵Elcana runapaj churicunaca: Amasai shuti, Ahimot shutimi carca.

²⁶Ahimot runapaj churica, Elcana shutimi carca. Elcana runapaj churica, Zofai shutimi carca. Zofai shuti runapaj churica, Nahat shutimi carca. Nahat shuti runapaj churica, Eliab shutimi carca.

²⁷Eliab runapaj churica, Jeroham shutimi carca. Jeroham runapaj churica, Elcana shutimi carca.

²⁸Samuelpaj churicunaca: Punda churica, Vasni shutimi carca. Jipa churica, Abías shutimi carca.

²⁹Merari shuti runapaj miraicunaca caicunami: Merari shuti runapaj churica, Mahli shutimi carca. Mahli shuti runapaj churica, Libni shutimi carca. Libni shuti runapaj churica, Simei shutimi carca. Simei shuti runapaj churica, Uza shutimi carca.

³⁰Uza shuti runapaj churica, Simea shutimi carca. Simea shuti runapaj churica, Haguía shutimi carca. Haguía shuti runapaj churica, Asaías shutimi carca.

³¹Diospaj arcataca, na ashtahuan maimambash apashpami Davidca, Mandaj Diospaj huasipi candanajuchun candajcunata churarca.

³²Paicunami Mandaj Diospaj huasita Jerusalenbi, Salomón shayachishpa tucuchingacaman, Dioshuan tuparina jatun carpa ñaupajpi candashpa, Diospajta ruranajurca. Chai jipapash, paicunallatami imashna candaj cashcashnallata candashpa, Diospajta ruranajurca.

³³Paicunapaj churicunahuan candashpa chaipi ayudajcunaca, caicunami carca: Coat shuti runapaj mirai puramandaca, Hemán shuti candaj runami chaipi carca. Hemán shuti runaca, Joel shuti runapaj churimi carca. Joelca, Samuelpaj churimi carca.

³⁴Samuelca, Elcana runapaj churimi carca. Elcana runaca, Jeroham runapaj churimi carca. Jeroham runaca, Eliel shuti runapaj churimi carca. Eliel shuti runaca, Toa shuti runapaj churimi carca.

³⁵Toa shuti runaca, Zuf shuti runapaj churimi carca. Zuf shuti runaca, Elcanapaj churimi carca. Elcanaca, Mahat shuti runapaj churimi carca. Mahat shuti runaca, Amasai runapaj churimi carca.

³⁶Amasai runaca, Elcanapaj churimi carca. Elcanaca, Joel runapaj churimi carca. Joelca, Azariaspaj churimi carca. Azariasca, Sofoniaspaj churimi carca.

³⁷Sofoniasca, Tahat shuti runapaj churimi carca. Tahat shuti runaca, Asir shuti runapaj churimi carca. Asir shuti runaca, Ebiasaf runapaj churimi carca. Ebiasaf runaca, Coré shuti runapaj churimi carca.

³⁸Coré shuti runaca, Izhar shuti runapaj churimi carca. Izhar shuti runaca, Coat shuti runapaj churimi carca. Coat runaca, Leví runapaj churimi carca. Leví runaca, Israelpaj churimi carca.

³⁹Hemán runapaj ali ladoman shayajuj runaca, paipaj mirai purallata Asaf shutimi carca. Asaf runaca, Berequías runapaj churimi carca. Berequías runaca, Simea shuti runapaj churimi carca.

⁴⁰Simea shuti runaca, Micael shuti runapaj churimi carca. Micael runaca, Baasías runapaj churimi carca. Baasías runaca, Malquías runapaj churimi carca.

⁴¹Malquías runaca, Etni shuti runapaj churimi carca. Etni shuti runaca, Zera shuti runapaj churimi carca. Zera shuti runaca, Adaía shuti runapaj churimi carca.

⁴²Adaía shuti runaca, Etán shuti runapaj churimi carca. Etán shuti runaca, Zima shuti runapaj churimi carca. Zima shuti runaca, Simei shuti runapaj churimi carca.

⁴³Simei shuti runaca, Jahat shuti runapaj churimi carca. Jahat shuti runaca, Gersón runapaj churimi carca. Gersón runaca, Leví runapaj churimi carca.

