Read Imbabura Highland Quichua JOB 35 Bible Online

JOB 35 - Imbabura Highland Quichua bible

JOB 35

¹Eliú shuti runaca ali yarishpami, cashna rimashpa catijurca:

²“Canga: ‘Ñucaca, Taita Diostapash yali, imatapash cashcatapacha rurajmi cani’ nishpaca, alitami nini ¿yanguichu?

³Canga, cashnami nijurcangui: ‘Paimandaca, ¿ima alitata japina caniyari? ¿Na cashpaca, juchata na rurashcamandaca, ima alitashi japisha?’ nijurcanguimi.

⁴Shinamandami aliguta ñuca yarijushcataca, canmambash, cambaj cumbacunamambash villangapaj munani.

⁵Jahua pachata ricuyari. Chaita ricushpaca, chaipi tiaj fuyutaca, candapash yali jahuaman tiajujta yariyari.

⁶Juchata can rurashpaca, ¿Diosta llaquichinimi yanguichu? Paita jariyashpa na cazushpapash, ¿paitaca imatashi rurai ushangui?

⁷Imatapash cashcatapacha ruraj cashpapash, ¿imatashi paiman cungui? ¿Na cashpaca, imatashi cambaj maquimandaca japinga?

⁸Diosta can na cazushcapash, canshnalla runatami llaquichinga. Imatapash cashcatapacha can rurashcapash, huañuna aichayu runapajllatami ali canga.

⁹Llaquichitalla ninanda llaquichijpimi, caparinajun. Ninan ushaita charijcuna llaquichijpimi, ninanda huacanajun.

¹⁰Llaquihuan cashpapash, shujllapash na cashna ninllu: ‘Ñucata Ruraj Taita Diosca, ¿maipitayari? Paica, tutacunapash candana cushijuitami cun.

¹¹Paica ñucanchitaca, cai pachapi tiaj animalcunatapash ashtahuan yali yachajtami rurarca. Alasyu animalcunatapash yali alipacha yachajushcacunatami rurarca’ nitallapash, na ninllu.

¹²Nali runacunallata jariyashpa jatun tucushcamandami, paicuna chaipi caparinajujpipash, na uyanga.

¹³Yangalla shimicunataca, Taita Diosca na uyangachu. Tucui Ushaita Charij Diosca, ricuitallapash na ricungachu.

¹⁴Can, paita na cazunichu nijpicarin, ¿maitata llaquingayari? Can imatalla rurashcacunaca, paipaj ñaupajpimi. Shina cashcamanda, paita shuyailla.

¹⁵Ashtahuangarin cunanga, ninanda fiñarishca cashpapash nara llaquichinllu. Shinlli shimihuambash, nara tapuchinllu.

¹⁶Shinamandami Job runaca, shimita pascashpa yangata rimajun. Ima yuyaitapash na cuj shimicunatallami ninanda rimajun” nijurcami.