Read Imbabura Highland Quichua NEHEMÍAS 11 Bible Online

NEHEMÍAS 11 - Imbabura Highland Quichua bible

NEHEMÍAS 11

¹Israelcunata mandajcunaca, Jerusalenbimi causanajurca. Ashtahuangarin caishuj israelcunaca, Diospajlla Jerusalén pueblopi causachunmi, cada chungamanda shujguta agllangapaj suerteta ruranajurca. Caishuj iscun puchushcacunaca, shuj pueblocunapimi causagrinajurca.

²Paicunapaj munaillata Jerusalenbi causashunllami nij tucui runacunataca, israelcunami bendiciarca.

³Ashtahuangarin israelcuna, curacuna, levitacuna, Diospaj huasipi servijcuna, Salomonda servijcunapaj miraicunaca, Judá llacta pueblocunapimi, paicunapaj alpacunapillata, paicunapaj pueblocunapillata causanajurca. Llactata mandashpa Jerusalenbi causanajushcacunaca, caicunami:

⁴Judapaj, Benjaminbaj miraicunaca, Jerusalenbimi huaquingunaca causanajurca. Judá shuti runapaj miraicunamandaca, caicunami: Ataías shuti runaca, Uzías runapaj churimi carca. Uzías runaca, Zacariaspaj churimi carca. Zacariasca, Amarías shuti runapaj churimi carca. Amarías runaca, Sefatías shuti runapaj churimi carca. Sefatías runaca, Mahalaleel shuti runapaj churimi carca. Mahalaleel shuti runaca, Fares shuti runapaj miraicunamandami carca.

⁵Baruc shuti runapaj churi Maasías shuti runapashmi mandaj carca. Baruc shuti runaca, Colhoze shuti runapaj churimi carca. Colhoze shuti runaca, Hazaías runapaj churimi carca. Hazaías runaca, Adaías runapaj churimi carca. Adaías runaca, Joiarib shuti runapaj churimi carca. Joiarib runaca, Zacariaspaj churimi carca. Zacariasca, Siloni shuti runapaj churimi carca.

⁶Jerusalenbi causanajushca, Fares runapaj tucui miraicunaca, 478 ninan shinlli runacunami carca.

⁷Benjaminbaj miraicunaca, caicunami: Mesulam shuti runapaj churi Salú shuti runami carca. Mesulam shuti runapaj Joed shuti runapaj churimi carca. Joed shuti runaca, Pedaías shuti runapaj churimi carca. Pedaías shuti runaca, Colaías shuti runapaj churimi carca. Colaías shuti runaca, Maasías runapaj churimi carca. Maasías runaca, Itiel shuti runapaj churimi carca. Itiel shuti runaca, Jesaías runapaj churimi carca.

⁸Paipaj catica Gabai shuti runapash, Salai shuti runapashmi carca. Chai miraicunaca, 928mi carca.

⁹Paicunata mandajca, Zicri shuti runapaj churi Joelmi carca. Jerusalén pueblopi causajcunata jipa mandajca, Senúa shuti runapaj churi Judá runami carca.

¹⁰Cura puramandaca: Joiarib shuti runapaj churi Jedaías shuti runapash, Jaquín shuti runapashmi carca.

¹¹Seraías shuti runaca, Hilcías shuti runapaj churimi carca. Hilcías runaca, Mesulam shuti runapaj churimi carca. Mesulam shuti runaca, Sadoc shuti runapaj churimi carca. Sadoc shuti runaca, Meraiot shuti runapaj churimi carca. Meraiot runaca, Ahitob shuti runapaj churimi carca. Ahitob runaca, Taita Diospaj huasipi mandajmi carca.

¹²Diospaj huasipi rurashpa causaj huauquicunandica, 822mi carca. Shinallata Jeroham shuti runapaj churi Adaías shuti runaca, curami carca. Jeroham runaca, Pelalías shuti runapaj churimi carca. Pelalías runaca, Amsi shuti runapaj churimi carca. Amsi shuti runaca, Zacariaspaj churimi carca. Zacariasca, Pasur runapaj churimi carca. Pasur runaca, Malquías runapaj churimi carca.

¹³Familiacunata mandaj paicunapaj huauquicunandica, 242mi carca. Shinallata Azareel shuti runapaj churi Amasai shuti runapashmi carca. Azareel runaca, Azai shuti runapaj churimi carca. Azai runaca, Mesilemot shuti runapaj churimi carca. Mesilemot runaca, Imer shuti runapaj churimi carca.