⁴⁴Hemán shuti runapaj lluqui ladoman shayanajujcunaca, Merari shuti runamanda mirashca paipaj mirai puracunallatami carca: Etán runaca, Quisi shuti runapaj churimi carca. Quisi shuti runaca, Abdi shuti runapaj churimi carca. Abdi shuti runaca, Maluc shuti runapaj churimi carca.

⁴⁵Maluc shuti runaca, Hasabías runapaj churimi carca. Hasabías runaca, Amasías runapaj churimi carca. Amasías runaca, Hilcías shuti runapaj churimi carca.

⁴⁶Hilcías runaca, Amsi shuti runapaj churimi carca. Amsi shuti runaca, Bani shuti runapaj churimi carca. Bani shuti runaca, Semer shuti runapaj churimi carca.

⁴⁷Semer runaca, Mahli shuti runapaj churimi carca. Mahli shuti runaca, Musi shuti runapaj churimi carca. Musi shuti runaca, Merari shuti runapaj churimi carca. Merari shuti runaca, Leví runapaj churimi carca.

⁴⁸Levita purallata paicunapaj caishuj huauquicunataca, Taita Diospaj jatun carpa huasipimi Diospajta ruranacunapi churashca carca.

⁴⁹Ashtahuangarin Aarón runahuan, paipaj churicunahuanga, animalcunata Diosman cushpa tucuillata rupachina altarpimi, animalcunata Diosman cushpa huañuchinajun carca. Shinallata mishquillagu ashnajuj jambicunata rupachina altarpimi, inciensotapash cushnichinajun carca. Diospajlla shicanyachishca ucupipashmi, Diospajta ruranajun carca. Taita Diosta servij Moisés tucuita mandashcashnallatami, israelcunapaj juchacunamanda Diosman cunajun carca.

⁵⁰Aarón runapaj miraicunaca caicunami: Aaronbaj churica, Eleazar shutimi carca. Eleazar runapaj churica, Finees shutimi carca. Finees shuti runapaj churica, Abisúa shutimi carca.

⁵¹Abisúa shuti runapaj churica, Buqui shutimi carca. Buqui shuti runapaj churica, Uzi shutimi carca. Uzi shuti runapaj churica, Zeraías shutimi carca.

⁵²Zeraías runapaj churica, Meraiot shutimi carca. Meraiot shuti runapaj churica, Amarías shutimi carca. Amarías shuti runapaj churica, Ahitob shutimi carca.

⁵³Ahitob runapaj churica, Sadoc shutimi carca. Sadoc shuti runapaj churica, Ahimaas shutimi carca.

⁵⁴Caipica, Aaronbaj miraicunaman maijanlla alpacunata cushcatapash, paicunaman cushca alpacuna maicamanlla cajtapashmi villajun. Coat shuti runapaj mirai familiacunaca, suerteta rurashpami alpata japinajurca.

⁵⁵Paicunamanmi, Judá llactapi tiaj Hebrón shuti pueblotaca, chai pueblo muyundipi michina pambacunandi cunajurca.

⁵⁶Ashtahuangarin Hebrón shuti pueblo ladolla tarpuna alpacunataca, Jefone shuti runapaj churi Caleb shuti runamanmi, chai muyundi uchilla llactacunandi cunajurca.

⁵⁷Judá llactapica, pacajuna Hebrón shuti pueblotami, Aaronbaj miraicunaman cunajurca. Shinallata Libna, Jatir, Estemoa shuti pueblocunatapash, michina pambacunandimi cunajurca.

⁵⁸Hilén shuti, Debir shuti pueblocunatapashmi, michina pambacunandi cunajurca.

⁵⁹Asán shuti, Bet-semes shuti pueblocunatapashmi, michina pambacunandi cunajurca.

⁶⁰Benjamín aillupaj llactapica, Geba, Alemet, Anatot shuti pueblocunatami, michina pambacunandi cunajurca. Coat shuti runapaj miraicunaca, mashna familiacuna tiashcashnallatami, tucuimandaca chunga quimsa pueblocunata chaupirinajurca.

