Read Imbabura Highland Quichua 1 CRÓNICAS 9 Bible Online

1 CRÓNICAS 9 - Imbabura Highland Quichua bible

1 CRÓNICAS 9

¹Tucui israelcunataca, ñaupa taitacunapaj miraicunata cuentashpami, Israel llactata jatun mandajcunapaj libropi shuticunata escribinajurca. Judá llactapi causajcunaca, Diosta na cazushcamandami, Babilonia llactaman prezu apai tucunajurca.

²Punda tigramushpa, paicunapaj alpacunapi, pueblocunapi causaj shamuj israelcunaca, curacuna, levitacuna, Diospaj huasipi servishpa causajcunami carca.

³Jerusalenbica, Judapaj, Benjaminbaj, Efrainbaj, Manasespaj miraicunami causanajurca:

⁴Judá runapaj mirai puramandaca, Utai shuti runami tigramurca. Paica, Amiud shuti runapaj churimi carca. Amiud shuti runaca, Omri shuti runapaj churimi carca. Omri shuti runaca, Imri shuti runapaj churimi carca. Imri shuti runaca, Bani shuti runapaj churimi carca. Bani shuti runaca, Fares shuti runapaj mirai purami carca. Fares runaca, Judá runapaj churimi carca.

⁵Silo shuti pueblopi causanajuj puramandaca, punda churi Asaías runami, paipaj churicunandi tigramurca.

⁶Zera shuti runapaj mirai puramandaca, Jeuel shuti runami paipaj miraicunandi, sucta patsaj iscun chunga runacuna tigramurca.

⁷Benjaminbaj mirai puramandaca, Salú shuti runami tigramurca. Paica, Mesulam shuti runapaj churimi carca. Mesulam shuti runaca, Hodavías shuti runapaj churimi carca. Hodavías runaca, Asenúa shuti runapaj churimi carca.

⁸Jeroham shuti runapaj churi Ibneías runapash, Uzi shuti runapaj churi Ela shuti runapashmi tigramurca. Uzi shuti runaca, Micri shuti runapaj churimi carca. Sefatías runapaj churi Mesulam shuti runapashmi tigramurca. Sefatías shuti runaca, Reuel shuti runapaj churimi carca. Reuel runaca, Ibnías shuti runapaj churimi carca.

⁹Paicunapaj huauquicunapaj miraicunaca, iscun patsaj picha chunga sucta runacunami carca. Tucui paicunami, ñaupa taitacunapaj huasi ucupura mirai familiacunata mandajcuna carca.

¹⁰Cura puramandaca: Jedaías, Joiarib, Jaquín,

¹¹Hilcías runapaj churi Azarías shuti curacunami shamurca. Hilcías runaca, Mesulam shuti runapaj churimi carca. Mesulam runaca, Sadoc shuti runapaj churimi carca. Sadoc shuti runaca, Meraiot shuti runapaj churimi carca. Meraiot shuti runaca, Ahitob runapaj churimi carca. Paica, Taita Diospaj huasipi curacunata mandajmi carca.

¹²Shinallata Adaía shuti curapashmi shamurca. Paica, Jeroham shuti runapaj churimi carca. Jeroham runaca, Pasur shuti runapaj churimi carca. Pasur shuti runaca, Malquías runapaj churimi carca. Adiel shuti runapaj churi Masai shuti curapashmi tigramurca. Adiel shuti runaca, Jazera shuti runapaj churimi carca. Jazera shuti runaca, Mesulam runapaj churimi carca. Mesulam runaca, Mesilemit shuti runapaj churimi carca. Mesilemit shuti runaca, Imer shuti runapaj churimi carca.

¹³Chai mirai purallata, huaranga canchis patsaj sucta chunga curacunapashmi shamurca. Paicunaca, paicunapaj ñaupa taitacunapaj huasi ucu puracunata mandajcunami carca. Shinallata Taita Diospaj huasipi imatalla rurashpa, Diospajta ruranatapash, alipacha pactachij curacunami carca.

¹⁴Levita puramandaca: Hasub shuti runapaj churi Semaías shuti runami shamurca. Hasub shuti runaca, Azricam shuti runapaj churimi carca. Azricam shuti runaca, Hasabías runapaj churimi carca. Paica, Merari shuti runapaj mirai purami carca.

¹⁵Bacbacar, Heres, Galal shuti runacunapash, Micaía shuti runapaj churi Matanías runapashmi tigramurca. Micaía runaca, Zicri shuti runapaj churimi carca. Zicri shuti runaca, Asaf shuti runapaj churimi carca.

¹⁶Semaías runapaj churi Obadías shuti runapashmi tigramurca. Semaías runaca, Galal runapaj churimi carca. Galal runaca, Jedutún runapaj churimi carca. Asa shuti runapaj churi Berequías runapashmi tigramurca. Asa shuti runaca, Elcana runapaj churimi carca. Paica, netofatitacuna causanajuj, muyundi uchilla llactacunapimi causajurca.

¹⁷Diospaj huasi pungupi cuidaj puramandaca: Salum, Acub, Talmón, Ahimán shuti runacunapash paicunapaj miraicunandimi tigramurca. Paicunataca, Salum runami mandajurca.

¹⁸Paicunami, levitacuna tandanajushca purapica, Diospaj huasiman jatun mandaj yaicuna pungupi cunangaman cuidanajun. Chai punguca, indi llujshimuj ladomanmi.

