Read Imbabura Highland Quichua NEHEMÍAS 10 Bible Online

NEHEMÍAS 10 - Imbabura Highland Quichua bible

NEHEMÍAS 10

¹Paicunapaj shutita churajcunaca, caicunami carca: Hacalías shuti runapaj churi mandaj Nehemías runapash, Sedequías shuti runapashmi carca.

²Shinallata Seraías, Azarías, Jeremías,

³Pasur, Amarías, Malquías,

⁴Hatus, Sebanías, Maluc,

⁵Harim, Meremot, Obadías,

⁶Daniel, Ginetón, Baruc,

⁷Mesulam, Abías, Mijamín,

⁸Maazías, Bilgai, Semaías shuti runacunapashmi carca. Tucuilla paicunaca, curacunami carca.

⁹Levita puramandaca, caicunami carca: Azanías shuti runapaj churi Jesúa shuti runapash, Henadad shuti runapaj mirai Binúi shuti runapash, Cadmiel shuti runapashmi carca.

¹⁰Paicunapaj huauqui puramandaca, caicunami carca: Sebanías, Hodías, Kelita, Pelaías, Hanán,

¹¹Micaía, Rehob, Hasabías,

¹²Zacur, Serebías, Sebanías,

¹³Hodías, Bani, Bininu shuti runacunami carca.

¹⁴Gentecunata mandaj puramandaca, caicunami carca: Paros, Pahat-moab, Elam, Zatu, Bani,

¹⁵Buni, Azgad, Bebai,

¹⁶Adonías, Bigvai, Adín,

¹⁷Ater, Ezequías, Azur,

¹⁸Hodías, Hasum, Bezai,

¹⁹Harif, Anatot, Nabai,

²⁰Magpías, Mesulam, Hezir,

²¹Mesezabeel, Sadoc, Jadúa,

²²Pelatías, Hanán, Ananías,

²³Oseas, Hananías, Hasub,

²⁴Halohes, Pilha, Sobec,

²⁵Rehum, Hasabna, Maasías,

²⁶Ahías, Hanán, Anán,

²⁷Maluc, Harim, Baana shuti mandajcunami carca.

²⁸Huaquin gentecuna, curacuna, levitacuna, Diospaj huasi pungupi cuidajcuna, candajcuna, Diospaj huasipi servijcunapashmi tandanajurca. Taita Dios mandashcata pactachingapaj, shuj llactapi causanajuj gentecunamanda shicanyashpa, tucui shamujcunapash, paicunapaj huarmicunandi, alita na alitapash yachai ushanalla, ña juizulla churicunandi ushicunandimi tandanajurca.

²⁹Taita Dios mandashcata pactachishpa causashunmi nishpa rimashpa juramentungapajmi, paicunapaj huauquicunandi, mandajcunandi tandanajurca. Chai mandashcataca, Taita Diosta servij Moisesmanmi cushca carca. Shinallata ñucanchita Mandaj Jatun Dios tucui mandashcacunata, imata rurachun mandashcacunata, pactachinajuchun cushca shimicunatapash cazushpa pactachishunmi ningapajmi tandanajurca.

³⁰Ñucanchi ushicunataca, cai llacta ladollapi causajcunapaj churicunahuanga, na cazarachishunllu. Ñucanchi churicunatapash, paicunapaj ushicunahuanga na cazarachishunllu.

³¹Shinallata samana punllacunapi, shuj llacta gentecuna imata jatungapaj shamujpipash, granocunata jatungapaj shamujpipash, na randishunllu. Chai punllapash, Diospajlla shicanyachishca ashtahuan shuj punllacunapash, paicuna apamushcataca na randishunllu. Shinallata canchis huata tucujpica, alpacunatapash na tarpushpami samachishun. Tucui ima divicunatapash na cuhuai nishpa saquishunllami.

³²Ñucanchica, cai mandashcata pactachingapajmi, ñucanchillata ari ninajurcanchi. Chai jahuapash ñucanchi Taita Diospaj huasita rurachunmi, chuscu gramotashna pezaj culquita huatapi huatapi cungapaj, tucuicuna ari ninajurcanchi.

³³Chai culquica, Diosman cuna tandapaj, Diosman imagutapash punllandi cungapaj, Diosman animalta cushpa punllandi rupachingapajmi canga. Samana punllacunapi, luna llullu punllacunapi fiesta punllacunapi cungapajmi canga. Shinallata Diosman shicanyachishcacunata cungapajpash, israelcunapaj juchamanda cushpa animalta huañuchingapajpash, ñucanchi Taita Diospaj huasipi tucui ruranacunata rurachumbashmi canga ninajurcanchimi.

³⁴Curacunapash, levitacunapash, tucui israelcunapashmi, ñucanchi Taita Diospaj huasiman huatapi huatapi ima hora yamdata carashpa apamuna cashcata yachangapaj, suerteta rurarcanchi. Chaitaca, mandashcapi nishcashnallatami, ñucanchi taitacunapaj huasi ucu puracuna imashna cashcashnallata, ima huatacunapi cajpipash, ñucanchita Mandaj Taita Diospaj altarpi rupachingapaj, yamdata apamuchun suerteta rurarcanchi.

³⁵Ñucanchi pambacunapi punda fucushcacunatapash, tucui yuracunapi punda fucushcatapashmi, Mandaj Diospaj huasiman huatapi huatapi apamushun ninajurcanchi.

³⁶Shinallata ñucanchi punda churicunatapash, punda huacharishca huagracunatapash, mandashcapi nishcashnallatami ñucanchi Taita Diospaj huasiman apamushun nircanchi. Punda huacharishca huarmi huagracunata, llamacunatapash, ñucanchi Taita Diospaj huasipi servij curacunamanmi apamushun nircanchi.

³⁷Punda masashca tandata, shuj ima caranacunata, tucui yuracunapi punda fucushca granocunata, punda rurashca vinota, aceitetaca curacunamanmi, ñucanchi Taita Diospaj huasi ucucunaman apamushun ninajurcanchi. Ñucanchi pambapi fucushcacunataca, levitacunamambashmi, chungamanda shujguta apamushun nircanchi. Tucui pueblocunapi tiaj ñucanchi pambacunapi fucushca granocunataca, levitacunami chungamanda shujguta japina carca.

³⁸Chungamanda shujguta levitacuna japinajujpica, Aaronbaj mirai shuj curami, levitacunata cumbanga. Chungamanda shujguta japishpaca, levitacunallatami cutin shuj chungamanda shujguta anchuchishpa, ñucanchi Taita Diospaj huasipi tiaj alichina ucuman alichingapaj apanga.

³⁹Chai alichina ucumanmi israelcunandi, levitacunandi, Diosman carashca granocunata, vinota, aceiteta apana carca. Chaipillatami, Diospaj huasipi ima charishcacunatapash alichina carca. Chai huasipillatami, Diosta servij curacunapash, pungupi cuidajcunapash, candajcunapash causanajun. Chashna rurashpami, ñucanchi Taita Diospaj huasitaca, napacha saquishun ninajurcanchi.