⁶¹Coat shuti runapaj mirai puramanda quedashca caishuj familiacunamambash, suerteta rurashpami, Manasespaj chaupi aillupaj llactapi tiaj chunga pueblocunata cunajurca.

⁶²Gersonbaj miraicunamambash mashna familiacuna cashcashnallatami, chunga quimsa pueblocunata cunajurca. Chai pueblocunaca Isacar, Aser, Neftalí shuti aillucunapaj llactacunapipash, Manasespaj chaupi aillupaj Basán shuti llactapipashmi carca.

⁶³Merari shuti runapaj miraicunamambash, mashna familiacuna cashcashnallatami, chunga ishcai pueblocunata cunajurca. Chai pueblocunaca: Rubén, Gad, Zabulón shuti aillucunapaj llactacunapimi carca.

⁶⁴Israelcunami chai pueblocunataca, michina pambacunandi levitacunaman cunajurca.

⁶⁵Judá, Simeón, Benjamín shuti aillucunapaj llactacunapica, ña villashca chai pueblocunatami suerteta rurashpa cunajurca.

⁶⁶Coat shuti runapaj mirai familiacunamambash, Efraín aillupaj llactapi tiaj pueblocunatami, michina pambacunandi cunajurca.

⁶⁷Pacajuna Siquem shuti pueblotapash, michina pambacunandimi, Efraín shuti urcupi cunajurca. Gezer shuti pueblotapashmi, michina pambacunandi cunajurca.

⁶⁸Jocmeam shuti, Bet-horón shuti pueblocunatapashmi, michina pambacunandi cunajurca.

⁶⁹Ajalón shuti, Gat-rimón shuti pueblocunatapashmi, michina pambacunandi cunajurca.

⁷⁰Coat shuti runapaj mirai puracunamanda quedashca familiacuna, maipi causana pueblota nara japijcunamambash, Aner shuti, Bileam shuti pueblocunatami, michina pambacunandi cunajurca. Chai pueblocunaca, Manasespaj chaupi aillupaj llactapimi carca.

⁷¹Gersón runapaj mirai familiacunamambash, Manasespaj chaupi aillupaj Basán shuti llactapimi, Golán shuti, Astarot shuti pueblocunatami, michina pambacunandi cunajurca.

⁷²Shinallata Isacar aillupaj llactapi tiaj Cedes shuti, Daberat shuti pueblocunatapashmi, michina pambacunandi cunajurca.

⁷³Ramot shuti, Anem shuti pueblocunatapashmi, michina pambacunandi cunajurca.

⁷⁴Aser shuti aillupaj llactapica: Masal shuti, Abdón shuti pueblocunatami, michina pambacunandi cunajurca.

⁷⁵Hucoc shuti, Rehob shuti pueblocunatapashmi, michina pambacunandi cunajurca.

⁷⁶Neftalí aillupaj llactapica: Galilea llactapi tiaj Cedes shuti pueblotapash, Hamón shuti, Quiriataim shuti pueblocunatapashmi, michina pambacunandi cunajurca.

⁷⁷Merari shuti runapaj miraipura huaquin quedashcacunaca, paicuna causana pueblotaca nara japinajurcachu. Chaimandami paicunamanga, Zabulón aillupaj llactapi Rimón shuti, Tabor shuti pueblocunata, michina pambacunandi cunajurca.

⁷⁸Rubén aillupaj llactapica, Jordán yacu chai ladomandami Jericó pueblo chimba purapi tiaj jichushca pambapi tiaj Beser shuti, Jaza shuti pueblocunata, michina pambacunandi cunajurca. Chai pueblocunaca, Jordán yacumandaca indi llujshimuj ladomanmi.

⁷⁹Cademot shuti, Mefaat shuti pueblocunatapashmi, michina pambacunandi cunajurca.

⁸⁰Gad aillupaj llactapica, Galaad llactapi tiaj Ramot shuti, Mahanaim shuti pueblocunatami, michina pambacunandi cunajurca.

⁸¹Hesbón shuti, Jazer shuti pueblocunatapashmi, michina pambacunandi cunajurca.