Read Imbabura Highland Quichua 1 CRÓNICAS 7 Bible Online

1 CRÓNICAS 7 - Imbabura Highland Quichua bible

1 CRÓNICAS 7

¹Isacar shuti runapaj churicunaca, chuscumi carca. Paicunaca: Tola, Fúa, Jasub, Simrón shuticunami carca.

²Tola shuti runapaj churicunaca: Uzi, Refaías, Jeriel, Jahmai, Jibsam, Semuel shuticunami carca. Paicunami, paicunapaj ñaupa taitacunapaj mirai familiacunata mandajcuna carca. Tola shuti runapaj miraicunaca, paicunapaj familiacuna imashna cashcashnallatami, David mandajui punllacunapica, ishcai chunga ishcai huaranga sucta patsaj ninan shinlli soldadocunami cuentai tucushca carca.

³Uzi shuti runapaj churica, Israhías shutimi carca. Israhías shuti runapaj churicunaca: Micael, Obadías, Joel, Isías shuticunami carca. Tucui paicunaca, picha mandajcunami carca.

⁴Paicunaca ashtaca huarmicunata charishpami, ashtaca churicunata charirca. Paicunapaj ñaupa taitacunapaj familia purapica, quimsa chunga sucta huaranga soldadocunami tiarca.

⁵Paicunapaj huauquipura Isacar runapaj mirai tucui familia purapaj shuticunata escribishpa cuentajpica, pusaj chunga canchis huaranga ninan shinllipacha runacunami tiarca.

⁶Benjamín runapaj churicunaca, quimsami carca. Paicunaca: Bela, Bequer, Jediael shuticunami carca.

⁷Bela shuti runapaj churicunaca: Ezbón, Uzi, Uziel, Jerimot, Iri shuticunami carca. Chai picha runacunami, paicunapaj ñaupa taitacunapaj huasi ucu puracunata mandajcuna carca. Macanajunatapash alipacha yachajushcacunami carca. Paicunapaj miraicunata cuentajpica, 22.034 runacunami carca.

⁸Bequer shuti runapaj churicunaca: Zemira, Joás, Eliezer, Elioenai, Omri, Jerimot, Abías, Anatot, Alamet shuticunami carca. Tucui paicunami, Bequer shuti runapaj churicuna carca.

⁹Paicunapaj miraicunata, paicunapaj familiacunata, familiacunata mandajcunata cuentajpica, ishcai chunga huaranga ishcai patsaj ninan shinlli runacunami carca.

¹⁰Jediael shuti runapaj churica, Bilhán shutimi carca. Bilhán shuti runapaj churicunaca: Jeús, Benjamín, Aod, Quenaana, Zetán, Tarsis, Ahisahar shuticunami carca.

¹¹Tucui paicunami, Jediael shuti runapaj churicuna carca. Paicunami, paicunapaj familiacunata mandajcuna carca. Macanajunatapash alipacha yachajushcacunami carca. Macanajungapaj llujshijcunaca, chunga canchis huaranga ishcai patsaj soldadocunami carca.

¹²Hir shuti runapaj churicunaca: Supim shuti, Hupim shutimi carca. Husim shuti runaca, Aher shuti runapaj churimi carca.

¹³Bilha shuti huarmipaj churi Neftalí shuti runapaj churicunaca: Jahzeel, Guni, Jezer, Salum shuticunami carca.

¹⁴Manasés runaca, Asriel shuti churitami charirca. Chai churitaca, Siria llactamanda paipaj caishuj huarmimi ungurca. Chai huarmica, Maquir shuti churitapashmi ungurca. Paimi, Galaad shuti runapaj taita carca.

¹⁵Maquir shuti runaca, Hupim shuti, Supim shuti runacunapaj pani Maaca shuti huarmitami cazararca. Maquir shuti runapaj jipa churica, Zelofehad shutimi carca. Zelofehad shuti runaca, ushicunatallami charirca.

¹⁶Maquir shuti runapaj Maaca shuti huarmica, shuj jari huahuatami ungurca. Chai huahuataca, Peres shutitami shutichirca. Peres shuti runapaj huauquica, Seres shutimi carca. Seres shuti runapaj churicunaca, Ulam shuti, Requem shutimi carca.

¹⁷Ulam shuti runapaj churica, Bedán shutimi carca. Paicunami, Maquir shuti runapaj churi Galaad shuti runapaj miraicuna carca. Maquir shuti runaca, Manasespaj churimi carca.

¹⁸Maquir shuti runapaj pani Hamolequet shuti huarmica: Isod, Abiezer, Mahala shuti churicunatami ungurca.

¹⁹Semida shuti runapaj churicunaca: Ahián, Siquem, Likhi, Aniam shuticunami carca.