¹⁹Coré shuti runapaj churi Salum shuti runapash, paipaj taita Coré shuti runapaj caishuj churicunapash, paicunapaj ñaupa taitacunapaj huasi ucu purata mandajcuna imashna cashcashnallatami, Mandaj Diospaj jatun carpa pungucunapi cuidashpa, Diospajta ruranajurca. Coré shuti runaca, Ebiasaf shuti runapaj churimi carca. Ebiasaf shuti runaca, Coré shuti runapaj churimi carca.

²⁰Pundaca, Eleazar runapaj churi Finees shuti runami, paicunataca mandajurca. Mandaj Diosca, paihuanmi carca.

²¹Meselemías shuti runapaj churi Zacariasmi, Dioshuan tuparina jatun carpa pungupi cuidajurca.

²²Pungucunapi cuidachun chunrangapaj agllashcacunata tucuilla cuentajpica, ishcai patsaj chunga ishcai runacunami carca. Paicunataca, paicuna causanajuj llactacunapimi, paicunapaj miraicunata cuentarca. Paicunatami Davidca, Dios imatalla ricuchishcata villaj Samuel runagundi ishcai tucushpa, agllashpa churashca carca.

²³Chashnami paicunapash, paicunapaj churicunapash Mandaj Diospaj huasi pungucunapi, Diospaj jatun carpaman yaicuna pungucunapipash, huashan huashan shamushpa cuidanajurca.

²⁴Pungucunapi cuidajcunaca, indi llujshimuj ladomambash, indi huashajuj ladomambash, jahua ladomambash, ura ladomambashmi, chuscu ladoman cuidanajurca.

²⁵Paicunapaj muyundi uchilla llactacunapi causanajuj paicunapaj huauquicunapashmi, canchis punlla chayajpica, paicuna cuidana cashcashnallata cuidashpa ayudangapaj, huashan huashan shamunajun carca.

²⁶Pungupi cuidajcunata mandaj chuscu levitacunami, Taita Diospaj huasi ucucunatapash, chai huasipi tucui imalla ninan valishcacuna tiashcatapash cuidanajurca.

²⁷Paicunaca, Diospaj huasita cuidanamanda, tucui tutamandacuna pungucunata pascanamandami, Diospaj huasi muyundipillata causanajurca.

²⁸Paicuna puramanda huaquingunaca, Diospajta rurangapaj imalla tiashcacunatami cuidanajurca. Chaicunataca, paicunami cuentashpa alichinajurca. Shinallata llujchingapajpash, cuentashpallatami llujchinajurca.

²⁹Paicuna puramandallata huaquingunaca platocunata, Diospajlla huasipi tucui ima tiashcacunata, jacuta, vinota, aceiteta, inciensota, mishquillagu ashnajuj jambicunatapashmi cuidanajurca.

³⁰Cura puramanda huaquingunaca, mishquillagu ashnajuj jambicunatami ruranajurca.

³¹Coré shuti runapaj miraipura Salum runapaj punda churi Matatías shuti levitaca, imatalla sartenbi cusajcunata mandajmi carca.

³²Coat shuti runapaj mirai puramanda huaquingunaca, paicunapaj huauquicunandimi, samana punllacunapi Diosman carashca tandata, jilapi churanajurca.

³³Shinallata candajcunapashmi tiarca. Paicunaca, levita familiacunata mandajcunami carca. Paicunami, Diospaj huasipi tiaj ucucunapi causanajurca. Paicunaca tutapash, punllapash Diosta candana cashcamandami, ashtahuan imatalla ruranataca na charirca.

³⁴Paicunami, levitacunapaj mirai familiacuna imashna cashcashnallata, mandajcuna carca. Chai mandajcunaca, Jerusalenbimi causanajurca.

³⁵Gabaón shuti pueblopica, chai pueblopi causajcunapaj ñaupa taita Jehiel shuti runami causajurca. Paipaj huarmica, Maaca shutimi carca.

³⁶Paipaj punda churica, Abdón shutimi carca. Chaipaj cati churicunaca: Zur, Cis, Baal, Ner, Nadab,

³⁷Gedor, Ahío, Zacarías, Miclot shuticunami carca.

³⁸Miclot shuti runaca, Simeam shuti churitami charirca. Paicunapashmi Jerusalenbillata, paicunapaj huauquicunapaj chimba purapi causanajurca.

³⁹Ner shuti runaca, Cis shuti churitami charirca. Cis shuti runaca, Saúl shuti churitami charirca. Saulca: Jonatán, Malquisúa, Abinadab, Es-baal shuti churicunatami charirca.

⁴⁰Jonatanbaj churica, Merib-baal shutimi carca. Merib-baal shuti runaca, Micaía shuti churitami charirca.

⁴¹Micaía shuti runapaj churicunaca: Pitón, Melec, Tarea, Acaz shuticunami carca.

⁴²Acaz runapaj churica, Jara shutimi carca. Jara shuti runaca: Alemet, Azmavet, Zimri shuti churicunatami charirca. Zimri shuti runaca, Mosa shuti churitami charirca.

⁴³Mosa shuti runaca, Bina shuti churitami charirca. Bina shuti runapaj churica, Refaías shutimi carca. Refaías runapaj churica, Elasa shutimi carca. Elasa shuti runapaj churica, Azel shutimi carca.

⁴⁴Azel shuti runaca, sucta churicunatami charirca. Paicunaca: Azricam, Bocru, Ismael, Searías, Obadías, Hanán shuticunami carca. Paicunami, Azel shuti runapaj churicuna carca.