Read Imbabura Highland Quichua NEHEMÍAS 7 Bible Online

NEHEMÍAS 7 - Imbabura Highland Quichua bible

NEHEMÍAS 7

¹Jerusalén pueblo muyundi jatun pircacunata alichishpa, pungucunatapash churashca jipaca, Diospaj huasi pungupi cuidajcunatapash, candajcunatapash, levitacunatapashmi agllarcanchi.

²Chai jipami, Hanani shuti ñuca huauquitapash, Jerusalenbi tiaj shinlli torrepi cuidajcunata mandaj Hananías runatapash mandarcani. (Hananías runaca, ashtacacunata yali Taita Diosta manllaj, na llullaj runami carca).

³Paicunataca, cashnami nircani: “Jerusalenman yaicuna jatun pungucunataca, indi cunuyachimungacaman na pascanachu canguichi. Gentecuna chaipira cajpipash, pungucunataca vichashpa jarcanguichilla” nircanimi. Shinallata Jerusalenbi causanajuj puramandaca, cati cati shamushpa, paicunapaj huasi ñaupajpillata cuidanajuchunmi agllarcani.

⁴Jerusalenga lugarlla, jatumbachami carca. Shina cajpipash, gentecunaca huaquinllami chai pueblo ucupica tiarca. Chaipica huasicunatapash, nara alichishcachu carca.

⁵Shinamandami Taita Diosca, alicachi tucushcacunata, mandajcunata, shuj gentecunata tandachina yuyaita cuhuarca. Paicunapaj ñaupa taitacunapaj shuticunata imashna escribishcashnallata, paicunapaj shuticunata escribichinajuchunmi tandachircani. Chaipica, punda vichai shamushca taitacunapaj shuticunata escribishca tiajuj librotami tarircani. Chai libropica, cashna escribishcami tiajushca carca:

⁶“Caicunaca, llactapi causajcunata prezu apajpi, cutin vichai tigramushcacunami. Paicunataca, Babilonia llactata jatun mandaj Nabucodonosor runami prezu apashca carca. Chashna apajpipash, Jerusalenman, Judá llactamanmi, paicunapaj pueblocunamanllata cutin tigramunajurca.

⁷Zorobabel, Jesúa, Nehemías, Azarías, Raamías, Nahamani, Mardoqueo, Bilsán, Misperet, Bigvai, Nehum, Baana shuti runacunahuan mashnalla tigramushca Israel runacunaca, caicunami:

⁸Paros shuti runapaj miraicunaca, 2.172mi carca.

⁹Sefatías shuti runapaj miraicunaca, 372mi carca.

¹⁰Ara shuti runapaj miraicunaca, 652mi carca.

¹¹Pahat-moab shuti runapaj miraicunaca, 2.818mi carca. Paicunaca, Jesúa shuti runapaj, Joab runapaj miraicunami carca.

¹²Elam shuti runapaj miraicunaca, 1.254mi carca.

¹³Zatu shuti runapaj miraicunaca, 845mi carca.

¹⁴Zacai shuti runapaj miraicunaca, 760mi carca.

¹⁵Binúi shuti runapaj miraicunaca, 648mi carca.

¹⁶Bebai shuti runapaj miraicunaca, 628mi carca.

¹⁷Azgad shuti runapaj miraicunaca, 2.622mi carca.

¹⁸Adonicam shuti runapaj miraicunaca, 667mi carca.

¹⁹Bigvai shuti runapaj miraicunaca, 2.067mi carca.

²⁰Adín shuti runapaj miraicunaca, 655mi carca.

²¹Ater shuti runapaj, Ezequías runapaj miraicunaca, 98mi carca.

²²Hasum shuti runapaj miraicunaca, 328mi carca.

²³Bezai shuti runapaj miraicunaca, 324mi carca.

²⁴Harif shuti runapaj miraicunaca, 112mi carca.

²⁵Gabaón shuti pueblomanda runacunaca, 95mi carca.

²⁶Belén shuti, Netofa shuti pueblocunamanda runacunaca, 188mi carca.

²⁷Anatot shuti pueblomanda runacunaca, 128mi carca.

²⁸Bet-azmavet shuti pueblomanda runacunaca, 42mi carca.

²⁹Quiriat-jearim, Cafira, Beerot shuti pueblocunamanda runacunaca, 743mi carca.

³⁰Ramá shuti, Geba shuti pueblocunamanda runacunaca, 621mi carca.

³¹Micmas pueblomanda runacunaca, 122mi carca.

³²Bet-el shuti, Hai shuti pueblocunamanda runacunaca, 123mi carca.

³³Caishuj Nebo shuti pueblomanda runacunaca, 52mi carca.

³⁴Caishuj Elam shuti runapaj miraicunaca, 1.254mi carca.

³⁵Harim shuti runapaj miraicunaca, 320mi carca.

³⁶Jericó pueblomanda runacunaca, 345mi carca.

³⁷Lod, Hadid, Ono shuti pueblocunamanda runacunaca, 721mi carca.

³⁸Senaa shuti runapaj miraicunaca, 3.930mi carca.