²⁰Efraín runapaj miraicunaca, caicunami: Efrainbaj churica, Sutela shutimi carca. Sutela shuti runapaj churica, Bered shutimi carca. Bered shuti runapaj churica, Tahat shutimi carca. Tahat shuti runapaj churica, Elada shutimi carca. Elada shuti runapaj churica, Tahat shutimi carca.

²¹Tahat shuti runapaj churica, Zabad shutimi carca. Zabad runapaj churica, Sutela shutimi carca. Sutela shuti runapaj churica, Ezer shutimi carca. Ezer shuti runapaj churica, Elad shutimi carca. Ashtahuangarin paicunataca, Gat shuti pueblopipacha huacharishpa causajcunami, animalcunata paicuna quichungapaj shamujpi huañuchishca carca.

²²Chaimandami, paicunapaj taita Efrainga, ninanda llaquirishpa purijurca. Shina cajpimi, paipaj huauquicunaca, cushichingapaj shamunajurca.

²³Chai jipaca, paipaj huarmipi pai chayajpimi, vijsayu tucushpa shuj jari huahuata ungurca. Chai huahuataca, Bería shutitami shutichirca. Paipaj huasipi llaquita apajui punllacuna ungujpimi, chashna shutichirca.

²⁴Bería shuti runapaj ushi Seera shuti huarmica, uramambash janajmambashmi Bet-horón shuti, Uzen-seera shuti pueblocunata shayachirca.

²⁵Cai Bería shuti runapaj churica, Refa shutimi carca. Refa shuti runapaj churica, Resef shutimi carca. Resef runapaj churica, Telah shutimi carca. Telah shuti runapaj churica, Tahán shutimi carca.

²⁶Tahán shuti runapaj churica, Laadán shutimi carca. Laadán shuti runapaj churica, Amiud shutimi carca. Amiud shuti runapaj churica, Elisama shutimi carca.

²⁷Elisama shuti runapaj churica, Nun shutimi carca. Nun shuti runapaj churica, Josuemi carca.

²⁸Paicuna causangapaj japinajushca llactaca, Bet-el shuti pueblomi, muyundi uchilla llactacunandi paicunapaj carca. Indi llujshimuj ladomanga, Naarán shuti pueblomi paicunapaj carca. Indi huashajuj ladomanga, Gezer shuti pueblomi, muyundi uchilla llactacunandi paicunapaj carca. Shinallata Siquem shuti pueblomandaca, Gaza shuti pueblocamanmi, muyundi uchilla llactacunandi paicunapaj carca.

²⁹Manasés aillupaj llacta ladopi tiaj Bet-seán, Taanac, Meguido, Dor shuti pueblocunapash, muyundi uchilla llactacunandimi paicunapaj carca. Chai pueblocunapimi, Israelpaj churi Josepaj miraicunaca causanajurca.

³⁰Aser shuti runapaj churicunaca: Imna, Isúa, Isúi, Bería shuticunami carca. Paicunapaj panica, Sera shutimi carca.

³¹Bería shuti runapaj churicunaca: Heber shuti, Malquiel shutimi carca. Malquiel runaca, Birzavit shuti runapaj taitami carca.

³²Heber shuti runaca: Jaflet, Somer, Hotam shuti churicunatami charirca. Paicunapaj panica, Súa shutimi carca.

³³Jaflet shuti runapaj churicunaca: Pasac, Bimhal, Asvat shuticunami carca. Paicunami, Jaflet shuti runapaj churicuna carca.

³⁴Semer shuti runapaj churicunaca: Ahí, Rohga, Jehúba, Aram shuticunami carca.

³⁵Paipaj huauqui Helem shuti runapaj churicunaca: Zofa, Imna, Seles, Amal shuticunami carca.

³⁶Zofa shuti runapaj churicunaca: Súa, Harnefer, Súal, Beri, Imra,

³⁷Beser, Hod, Sama, Silsa, Itrán, Beera shuticunami carca.

³⁸Jeter shuti runapaj churicunaca: Jefone, Pispa, Ara, shuticunami carca.

³⁹Ula shuti runapaj churicunaca: Ara, Haniel, Rezia, shuticunami carca.

⁴⁰Tucui paicunami, Aser shuti runapaj miraicuna carca. Paicunaca, ñaupa taitacunapaj familiacunata mandajcunami carca. Paicunaca, agllai tucushcacuna, ninan shinllicuna, mandajcunata mandajcunami carca. Paicunapaj tandanajushca familiacunamanda, paicuna purapi macanajungapaj llujshinallacunata cuentajpica, ishcai chunga sucta huaranga jaricunami tiarca.