¹⁴Paicunapaj huauquicunandica, 128mi carca. Chai huauquicunaca, ninan shinllicunami carca. Paicunata mandajca, Gedolim shuti runapaj churi Zabdiel runami carca.

¹⁵Levitacunamandaca, Hasub shuti runapaj churi Semaías shuti runami carca. Hasub shuti runaca, Azricam runapaj churimi carca. Azricam runaca, Hasabías runapaj churimi carca. Hasabías runaca, Buni shuti runapaj churimi carca.

¹⁶Sabetai runapash, Jozabad runapashmi, levitacunata mandaj puracuna carca. Paicunami, Taita Diospaj huasi canllapi imatalla ruranajuchun ricushpa mandanajurca.

¹⁷Micaía shuti runapaj churi Matanías runapashmi carca. Micaía shuti runaca, Zabdi shuti runapaj churimi carca. Zabdi shuti runaca, Asaf shuti runapaj churimi carca. Diosta alicachishpa candachi callarinapipash, Diosta mañana horascunapi pashi nishpa candachinapipash, paimi mandajurca. Bacbuquías shuti runaca, paicunapaj cumbacunapaj cati candachijmi carca. Abda shuti runaca, Samúa runapaj churimi carca. Samúa runaca, Galal shuti runapaj churimi carca. Galal shuti runaca, Jedutún runapaj churimi carca.

¹⁸Diospajlla Jerusalenbi causanajuj levitacunaca, 284mi carca.

¹⁹Shinallata Diospaj huasi pungucunapi cuidajcunaca: Acub shuti runapash, Talmón shuti runapash, paicunapaj huauquicunandica, 172mi carca.

²⁰Caishuj israelcunamanda, curacunamanda, levitacunamanda huaquingunaca, Judá llactapi tiaj tucui pueblocunapimi, paicunapaj alpacunapillata tucuicuna causanajurca.

²¹Diospaj huasipi servishpa causajcunaca, Ofel shuti uchilla pueblopimi causanajurca. Diospaj huasipi servijcunata mandajcunaca, Ziha shuti, Gispa shuti runacunami carca.

²²Jerusalenbi causanajuj levitacunata mandajca, Bani shuti runapaj churi Uzi shutimi carca. Bani shuti runaca, Hasabías runapaj churimi carca. Hasabías runaca, Matanías shuti runapaj churimi carca. Matanías runaca, Micaía shuti runapaj churimi carca. Micaía runaca, Asaf runapaj mirai purami carca. Paicunami, Taita Diospaj huasipi imatalla ruranacunapica, candajcuna carca.

²³Jatun mandajca, candajcunata shican shican churashpa, punllandi imata rurachumbash, ñami mandashca carca.

²⁴Shinallata Mesezabeel shuti runapaj churi Petaías shuti runaca, israelcunata ima alichina tiajpipash ricushpami, jatun mandajta servijurca. Mesezabeel shuti runaca, Judá runapaj churi Zera shuti runapaj mirai purami carca.

²⁵Uchilla llactacunapi, chaipi tiaj alpacunapica, Judapaj mirai puramanda huaquingunami causanajurca. Paicunaca Quiriat-arba, Dibón, Jecabseel shuti pueblocunapipash, chai pueblocunapaj muyundi uchilla llactacunapipashmi causanajurca.

²⁶Jesúa, Molada, Bet-pelet,

²⁷Hazar-sual, Beerseba shuti pueblocunapipash, muyundi uchilla llactacunapipashmi causanajurca.

²⁸Siclag, Mecona,

²⁹En-rimón, Zora, Jarmut,

³⁰Zanoa, Adulam, Laquis, Azeca shuti pueblocunapipash, muyundi uchilla llactacunapipashmi causanajurca. Chashnami Beerseba pueblomandaca, Hinom shuti pugru pambacaman causanajurca.

³¹Benjaminbaj mirai puramandaca Geba, Micmas, Aía, Bet-el shuti pueblocunapipash, muyundi uchilla llactacunapipashmi causanajurca.

³²Anatot, Nob, Ananías,

³³Hazor, Ramá, Gitaim,

³⁴Hadid, Seboim, Nebalat,

³⁵Lod shuti pueblocunapipashmi causanajurca. Shinallata Ono shuti pugru pambapica, imatapash alipacha ruranata yachajcunami causanajurca.

³⁶Huaquin levitacunamambash, Judá llactapi, Benjamín llactapimi, alpacunata chaupishpa cunajurca.