³⁹Curacunaca caicunami: Jesúa shuti runapaj huasi ucu puramanda Jedaía shuti runapaj miraicunaca, 973mi carca.

⁴⁰Imer shuti runapaj miraicunamandaca, 1.052mi carca.

⁴¹Pasur shuti runapaj miraicunamandaca 1.247mi carca.

⁴²Harim shuti runapaj miraicunamandaca, 1.017mi carca.

⁴³Levitacunaca caicunami: Hodavías shuti runapaj miraicunamanda Jesúa shuti runapaj, Cadmiel shuti runapaj miraicunaca, 74mi carca.

⁴⁴Candajcunaca caicunami: Asaf shuti runapaj miraicunaca, 148mi carca.

⁴⁵Pungupi cuidajcunaca, caicunami carca: Salum, Ater, Talmón, Acub, Hatita, Sobai shuti runacunapaj miraicunaca, 138mi carca.

⁴⁶Diospaj huasipi servijcunaca, caicunami: Paicunaca: Ziha, Hasuf, Tabaot,

⁴⁷Queros, Siaha, Padón,

⁴⁸Lebana, Hagaba, Salmai,

⁴⁹Hanán, Gidel, Gahar,

⁵⁰Reaía, Rezín, Necoda,

⁵¹Gazam, Uza, Paseah,

⁵²Besai, Mehunim, Nefisesim,

⁵³Bacbuc, Hacufa, Harhur,

⁵⁴Bazlut, Mehída, Harsa.

⁵⁵Barcos, Sísara, Tema,

⁵⁶Nezía, Hatifa shuti runacunapaj miraicunami carca.

⁵⁷Salomonda servijcunapaj miraicunaca, caicunami: Sotai, Soferet, Perida,

⁵⁸Jaala, Darcón, Gidel,

⁵⁹Sefatías, Hatil, Poqueret-hazebaim, Amón shuti runacunapaj miraicunami carca.

⁶⁰Diospaj huasipi servijcunapash, Salomonda servijcunapaj miraicunapash tucuimandaca, 392mi carca.

⁶¹Tel-mela, Tel-harsa, Querub, Adón, Imer shuti pueblocunamanda tigramushcacunaca, paicunapaj taitacunapaj huasi ucu puracuna mashna cashcatapash, maijanmanda miraipura cashcatapash, Israel puracuna cashcatapash na ricuchi usharcachu. Paicunaca, caicunami carca:

⁶²Delaía, Tobías, Necoda shuti runacunapaj miraicunaca, 642mi carca.

⁶³Curacunapaj miraicunaca, caicunami: Habaía, Cos, Barzilai shuti runacunapaj miraicunami carca. Barzilai shuti runaca, Galaad shuti llactamanda chaishuj Barzilai shuti runapaj ushicunamanda shuj ushihuanmi cazararca. Chaimandami, chai huarmicunapaj shutita aparca.

⁶⁴Paicunaca, paicunapaj ñaupa taitacunapaj shuticunata escribishca libropimi mascarca. Shina mascajpipash, paicunapaj shuticunaca na ricurijpimi paicunataca, curacuna canamandaca anchuchirca.

⁶⁵Chaimandami Judá llactata mandajca, Urim nishcahuan, Tumim nishcahuan shuj cura, Diosta tapushpa imatapash ningacaman, Diosman cushca micunacunataca, na micunachu nishpa mandarca.

⁶⁶Paicunata shujllapi tandachijpica, 42.360 runacunami carca.

⁶⁷Paicunata servij jaricunata, servij huarmicunataca, na cuentashcami chashna carca. Chai servijcunaca, 7.337mi carca. Paicuna purapica, candanata yachaj jaricunapash, huarmicunapash, 245mi tiarca.

⁶⁸Paicunapaj caballocunaca 736, jari mulacunaca 245mi carca.

⁶⁹Camellocunaca 435, burrocunaca 6.720mi carca.

⁷⁰Tucuilla familiacunata mandaj puracunamanda huaquingunaca, Diospajta rurachunmi, culquitapash, ima caranacunatapash caranajurca. Mandajpashmi, imatapash alichina ucupi alichijuchun, huaranga dracma nishca orocunata, picha chunga jatun tastacunata, curacuna churajunacunatapash, picha patsaj quimsa chunga churajunata curca.

⁷¹Familiacunata mandajcunaca, Diospajta rurachunmi culquita alichijman, ishcai chunga huaranga dracma nishca orocunata, ishcai huaranga ishcai patsaj libra culquita cunajurca.

⁷²Caishuj israelcunaca, ishcai chunga huaranga dracma orocunata, ishcai huaranga libra culquitami caranajurca. Shinallata curacunapaj churajunacunataca, sucta chunga canchis churajunacunatami caranajurca.

⁷³Curacuna, levitacuna, Diospaj huasi pungupi cuidajcuna, candajcuna, shuj gentecuna, Diospaj huasipi servijcuna, shinallata tucui israelcunaca, paicunapaj pueblocunapillatami causagrirca” nishpa escribishcami tiajurca.